ព័ត៌មានជាតិ
មកដល់ពេលនេះ មានអ្នកក្នុងបន្ទុកមន្ត្រីសាធារណៈជាង ៤ ម៉ឺននាក់ហើយ បានចុះឈ្មោះចូលជាសមាជិក ប.ស.ស
រហូតមកដល់ពេលនេះមានអ្នកក្នុង បន្ទុករបស់មន្ត្រីសាធារណៈប្រមាណជាង ៤ ម៉ឺននាក់ហើយ បាន មកចុះឈ្មោះចូលជាសមាជិក ប.ស.ស ដើម្បីអាចទទួលបានអត្ថប្រយោជន៍របបសន្តិសុខសង្គម។
ថ្លែងក្នុងពិធីផ្សព្វផ្សាយរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់អ្នកក្នុងបន្ទុកសមាជិក ប.ស.ស ជាមន្ត្រីសាធារណៈ ជូនថ្នាក់ដឹកនាំ និងមន្ត្រីក្រោមឱវាទរដ្ឋបាលខេត្តកំពត លោកវេជ្ជបណ្ឌិត ស៊ុ សោភ័ណ រដ្ឋលេខាធិការក្រសួងការងារ និងបណ្ដុះបណ្ដាលវិជ្ជាជីវៈ បានថ្លែងថា ក្នុងចំណោម អ្នកក្នុងបន្ទុករបស់មន្ត្រីសាធារណៈប្រមាណជាង ៤ ម៉ឺននាក់ ចុះឈ្មោះចូលជាសមាជិក ប.ស.ស ក្នុងនោះ អ្នកក្នុងបន្ទុកមន្ត្រីសាធារណៈ ដែលជាសហព័ទ្ធមានចំនួន ១១ ៦៥១ នាក់ និងអ្នកក្នុងបន្ទុកដែលជាកូនរបស់មន្ត្រីសាធារណៈមានចំនួន ៣០ ៧២៩ នាក់។
លោករដ្ឋលេខាធិការ បានបន្តទៀតថា ការចុះឈ្មោះចូលជាសមាជិក ប.ស.ស ខាងលើនេះ ធ្វើឡើងបន្ទាប់ពីរាជរដ្ឋាភិបាលកម្ពុជាបានសម្រេចពង្រីកវិសាលភាពកំណត់ដាក់ឱ្យអនុវត្តរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់អ្នកក្នុងបន្ទុកសមាជិក ប.ស.ស ជាមន្ត្រីរាជការសាធារណៈកាលពីខែវិច្ឆិកា ឆ្នាំ ២០២៣ កន្លងទៅ។
លោករដ្ឋលេខាធិការ បានឱ្យដឹងទៀតថា ក្រសួងការងារ និងបណ្ដុះបណ្ដាលវិជ្ជាជីវៈ កន្លងមក រហូតមកដល់ពេលនេះ បានចុះផ្សព្វផ្សាយនៅតាមបណ្ដាក្រសួង-ស្ថាប័ននៅថ្នាក់ជាតិសរុបចំនួន ២៥ ក្រសួងរួចមកហើយ ហើយក្រសួងនឹងបន្តយុទ្ធនាការរបស់ខ្លួនក្នុងការផ្សព្វផ្សាយពីកម្មវិធីគោលនយោបាយអាទិភាពរបស់រាជរដ្ឋាភិបាលក្នុងការផ្ដល់អត្ថប្រយោជន៍របបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់អ្នកក្នុងបន្ទុកសមាជិក ប.ស.ស ជាមន្ត្រីរាជការសាធារណៈ នៅតាមបណ្ដារាជធានី-ខេត្ត ដើម្បីឱ្យថ្នាក់ដឹកនាំ ក៏ដូចជាមន្ត្រីសាធារណៈទាំងអស់ ទទួលបាននូវព័ត៌មាន និងចំណេះដឹងស្តីពីរបបសន្តិសុខសង្គម ក្នុងការទទួលបានការគាំពារយ៉ាងពេញលេញសម្រាប់ខ្លួនឯង រួមទាំងអ្នកនៅក្នុងបន្ទុករបស់ខ្លួន៕
អត្ថបទ ៖ សំអឿន
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ