ព័ត៌មានជាតិ

ខេត្តកែប ប្រកាសពីគម្រោងសាងសង់កំពង់ផែដឹកទំនិញលើកដំបូង

បានផុស

២ years មុន

នៅ

ថ្ងៃព្រហស្បតិ៍ ១១ ឧសភា ២០២៣

ដោយ

ខេត្តកែបបានប្រកាសពីគម្រោងសាងសង់កំពង់ផែដឹកទំនិញ ដែលជាកំពង់ផែដឹកទំនិញលើកដំបូងរបស់ខេត្តកែប។

ការប្រកាសនេះធ្វើឡើងនៅក្នុងសន្និសីទជោគជ័យរយៈពេល ៥ ឆ្នាំ របស់រដ្ឋបាលខេត្តកែបដែលរៀបចំដោយអង្គភាពអ្នកនាំពាក្យរាជរដ្ឋាភិបាលនៅព្រឹកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបឯកសារ

លោក សោម ពិសិដ្ឋ អភិបាលនៃគណៈអភិបាលខេត្តកែបបានបញ្ជាក់ថា គម្រោងសាងសង់កំពង់ផែដឹកទំនិញខេត្តកែប ក្នុងគោលបំណងដើម្បីចូលរួមអភិវឌ្ឍសេដ្ឋកិច្ច បង្កើតឱកាសការងារលើកកម្ពស់កម្រិតជីវភាពរស់នៅប្រចាំថ្ងៃ និងកាត់បន្ថយភាពក្រីក្ររបស់ប្រជាពលរដ្ឋនៅក្នុងខេត្តកែប។

បើតាមលោកអភិបាលខេត្ត គម្រោងសាងសង់កំពង់ផែដឹកទំនិញនេះ គឺជាការវិនិយោគរួមគ្នារវាងរដ្ឋ និងឯកជន ដែលមានសមត្ថភាពឲ្យនាវាដឹកទំនិញចំណុះក្រោម ១០០០ តោនចេញចូលបាន។ គម្រោងនេះវិនិយោគក្នុងតម្លៃទឹកប្រាក់ជិត ២ លានដុល្លារ ហើយត្រូវបានរាជរដ្ឋាភិបាលផ្តល់ភ្លើងខៀវឲ្យធ្វើការសាងសង់ ដើម្បីបម្រើដល់វិស័យដឹកជញ្ជូននិងវិស័យទេសចរណ៍៕