ជប៉ុនកត់ត្រាចំនួនប្រជាជនធ្លាក់ចុះច្រើនបំផុតមិនធ្លាប់មាន ក្នុងឆ្នាំ២០២១

ប្រទេសជប៉ុនបានកត់ត្រាចំនួនកំណើតទាបបំផុត ក្នុងឆ្នាំ២០២១ ដែលជំរុញឱ្យមានការថយចុះចំនួនប្រជាជនដ៏ធំមិនធ្លាប់មាន ក្នុងប្រវត្តិសាស្ត្រ។ នេះបើយោងតាមទិន្នន័យរបស់រដ្ឋាភិបាលដែលបានបង្ហាញជាសាធារណៈ នៅថ្ងៃសុក្រ ទី៣ ខែមិថុនា ឆ្នាំ២០២២ ។

របាយការណ៍បង្ហាញថា កាលពីឆ្នាំមុន ចំនួនកំណើតទារកមានតែ ៨១១,៦០៤នាក់ប៉ុណ្ណោះ ដែលវាជាចំនួនតិចបំផុតនៅក្នុងទិន្នន័យរបស់ក្រសួងសុខាភិបាល បើធៀបទៅនឹងកំណើត កាលពីឆ្នាំ១៨៩៩។ ចំណែករណីមរណភាព នៅក្នុងឆ្នាំ២០២១ បានកើនឡើងដល់ ១,៤៣៩,៨០៩នាក់ ដែលនេះក៏ជាមូលហេតុមួយ នាំឱ្យមានការថយចុះនៃចំនួនប្រជាជនប្រមាណ ៦២៨,២០៥នាក់។

ដោយឡែកមូលហេតុផ្សេងទៀត ដែលនាំមានអត្រាកំណើនប្រជាជនធ្លាក់ចុះយ៉ាងគំហុក ដោយសារតែស្ត្រីជប៉ុនបានធ្លាក់ចុះនូវការផ្ដល់កំណើត ហើយក្នុងអំឡុងពេលនៃជំងឺរាតត្បាតកូវីដ-១៩ ក៏បានបង្កផលប៉ះពាល់ដល់ចំនួនប្រជាជនផងដែរ៕

ប្រែសម្រួល៖ សន្យា

ប្រភព៖ Asia One

ចុចអាន៖ អាមេរិក ផ្ទុះការបាញ់ប្រហារថ្មី ២លើកទៀតក្នុងថ្ងៃតែមួយ