ប្រកាសតែងតាំងឧត្ដមសេនីយ៍ទោ ឈឿន ប៊ុនឆន ជាស្នងការខេត្តព្រៃវែងជាផ្លូវការ

ឧត្ដមសេនីយ៍ទោ ឈឿន ប៊ុនឆន ត្រូវបានប្រកាសតែងតាំងជាស្នងការ នៃស្នងការដ្ឋាននគរបាលខេត្តព្រៃវែងជាផ្លូវការនៅព្រឹកថ្ងៃទី១៣ ខែមីនា ឆ្នាំ២០២៣នេះ ក្រោមអធិបនាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងលោក ជា សុមេធី អភិបាល នៃអគណៈអភិបាលខេត្តព្រៃវែង។

ក្នុងពិធិប្រកាសតែងតាំងស្នងការខេត្តថ្មីនេះ នាយឧត្ដមសេនីយ៍សន្តិបណ្ឌិត នេត សាវឿន បានមានប្រសាសន៍ណែនាំឲ្យលោកស្នងការខេត្តព្រៃវែងថ្មី ត្រូវខិតខំបំពេញកិច្ចការងារជូនជាតិមាតុភូមិ ស្របតាមគោលនយោបាយរបស់រាជរដ្ឋាភិ​បាល​កម្ពុជា និងត្រូវបម្រើសេវាសាធារណៈជូនពលរដ្ឋឱ្យបានល្អប្រសើដោយពុំមានការរើសអើង។

គួររំលឹកថា កាលពីថ្ងៃទី២៨ ខែកុម្ភៈ ឆ្នាំ២០២៣ សម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ បានចេញសេចក្ដីសម្រេចតែងតាំងលោកឧត្ដមសេនីយ៍ទោ ឈឿន ប៊ុនឆន អតីតប្រធាននាយកដ្ឋានវិទ្យុទាក់ទង នៃអគ្គស្នងការនគរបាលជាតិ ជាស្នងការខេត្តព្រៃវែង ជំនួយលោកឧត្ដមសេនីយ៍ទោ ព្រុំ សន្ធរ ដែលត្រូវតែងតាំងជាអគ្គស្នងការរងនគរបាលជាតិ៕

អត្ថបទ៖ សុខុម