សមត្ថកិច្ចកំពុងស្រាវជ្រាវរកម្ចាស់រថយន្តព្រុស ពាក់ស្លាកលេខ ភ្នំពេញ 2AY-6241 ដើម្បីចាត់វិធានការច្បាប់ (មានវីដេអូ)

បន្ទាប់ពីបែកធ្លាយវីដេអូមួយនៅក្នុងបណ្ដាញសង្គម ពាក់ព័ន្ធករណីរថយន្ដម៉ាកព្រុសមួយគ្រឿងពាក់ស្លាកលេខ ភ្នំពេញ 2AY-6241 ដែលបើកបរបង្ករភាពអនាធិបតេយ្យនៅលើផ្លូវល្បឿនលឿនភ្នំពេញ ព្រះសីហនុ នោះមក នៅព្រឹកថ្ងៃទី២៧ ខែតុលានេះ នាយកដ្ឋាន​នគរបាលចរាចរណ៍ និងសណ្ដាប់ធ្នាប់នៃអគ្គស្នងការដ្ឋាននគរបាលជាតិ បានបញ្ជាក់ថា សមត្ថកិច្ចនឹងស្រាវជ្រាវរកអត្តសញ្ញាណម្ចាស់​រថយន្តនេះ​ដើម្បីអញ្ជើញ​មកសារសួរ​ និងមានវិធានការផ្លូវច្បាប់។ 

តាមការបញ្ជាក់របស់លោកឧត្ដមសេនីយ៍ឯក ហេង ចាន់ធារី ប្រធាននាយកដ្ឋាននគរបាលចរាចរណ៍ និងសណ្ដាប់ធ្នាប់នៃអគ្គស្នងការដ្ឋាន​នគរបាលជាតិ បានអោយដឹងថា បន្ទាប់ពីបានឃើញវីដេអូបង្ហោះនៅលើបណ្ដាញសង្គមហ្វេសប៊ុក អំពីរថយន្តព្រុសមួយគ្រឿងបើកបរបង្ករភាពអនាធិបតេយ្យលើផ្លូវល្បឿនលឿន ភ្នំពេញ-ព្រះសីហនុ នោះ សមត្ថកិច្ចរបស់លោកនឹងស្រាវជ្រាវរកអត្តសញ្ញាណម្ចាស់រថយន្តព្រុស ពាក់ផ្លាកលេខ 2AY-6241 ភ្នំពេញ ខាងលើ ដើម្បីអញ្ជើញមកសារសួរ និងមានវិធានការផ្លូវច្បាប់។ 

សូមបញ្ជាក់ថា វីដេអូរថយន្តព្រុសពាក់ផ្លាកលេខ 2AY-6241 ភ្នំពេញ ដែលបើកបរបង្ករភាពអនាធិបតេយ្យលើផ្លូវល្បឿនលឿនភ្នំពេញ ព្រះសីហនុ កំពុងទទួលរងការរិះគន់យ៉ាងខ្លាំងពីសំណាក់មហាជន ដែលមតិភាគច្រើនមើលឃើញថា ម្ចាស់រថយន្តព្រុសខាងលើនេះ បើកបរ​បង្កររឿងតែម្ដង៕