TWICE នឹងចេញបទចម្រៀងថ្មីជាភាសាអង់គ្លេសនៅខែក្រោយ

ផលិតកម្ម JYP Entertainment បានប្រកាសកាលពីថ្ងៃពុធថា ក្រុមចម្រៀងស្រី K-pop TWICE នឹង ចេញបទចម្រៀងថ្មីជាភាសាអង់គ្លេស និង EP ទី ១២ របស់ខ្លួននៅខែមករា ឆ្នាំ២០២៣ ។

នៅក្នុងនោះដែរ ក្រុមចម្រៀងនេះក៏ត្រៀមបង្ហោះរូបភាពខ្លីមួយដើម្បីបង្ហាញពីកាលវិភាគសម្រាប់ការចេញផ្សាយនាពេលខាងមុខ ដោយមានបទបង្ហាញជាមួយនឹងចម្រៀងអង់គ្លេស ។ ទន្ទឹមនឹងគ្នានេះព័ត៌មាន​លម្អិត​នៃ​ការ​ចេញ​ថ្មី​រួម​ទាំង​ឈ្មោះ​បទ​ចម្រៀង ​និង​អាល់ប៊ុម​មិនទាន់​ត្រូវ​បាន​ផ្តល់​ឲ្យដឹងនោះទេ ។

យ៉ាងណាមិញ TWICE ទើបតែចេញផ្សាយអាល់ប៊ុមចុងក្រោយបំផុតរបស់ក្រុម និង EP ទី ១១ ឈ្មោះថា “Between 12” កាលពីខែសីហា ដោយទទូលបានជោគជ័យ ហើយក៏បានបង្ហាញខ្លួនជាលើកដំបូងនៅលេខរៀងទី ៣ ក្នុងតារាង Billboard 200 ផងដែរ ។ ចំណែកនៅសហរដ្ឋអាមេរិកវិញ, TWICE គឺជាក្រុមចម្រៀងនារី K-pop ដែលទទួលបានការគាំទ្រច្រើនជាងគេប្រចាំឆ្នាំនៅលើ Spotify ជាមួយនឹងបទចម្រៀងរបស់ខ្លួនបានចាក់ផ្សាយ ២៨៩.៤១ លានដងគិតត្រឹមខែធ្នូនេះ ៕

ប្រែសម្រួល ៖ នាងតូច

ចុចអាន ៖ បទ “MONEY” របស់ Lisa ជាប់ចំណាត់ថ្នាក់ K pop Solo Song នៅលើ Spotify