ករណីបំផ្ទុះគ្រាប់បែកនៅកន្លែងសុន្ទរកថានាយករដ្ឋមន្ត្រីជប៉ុន កាលពីម្សិលមិញ ប៉ូលិសចាប់បានបុរសវ័យ ២៤ឆ្នាំម្នាក់

បុរសវ័យ ២៤ឆ្នាំម្នាក់ ត្រូវបានសមត្ថកិច្ចចាប់ខ្លួន បន្ទាប់ពីករណីបំផ្ទុះគ្រាប់បែក នៅកន្លែងសុន្ទរកថាមួយនាយករដ្ឋមន្ត្រី Kishida Fumio នៅភាគខាងលិចប្រទេសជប៉ុន កាលពីថ្ងៃសៅរ៍ម្សិលមិញ។

ក្រោយហេតុការណ៍បំផ្ទុះ នាយករដ្ឋមន្ត្រី Kishida Fumio ពុំមានរងរបួសអ្វីនោះទេ ព្រោះលោកត្រូវបានជម្លៀសចេញដោយសុវត្ថិភាព ខណៈមន្ត្រី​ប៉ូលិស​ម្នាក់​បាន​រង​របួស​ស្រាល។

កាលពីថ្ងៃសៅរ៍ ទី១៥ ខែមេសា លោក Kishida បានទៅទស្សនាកំពង់ផែ Saikazaki ក្នុងខេត្ត Wakayama ដើម្បីផ្តល់ការគាំទ្រដល់បេក្ខជនគណបក្សរបស់លោក នៅក្នុងការបោះឆ្នោតដែលគ្រោងទុកនៅចុងខែនេះ។ មុនពេលឡើងសុន្ទរកថា នៅឯកំពង់ផែនេសាទស្រាប់តែមានការបំផ្ទុះគ្រាប់បែកផ្សែងបានកើតឡើង ហើយសុន្ទរកថាត្រូវលុបចោលភ្លាមៗ។

បន្ទាប់ពីហេតុការណ៍បំផ្ទុះកើតឡើង ប៉ូលិសបានចាប់ខ្លួនជនសង្ស័យម្នាក់ឈ្មោះ Kimura Ryuji អាយុ ២៤ឆ្នាំ ដែលរស់នៅក្នុងទីក្រុង Kawanishi ក្នុងខេត្ត Hyogo ប៉ុន្តែមកទល់ពេលនេះជនសង្ស័យ​បាន​រក្សា​ភាព​ស្ងៀមស្ងាត់ ពុំមាននិយាយអ្វីឡើយ​៕

ប្រែសម្រួល៖ សន្យា

ប្រភព៖ NHK

ចុចអាន៖ Breaking News! មានការផ្ទុះគ្រាប់បែកនៅកន្លែងជួបជុំរបស់នាយករដ្ឋមន្ត្រីជប៉ុន តែគ្មានគ្រោះថ្នាក់ដល់លោក