ព័ត៌មានជាតិ
គម្រោងផ្លូវស្ពានចំនួនពីរ នឹងចុះហត្ថលេខាប៉ុន្មានថ្ងៃទៀតនេះ ត្រៀមបើកការដ្ឋានសាងសង់
រដ្ឋមន្ត្រីក្រសួងសាធារណការនិងដឹកជញ្ជូនបានបញ្ជាក់ថា ក្នុងដំណើរទស្សនកិច្ចរបស់មេដឹកនាំចិនក្នុងកិច្ចប្រជុំកំពូលអាស៊ាននៅរាជធានីភ្នំពេញប៉ុន្មានថ្ងៃទៀតនេះ នឹងមានការចុះហត្ថលេខាផ្តល់ប្រាក់កម្ចីលើគម្រោងអភិវឌ្ឍហេដ្ឋារចនាសម្ព័ន្ធធំចំនួនពីរក្នុងប្រទេសកម្ពុជា។
លោកស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូន បានលើកឡើងនៅក្នុងសន្និសីទសារព័ត៌មានរៀបចំឡើងកាលពីម្សិលមិញថា នៅថ្ងៃ ០៩ ខែ វិច្ឆិកាខាងមុខនេះ ប្រមុខរដ្ឋាភិបាលកម្ពុជានិងមេដឹកនាំចិននឹងចុះហត្ថលេខាការផ្តល់ប្រាក់កម្ចីលើគម្រោងអភិវឌ្ឍហេដ្ឋារចនាសម្ព័ន្ធចំនួនពីរគឺការកសាងស្ពាននៅខេត្តក្រចេះ និងគម្រោងសាងសង់ផ្លូវពីស្គន់ទៅខេត្តកំពង់ចាម។
បើតាមលោក ស៊ុន ចាន់ថុល បច្ចុប្បន្ននេះក្រុមហ៊ុនសាងសង់បានបញ្ជូនគ្រឿងចក្រទៅទីតាំងការដ្ឋានបណ្តើរៗ បើទោះបីការដំណើរការជាផ្លូវការមិនទាន់ចាប់ផ្តើមក៏ដោយ។
កំណាត់ផ្លូវជាតិលេខ ៧ ដែលទទួលកម្ចីពីរដ្ឋាភិបាលចិន ចាប់ផ្តើមកសាងពីទីប្រជុំជនស្គន់ស្រុកជើងព្រៃ រហូតដល់គល់ស្ពានគីហ្សូណា ក្រុងកំពង់ចាម មានប្រវែងប្រមាណជាង ៤៥គីឡូម៉ែត្រ។ កំណាត់ផ្លូវនេះនឹងត្រូវពង្រីកពី ២ គន្លងទៅ ៤ គន្លង ខណៈបច្ចុប្បន្នមានលក្ខណៈតូចចង្អៀតមិនអាចឆ្លើយតបជាមួយបរិមាណចរាចរណ៍។
ដោយឡែកស្ពានខេត្តក្រចេះ ដែលនឹងបើកការដ្ឋានសាងសង់ដែរនោះជាស្ពានទីមួយឆ្លងទន្លេក្នុងខេត្តទឹកដីត្រីផ្សោតមេគង្គនេះ តភ្ជាប់ជាមួយខេត្តកំពង់ធំ និងខេត្តសៀមរាប ដែលសម្រួលកាត់បន្ថយចម្ងាយផ្លូវត្រឹមតែ ១២៩ គីឡូម៉ែត្រប៉ុណ្ណោះ។ កន្លងមកលោក ស៊ុន ចាន់ថុល បានឱ្យដឹងថា ស្ពានខេត្តក្រចេះនេះមានប្រវែងសរុប ១១៣១ម៉ែត្រ និងទទឹង ១៣,៥០ម៉ែត្រ ជាប្រភេទស្ពានបេតុងសរសៃដែក ដោយគ្រោងចំណាយថវិកាសរុបជាង ៥៦លានដុល្លារ៕
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ