រុស្ស៊ី ដាក់គោលដៅពាណិជ្ជកម្ម ២៥០ ពាន់លានដុល្លារជាមួយ ចិន

អ្នកនាំពាក្យវិមានក្រឹមឡាំងលោក Dmitry Peskov បាននិយាយ​ថា រុស្ស៊ីដាក់ក្ដីសង្ឃឹមនឹងបង្កើនទំហំពាណិជ្ជកម្មទ្វេភាគីរបស់ខ្លួនជាមួយសម្ព័ន្ធមិត្តចិនដល់ទៅ ២៥០ ពាន់លានដុល្លារនៅពេលខាងមុខ ។

លោក Peskov ថ្លែងថា ចិនមិនត្រឹមតែជាសម្ព័ន្ធមិត្តស្អិតរមួតនោះទេ តែក៏ជាដៃគូពាណិជ្ជកម្ម និងសេដ្ឋកិច្ចដ៏អស្ចារ្យរបស់រុស្ស៊ីផងដែរ ។ អ្វីដែលសំខាន់នោះគឺ “គោលដៅពាណិជ្ជកម្មចំនួន ២៥០ ពាន់លានដុល្លារ ប្រាកដជាសម្រេចបាននាពេលអនាគតដ៏ខ្លីខាងមុខនេះ” ។

ចាប់តាំងសង្គ្រាមលុកលុយរបស់រុស្ស៊ីលើអ៊ុយក្រែនបានផ្ទុះឡើងកាលពីថ្ងៃទី២៤ ខែកុម្ភៈ ឆ្នាំ២០២២ មក ចិននៅតែរក្សាជំហររបស់ខ្លួនប្រឆាំងរាល់ទណ្ឌកម្មឯកតោភាគីដាក់ដោយខុសច្បាប់ពីសំណាក់ប្រទេសលោកខាងលិចលើប្រទេសរុស្ស៊ី ជាពិសេសចិននៅតែរក្សាដៃគូពាណិជ្ជកម្មជាមួយទីក្រុងមូស្គូដដែរ ។

ចិនបានបញ្ជាក់ថា ទណ្ឌកម្មមិនមែនជាវិធីដ៏មានប្រសិទ្ធភាពក្នុងការដោះស្រាយបញ្ហានោះទេ ហើយចិន-រុស្ស៊ីនឹងបន្តអនុវត្តកិច្ចសហប្រតិបត្តិការពាណិជ្ជកម្មធម្មតា ដើម្បីបង្ហាញថា វាជាស្មារតីនៃការគោរពគ្នា សមភាព និងផលប្រយោជន៍ទៅវិញទៅមក ៕

ប្រែសម្រួលដោយ៖ នាង រតនៈ

ប្រភព ៖​ Anadolu

ចុចអាន ៖ ចិន ហៅអាមេរិក ថា “ចោរប្លន់ប្រេង”