១៦ប្រទេស បញ្ជូនគ្រូ ទៅបង្វឹក ទាហាន អ៊ុយក្រែន (មានវីដេអូ)

ប្រទេសលោកខាងលិច បានចាប់ផ្តើមបង្វឹកទាហានអ៊ុយក្រែនជាយូរមកហើយ ពោលគឺមុន រុស្ស៊ីចាប់ផ្តើមប្រតិបត្តិការយោធានៅក្នុងប្រទេសជិតខាងមួយនេះទៅទៀត។

សហរដ្ឋ​អាមេរិក​បាន​ធ្វើ​ដូច្នេះ ​ជា​មួយ​នឹង​ប្រទេស​ផ្សេង​ទៀត រួម​ទាំង​សម្ព័ន្ធមិត្ត​របស់ទី​ក្រុង​វ៉ាស៊ីនតោន​ផង​ដែរ។

ទោះបីជាមានលំហូរទឹកប្រាក់ អាវុធ និងកញ្ចប់យោធាឥតឈប់ឈររបស់បស្ចិមប្រទេស ទៅកាន់ទីក្រុងកៀវក៏ដោយ, អាមេរិក និងសម្ព័ន្ធមិត្ត ហាក់ដូចមិនបានគិតទាល់តែសោះមុនពេលអះអាងថា ពួកគេមិនមែនជាផ្នែកនៃជម្លោះអ៊ុយក្រែននោះទេ។

បន្ទាប់ពីការសម្រេចចិត្តចុងក្រោយរបស់សហភាពអឺរ៉ុប ក្នុងការផ្តល់ជំនួយយោធាបន្ថែមគិតជាទំហំទឹកប្រាក់រាប់លានអឺរ៉ូដល់អ៊ុយក្រែន អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានរិះគន់ទីក្រុងព្រុចសែល សម្រាប់ការផ្តល់ប្រាក់បន្ថែមដើម្បីបណ្តុះបណ្តាល និងបំពាក់ឲ្យសកម្មប្រយុទ្ធអ៊ុយក្រែន ជាមួយនឹងអាវុធទំនើបៗដែលនឹងបន្តបំផ្លាញជនស៊ីវិល រួមទាំងហេដ្ឋារចនាសម្ព័ន្ធសំខាន់ៗ។

ដូចនេះ តើប្រទេសណាខ្លះ បានបញ្ជូនគ្រូទៅបណ្តុះបណ្តាលទាហានអ៊ុយក្រែន?

ព័ត៌មានដែលចេញផ្សាយនៅលើគេហទំព័រក្រសួងការបរទេសអាមេរិកកាលពីដើមខែតុលាបានបង្ហាញថា ទីក្រុងវ៉ាស៊ីនតោន បានចូលរួមក្នុងការផ្តល់ជំនួយទាក់ទងនឹងការហ្វឹកហ្វឺនយោធាចាប់តាំងពីឆ្នាំ២០១៤មក។

មួយឆ្នាំក្រោយមក ចក្រភពអង់គ្លេស បានបញ្ជូនគ្រូយោធាទៅកាន់ភាគខាងកើតប្រទេសអ៊ុយក្រែន ជាកន្លែងដែលកងកម្លាំងក្នុងតំបន់ ត្រូវបានបង្រៀនអំពីការសង្គ្រោះបឋម និងយុទ្ធសាស្ត្រការពារ។

ក្រៅពីសហរដ្ឋអាមេរិក និងចក្រភពអង់គ្លេស ប្រទេសផ្សេងទៀតដែលបានបណ្តុះបណ្តាលកងទ័ពអ៊ុយក្រែនរួមមាន៖ កាណាដា អាល្លឺម៉ង់ ដាណឺម៉ាក ​ហូ​ឡង់ អេស្ប៉ាញ ព័រទុយហ្គាល់ ស៊ុយអែត ហ្វាំងឡង់ ន័រវេស អ៊ីស្លង់ អេស្តូនី លីទុយអានី ឡាតវី និងនូវែលសេឡង់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ រុស្ស៊ី ព្រមានអ៊ីស្រាអែល កុំផ្តល់អាវុធឲ្យ អ៊ុយក្រែន ឲ្យសោះ