ព័ត៌មានជាតិ
អភិបាលក្រុងកែប ចុះអនុវត្តវិធានការរុះរើសំយាបគ្រោងដែកមិនរៀបរយនៅផ្សារកែប
ផែនការរៀបចំសណ្តាប់ធ្នាប់ផ្លូវសាធារណៈនៅផ្សារកែប ត្រូវបានរដ្ឋបាលក្រុង ចុះអនុវត្តន៍វិធានការរដ្ឋបាល ដោយរុះរើរាល់សំណង់ដែលតសំយាបសង់រំលោភមកលើផ្លូវថ្មើរជើង គឺជាផ្លូវសាធារណៈរបស់រដ្ឋផ្សេងទៀត ក្រោយពីអាវជីករមួយចំនួនមិនអនុវត្តន៍ទៅតាមការណែនាំរបស់រដ្ឋបាលក្រុងកែប ដែលបានដាក់ចេញឲ្យរុះរើសពីរទៅបីដងរួចមកហើយនាពេលកន្លងទៅ ក្នុងកំឡុងពេលនោះ គេឃើញមានក្រុមអាជីវករខ្លះ បានព្យាយាមរារាំងចំណាត់ការ របស់សាលាក្រុងកែប តែមិនមានករណីហិង្សាកើតឡើងនោះទេ។
នាថ្ងៃទី២១ ខែវិច្ឆិកា ឆ្នាំ២០២២នេះលោក ខេង យ័ន អភិបាលក្រុងកែបបានដឹកនាំ មន្ត្រីអាជ្ញាធរមូលដ្ឋាននិងកងកម្លាំងទាំងបី ចុះអនុវត្តន៍វិធានចុះរុះរើសំយាបសាងសង់មិនរៀបរយរំលោភទៅលើផ្លូវសាធារណៈមួយកន្លែងដែលមាន ម្ចាស់ឈ្មោះ ម៉ែន សុភី អាយុជាង៤៥ឆ្នាំជាអាជីវករលក់ដូរនៅផ្សារកែបនេះដែលមិនព្រមស្តាប់តាមការណែនាំអប់រំរបស់រដ្ឋបាលក្រុង និងការណែនាំរបស់អាជ្ញាធរមូលដ្ឋាន ក្នុងនោះឃើញថា សំណង់ដែលសង់តសំយាបគ្រោងដែកមិនរៀបរយរំលោភមកលើផ្លូវសាធារណៈ និងការដាក់តាំងលក់សម្ភារៈផ្សេងៗលើផ្លូវទីសាធារណៈ ត្រូវបានរុះរើចេញ។
ដោយឡែកអាជ្ញាធរនៅតែបន្តធ្វើដូចនេះជាបន្តបន្ទាប់ទៀត នៅពេលក្រោយជាក់ស្តែងនៅជុំវិញផ្សារកែបនេះឃើញថា មានសណ្តាប់ធ្នាប់សោភ័ណភាពផ្លូវចេញចូលបានទូលំទូលាយឱ្យល្អទៅថ្ងៃមុខបន្តទៀតផងដែរ។
លោក ខេង យ័ន អភិបាលក្រុងកែបបានលើកឡើង ឱ្យដឹងថា នេះដើម្បីប្រយោជន៍ផ្លូវសាធារណៈរបស់រដ្ឋទាំងអស់ មិនមែនដើម្បីផលប្រយោជន៍ទៅនៅបុគ្គលនោះទេ ហើយបើដឹងថា ខ្លួនបានតសំយាបរំលោភលើផ្លូវហើយ មេត្តាបញ្ឈប់ ដើម្បីកុំមានបញ្ហាថ្នាំងថ្នាក់លើអារម្មណ៍ជាមួយគ្នា។
លោក ង៉ាន សុខា អាយុ៦០ឆ្នាំជាប្រធានផ្សារកែបបានប្រាប់ឲ្យដឹងថា ទីតាំងខ្លះទៀតដែលអាជីវករមានផ្ទះបានកំពុងសាងសង់សំណង់រឹងរំលោភមកលើដីទីសាធារណៈរបស់រដ្ឋជាកន្លែងចំណោទដាក់រថយន្តនិងម៉ូតូនិងកន្លែងខ្លះទៀតបានធ្វើរំលោភនៅលើប្រព័ន្ធលូបង្ហូរទឹកគឺជាដីរបស់រដ្ឋនោះហើយដាក់តាំងលក់ដូរបានដោយមិនមានអាជ្ញាធរចាត់វិធានការដូចជាកន្លែងដែលទីតាំងបានរុះរើសយាប់នេះនោះឡើយ។
ជាទីតាំងទទួលផលប្រយោជន៍ដោយបុគ្គលឯកជន ហើយក្រុមអាជីវករនៅផ្សារកែបមួយចំនួនពួកគាត់មិនពេញចិត្តដោយបានឃើញក្នុងមួយរយៈពេលនេះឃើញមានអ្នកខ្លះបានសាងសង់សំណង់តសំយាបមកលើផ្លូវនៅជុំវិញផ្សារកែបនេះ។
ដោយឡែកនៅចុងក្រោយនេះដែរ លោក ខេង យ័យ អភិបាលក្រុងកែប បានឱ្យដឹងថា ការចុះរុះរើសំយាបគ្រោងដែក ដែលបានធ្វើរំលោភមកលើផ្លូវនេះ គឺដើម្បីឱ្យផ្លូវបានធំដូចដើមវិញនេះដូច្នេះដែលលោកបានចុះរៀបចំនៅផ្សារកែបនិងឲ្យសមជាផ្សារទីក្រុងទេសចរណ៍ ជាគោលដៅរបស់រដ្ឋបាលក្រុងកែបនឹងធ្វើឲ្យបានជាបន្តលោកនិងចុះអនុវត្តរៀបចំធ្វើការណែនាំទីតាំងមួយចំនួនទៀតដែលសាងសង់សំណង់តសំយាបរំលោភមកលើដីផ្លូវសាធារណៈរបស់រដ្ឋកន្លែងផ្សេងៗជាបន្តទៀត៕
ដោយ ៖ សឹង រ៉ាត់
-
ព័ត៌មានអន្ដរជាតិ១៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ