Messi ចាយប្រាក់ជាង ២៥០លានដុល្លារ ទិញរបស់ ៣ប្រភេទ ធ្វើជាកម្មសិទ្ធផ្ដាច់មុខ

នៅក្នុងជីវិតដ៏ប្រណីតរបស់កំពូលកីឡាករបាល់ទាត់ Lionel Messi លោកហ៊ានចំណាយប្រាក់រហូតដល់ជាង ២៥០លានដុល្លារអាមេរិក លើការទិញរបស់ថ្លៃបំផុតចំនួន ៣ប្រភេទ ដោយមិនស្ដាយស្រណោះ ដើម្បីក្លាយជាម្ចាស់កម្មសិទ្ធផ្ដាច់មុខ។

៣. យន្តហោះឯកជន

យន្តហោះឯកជន Gulfstream V ឆ្នាំ២០០៤ មានតម្លៃ ១៥លានដុល្លារអាមេរិក ដែលវាមាន ១៦កៅអី ទូរទស្សន៍ ផ្ទះបាយ និងបន្ទប់ទឹកពីរ។ មិនតែប៉ុណ្ណោះ នៅកន្ទុយយន្តហោះ​មាន​លេខ ១០ ជាលេខ​អាវរបស់ Messi ​ ហើយនៅលើកាំជណ្ដើរនីមួយៗមានសរសេរឈ្មោះភរិយារបស់លោក Antonella និងកូនៗទាំងអស់ផងដែរ។

២. រថយន្តទំនើប

រថយន្តម៉ាក Ferrari Spider ត្រូវ Messi ដណ្ដើមមកយ៉ាងស្វិតស្វាញជាមួយ Ronaldo ទម្រាំតែក្លាយជាម្ចាស់របស់វា តារាបាល់ទាត់អាហ្សង់ទីនរូបនេះត្រូវចំណាយរហូតដល់ ៣៥លានដុល្លារអាមេរិក។ Ferrari Spider ជាប្រភេទចំនួនមានកំណត់ ហើយកាលណោះវានៅសល់តែមួយប៉ុណ្ណោះ។

១. សួនកម្សាន្ត

Messi ចង់ឱ្យអ្នកគាំទ្ររបស់ខ្លួនមានកន្លែងមួយដែលអាចបង្កើតភាពសប្បាយរីករាយជាលក្ខណៈឯកជនសម្រាប់ ហ្វេនក្លឹប។ ដូច្នេះខ្សែប្រយុទ្ធវ័យ ៣៥ឆ្នាំរូបនេះ បានចំណាយប្រាក់ជាង ២០០លានដុល្លារ ​ទិញសួនកម្សាន្តមួយដែលមានបម្រើសេវាកម្មដូចជា រោងកុន បច្ចេកវិទ្យា holographic និងពិភពនិម្មិតជាដើម ដើម្បីទុកឱ្យហ្វេនចូលកម្សាន្ត៕

ប្រែសម្រួល៖ សន្យា

ចុចអាន៖ ជីវិតដ៏ប្រណិតរបស់ Messi តារាបាល់ទាត់រកចំណូលច្រើនជាងគេក្នុងពិភពលោក