លោក ណាវ៉ាត់ បញ្ជាក់ច្បាស់ៗ MGT 2023 ត្រូវតែជាបវរកញ្ញាដែលមិនធ្លាប់កាត់ការប្រកួតសោះ

លោក ណាវ៉ាត់ (Nawat Isarakraisil) ស្ថាបនិក និងជានាយកនៃស្ថាប័ន​ Miss Grand Thailand បានបញ្ជាក់ច្បាស់ៗថា ម្ចាស់មកុដ​ MGT ឆ្នាំ២០២៣នេះ ត្រូវតែជាបវរកញ្ញាដែលមិនធ្លាប់ឆ្លងកាត់ឆាកប្រកួតសម្រស់ពីមុនមក។

លោក លើកឡើងដូច្នេះ ដោយសារកម្មវិធីប្រកួត MGT​ 2023 ស្ថាប័ន Miss Grand ថៃ នឹងធ្វើឡើងក្រោមប្រធានបទ “We are Grand the One and only One” ដែលមានន័យថា បវរកញ្ញាអាណត្តិថ្មីរបស់ខ្លួន ជាបវរកញ្ញាថ្មីសុទ្ធសាធ និងមានតែមួយប៉ុណ្ណោះ។

គួររំលឹកថា មុនពេលលោក ណាវ៉ាត់ ចេញមុខមកបញ្ជាក់សពីលក្ខខណ្ឌចូលរួមប្រកួត Miss Grand Thailand 2023 ស្ថាប័នធ្លាប់ចេញសេចក្ដីជូនដំណឹងរួចហើយថា បេក្ខភាព​ដែល​ធ្លាប់​ឆ្លង​កាត់​ការ​ប្រកួត​នៅលើ​ឆាក​ Miss Universe Thailand នៅមុនឆ្នាំ២០២២ និងបវរកញ្ញាថៃ មុនឆ្នាំ២០២៣  រួមទាំងបវរកញ្ញាថៃទាំង ៧៧ខេត្ដដែលធ្លាប់ប្រកួតលើឆាកសម្រស់ បើទោះបីជាមិនបានឈ្នះតំណែងណាមួយក៏ដោយ មិន​អនុញ្ញាតឱ្យចូលរួម​ Miss Grand Thailand ឆ្នាំ២០២៣ ឡើយ។

ជាមួយគ្នាដែរ ​ស្ថាប័នសង្កត់បន្ថែមថា ប្រសិនបេក្ខនារីមិនគោរពតាមលក្ខខណ្ឌ និងគោលការណ៍នៃការប្រឡង Miss Grand Thailand នឹងត្រូវដកសិទ្ធិភ្លាមៗ៕

ប្រែសម្រួល៖ សន្យា

ចុចអាន៖ បែកគ្នាជាង ២០ថ្ងៃ Aum ទើបទម្លាយការពិតពីក្រោយរឿងដាច់ចំណងស្នេហ៍ជាមួយសង្សារហាយសូរ

ចុចអាន៖ Mai Davika ឆ្លើយតបយ៉ាងត្រជាក់ ទៅអ្នកមិនជឿថា នាងមិនបានកែសម្ផស្ស