ព័ត៌មានអន្ដរជាតិ
អាមេរិក អាចនឹងអស់លុយឲ្យ អ៊ុយក្រែន ទប់ រុស្ស៊ី (មានវីដេអូ)
យោងតាមរបាយការណ៍មួយបានឲ្យដឹងថា យោធាអាមេរិកអាចនឹងអស់លុយសម្រាប់ជម្លោះនៅអ៊ុយក្រែន ដោយសារតែគណបក្សសាធារណរដ្ឋកំពុងមានគម្រោងកាត់បន្ថយការអនុម័តពីមន្ទីរបញ្ចកោណសម្រាប់ការផ្ដល់ជំនួយឲ្យអ៊ុយក្រែនដើម្បីទប់ទល់ជាមួយរុស្ស៊ី ។
ដោយលើកឡើងពីឯកសារផ្ទៃក្នុងរបស់ក្រសួងការពារជាតិអាមេរិក និងមន្ត្រីដែលដឹងពីបញ្ហានេះ, ទស្សនាវដ្តី Politico បានរាយការណ៍កាលពីថ្ងៃអាទិត្យថា សភាមានពេលរហូតដល់ថ្ងៃទី ១៦ ខែធ្នូដើម្បីអនុម័តច្បាប់ស្តីពីការបញ្ឈប់ការការពារ ឬដំណោះស្រាយបន្តពេញមួយឆ្នាំ ក្នុងការជជែកដេញដោលរបស់គណបក្សសាធារណរដ្ឋ និងគណបក្សប្រជាធិបតេយ្យ ។
របាយការណ៍បាននិយាយថា ដំណោះស្រាយនេះនឹងកាត់បន្ថយការផ្តល់មូលនិធិរបស់មន្ទីរបញ្ចកោណចំនួន ២៩ ពាន់លានដុល្លារ បើប្រៀបធៀបទៅនឹងអ្វីដែលរដ្ឋបាល Biden បានស្នើសុំសម្រាប់ឆ្នាំសារពើពន្ធ ២០២៣ ។ ដូច្នេះវាមានន័យថា មន្ទីរបញ្ចកោណនឹងត្រូវបោះបង់ចោលគម្រោងមួយចំនួន រួមទាំងជំនួយយោធាដែលត្រូវផ្ដល់ឲ្យទីក្រុងកៀវដើម្បីសង្រ្គាមរបស់ខ្លួនជាមួយរុស្ស៊ីផងដែរ ។
ទន្ទឹមនោះរបាយការណ៍នេះកើតឡើង បន្ទាប់ពីមន្ត្រីមន្ទីរបញ្ចកោណបានព្រមានសភាថា ការទប់ស្កាត់ការផ្តល់មូលនិធិនឹងធ្វើឲ្យខូចខាតបន្ថែមទៀត ដោយសារតែអត្រាអតិផរណាកើនឡើងខ្ពស់ ។
គួររំឭកថា កាលពីខែមុន សេតវិមានបានស្នើសុំឲ្យសភាអនុម័តថវិកាប្រហែល ៣៧.៧ ពាន់លានដុល្លារក្នុងជំនួយយោធា និងមនុស្សធម៌បន្ថែមដល់អ៊ុយក្រែន ។ ប្រសិនបើមានភ្លើងខៀវ នោះវានឹងនាំមកនូវចំនួនថវិកាសរុបដែលសភាបានកំណត់សម្រាប់អ៊ុយក្រែនឡើងដល់ជាង ១០០ ពាន់លានដុល្លារក្នុងរយៈពេលតិចជាងមួយឆ្នាំ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ ប្រទេសសម្ព័ន្ធមិត្តលោក ពូទីន ថា ជម្លោះនៅ អ៊ុយក្រែន បញ្ចប់ ឬបន្ត អាស្រ័យលើលោកខាងលិច
-
ព័ត៌មានអន្ដរជាតិ២៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ