ព័ត៌មានជាតិ

ឯកឧត្ដម ហ៊ុន ម៉ានី ណែនាំគណៈកម្មាធិការ ស.ស.យ.ក រាជធានី-ខេត្ត នូវទិសដៅការងារចំពោះមុខ ៤ សម្រាប់ត្រីមាសទី ៤ ឆ្នាំ ២០២៣

បានផុស

៣ years មុន

នៅ

ថ្ងៃព្រហស្បតិ៍ ៧ កញ្ញា ២០២៣

ដោយ

ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ចេញសេចក្ដីណែនាំដល់គណៈកម្មាធិការ ស.ស.យ.ក រាជធានី-ខេត្ត នូវទិសដៅការងារចំពោះមុខ ចំនួន ៤ សម្រាប់ត្រីមាសទី ៤ ឆ្នាំ ២០២៣ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីណែនាំស្ដីពីទិសដៅការងារចំពោះមុខរបស់សហភាពសហព័ន្ធយុវជនកម្ពុជា សម្រាប់ត្រីមាសទី ៤ ឆ្នាំ ២០២៣ ដែលចុះផ្សាយនៅថ្ងៃទី ០៧ ខែកញ្ញា ឆ្នាំ ២០២៣ នេះ បានឲ្យដឹងថា ដោយអនុលោមតាមផែនការយុទ្ធសាស្ត្រយុវជនក្នុងបុព្វហេតុជាតិមាតុភូមិ ឆ្នាំ ២០២៣-២០២៨ និងក្នុងគោលបំណងបន្តរួមចំណែកជាមួយរាជរដ្ឋាភិបាលកម្ពុជាក្នុងនីតិកាលទី ៧ នៃរដ្ឋសភា និងគណៈកម្មាធិការជាតិរៀបចំការបោះឆ្នោត ក៏ដូចជារំលឹកនូវគុណូបការៈ ការលះបង់ និងគំរូវីរភាពរបស់យុវជនជំនាន់មុន គណៈកម្មាធិការកណ្ដាលសហភាពសហព័ន្ធយុវជនកម្ពុជា សូមណែនាំដល់ គណៈកម្មាធិការ ស.ស.យ.ក រាជធានី-ខេត្ត នូវទិសដៅការងារចំពោះមុខ សម្រាប់ត្រីមាសទី ៤ ឆ្នាំ ២០២៣ ដូចតទៅ ៖

១.ពិនិត្យលទ្ធភាពក្នុងការរៀបចំវគ្គបំប៉នសម្រាប់សិស្សានុសិស្សថ្នាក់ទី ១២ ដើម្បីឲ្យប្អូនៗ ត្រៀមខ្លួន បានកាន់តែប្រសើរក្នុងការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា ២០២២-២០២៣ នាសម័យប្រឡង ៦-៧ វិច្ឆិកា ២០២៣ ខាងមុខនេះ។

២.ពិនិត្យលទ្ធភាពសហការជាមួយមន្ទីរអប់រំ យុវជន និងកីឡា និងអាជ្ញាធរមូលដ្ឋានរាជធានី-ខេត្ត លើការសម្របសម្រួលដល់ប្អូនៗ សិស្សានុសិស្សថ្នាក់ទី ១២ ដែលត្រូវមកប្រឡងសញ្ញាបត្រមធ្យម សិក្សាទុតិយភូមិ ឆ្នាំសិក្សា ២០២២-២០២៣ នាថ្ងៃទី ៦-៧ ខែវិច្ឆិកា ឆ្នាំ ២០២៣ ខាងមុខនេះ នៅទីរួមខេត្ត និងទីតាំងប្រមូលផ្ដុំមណ្ឌលប្រឡងដទៃទៀត ទៅតាមលទ្ធភាពដែលអាចធ្វើទៅបាន ទាំង កន្លែងស្នាក់នៅ កន្លែងទុកដាក់ កង់ ម៉ូតូ នៅក្រៅមណ្ឌលប្រឡង និងតម្រូវការចាំបាច់មួយចំនួន ទៀត តាមរយៈគ្រប់រូបភាព ដើម្បីចូលរួមចំណែកកាត់បន្ថយការលំបាករបស់ប្អូនៗ និងក្រុមគ្រួសារ។

៣.បន្តអនុវត្តយុទ្ធនាការពលរដ្ឋល្អ” នៅក្នុងដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ ២០២៣ នៅតាមបណ្ដាឃុំ-សង្កាត់ ដោយចូលរួមសហការជាមួយអាជ្ញាធរមូលដ្ឋាន និងគណៈកម្មាធិការរៀបចំការបោះឆ្នោតគ្រប់លំដាប់ថ្នាក់ ដើម្បីចូលរួមចំណែកជាសាក្សី នៃដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ ២០២៣ ស្របតាមច្បាប់ បទបញ្ជា និងនីតិវិធីជាធរមាន។

៤.ក្នុងឱកាសឆ្ពោះទៅកាន់ពិធីអបអរសាទរខួបទី ៤៥ នៃថ្ងៃកំណើតរបស់សហភាពសហព័ន្ធយុវជនកម្ពុជា (២ ធ្នូ ១៩៧៨ – ២ ធ្នូ ២០២៣) សូមគណៈកម្មាធិការ ស.ស.យ.ក. គ្រប់ជាន់ថ្នាក់ ត្រៀមខ្លួន និងផ្សព្វផ្សាយឲ្យបានទូលំទូលាយ នូវស្មារតី បុព្វហេតុ ការលះបង់ នៃថ្នាក់ដឹកនាំជំនាន់មុន ព្រមទាំងបំផុសឲ្យសមាជិក សមាជិកា និងរចនាសម្ព័ន្ធរបស់ខ្លួន បន្តផ្សព្វផ្សាយស្មារតីខាងលើ ដោយត្រៀមខ្លួនចូលរួមអបអរសាទរខួបទី ៤៥ ឲ្យបានសកម្ម និងផុសផុល នាពេលខាងមុខ៕

អត្ថបទ ៖ ពិសី

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា