កីឡា
លោក សៅ សុខា ៖ គោលដៅអភិវឌ្ឍន៍ចម្បង នៃវិស័យកីឡាបាល់ទាត់ មិនមែនដើម្បីតែលទ្ធផលមួយមុខទេ
ប្រធានសហព័ន្ធកីឡាបាល់ទាត់កម្ពុជា លោក សៅ សុខា បានសង្កត់ធ្ងន់ថា គោលដៅអភិវឌ្ឍន៍ចម្បង នៃវិស័យកីឡាគ្រប់ប្រភេទ ជាពិសេសកីឡាបាល់ទាត់គឺមិនមែនដើម្បីតែលទ្ធផលមួយមុខប៉ុណ្ណោះទេ។ នេះបើតាមការបញ្ជាក់របស់លោកកាលពីល្ងាចថ្ងៃទី ០៧ ខែធ្នូ ម្សិលមិញ ក្នុងកម្មវិធី CPL Football Award។
លោកបានមានប្រសាសន៍ថា «មិនខុសពីបណ្ដាប្រទេសជាច្រើនក្នុងពិភពលោក បាល់ទាត់នៅក្នុងព្រះរាជាណាចក្រកម្ពុជា ជាប្រភេទកីឡាដែលបងប្អូនចូលចិត្ត និងពេញនិយមក្នុងការលេងកីឡា ទស្សនាកីឡា ពីគ្រប់ស្រទាប់មហាជន គ្រប់វ័យនៅក្នុងសង្គមកម្ពុជា»។
«ពិតមែនហើយគោលដៅអភិវឌ្ឍន៍ចម្បង នៃវិស័យកីឡាគ្រប់ប្រភេទ ជាពិសេសកីឡាបាល់ទាត់គឺមិនមែនដើម្បីតែលទ្ធផល នៃការប្រកួតតែមួយមុខប៉ុណ្ណោះទេ ប៉ុន្តែដើម្បីរួមចំណែកកសាងប្រទេសកម្ពុជា តាមរយៈការលើកកម្ពស់ផ្នែកសុខុមាលភាព ការអប់រំ វិន័យ សីលធម៌ ការគោរពគ្នា សាមគ្គីភាព មិត្តភាព ទំនាក់ទំនង សេដ្ឋកិច្ច វប្បធម៌ ទេសចរណ៍ -ល-»។ លោកបានសង្កត់ធ្ងន់។
ឆ្លៀតក្នុងឱកាសនោះ លោកក៏បញ្ជាក់ជូនពីការប្រកួតកីឡាស៊ីហ្គេម ដែលកម្ពុជា នឹងរៀបចំធ្វើជាម្ចាស់ផ្ទះ នៅឆ្នាំ ២០២៣ គឺជាកញ្ចក់ឆ្លុះបញ្ចាំងពីវឌ្ឍនភាពគ្រប់វិស័យ នៃព្រះរាជាណាចក្រកម្ពុជា ដូចជាស្ថិរភាពខាងនយោបាយ កម្ពុជាមានសន្តិភាព និងសន្តិសុខសង្គមល្អ មានការរីកចម្រើនផ្នែកសេដ្ឋកិច្ច វប្បធម៌ ទេសចរណ៍ កីឡា។
គួរបញ្ជាក់ថា គោលបំណងសំខាន់ នៃការបង្កើតកម្មវិធីប្រគល់ពានរង្វាន់ខេមបូឌានព្រីមៀរលីគឆ្នាំ ២០២២ នេះ ធ្វើឡើងដើម្បីផ្តល់គុណតម្លៃប្រជាប្រិយភាព និងការគោរពស្រឡាញ់ ចំពោះកីឡាករ គ្រូបង្វឹក ក្លិបបាល់ទាត់ មន្ត្រីដឹកនាំការប្រកួត និងម្ចាស់ឧបត្ថម្ភ ក៏ដូចជាការបំពាក់មេដាយ និងប្រគល់ជូននូវពានរង្វាន់ដល់មន្ត្រី និងកីឡាករដែលទទួលបានពានរង្វាន់ឯកត្តជនផងដែរ៕
អត្ថបទ ៖ មន្នីរ័ត្ន
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ