Messi ក្លាយជាកីឡាករទី១បង្ហាញ​ខ្លួន​ច្រើនបំផុតនៅ Copa América

ក្រោយបញ្ចប់ការប្រកួតថ្ងៃបើកឆាកក្នុងពានរង្វាន់ Copa América ឆ្នាំ​២០២៤ ក្រុមជម្រើសជាតិអាហ្សង់ទីនបានយកឈ្នះក្រុមជម្រើសជាតិកាណាដាក្នុងលទ្ធផល ២-០ ក្នុងការប្រកួតសន្សំពិន្ទុក្នុងពូល A នៅ​ព្រឹក​ថ្ងៃ​ទី​២១ ខែ​មិថុនា។

បន្ទាប់ពីបង្ហាញខ្លួនជាក្រុមជម្រើសជាតិអាហ្សង់ទីន ប្រធាន​ក្រុម​ Lionel Messi បានបំបែកកំណត់ត្រាថ្មីក្លាយជាកីឡាករទី១បង្ហាញខ្លួនបានច្រើនជាងគេ​បំផុត​ ក្នុងព្រឹត្តិការណ៍ពានរង្វាន់ Copa América ក្នុងជុំចុងក្រោយ។ កំណត់ត្រាថ្មីមួយទៀតគឺរូបគេខ្លាចជាកីឡាករអាហ្សង់ទីនដំបូងដែលបានបង្ហាញក្នុងព្រឹត្តិការណ៍ Copa América ក្នុងជុំចុងក្រោយចំនួន៧លើក។

ស្ថិតិ​បង្ហាញខ្លួនបានច្រើនជាងគេនៅពានរង្វាន់ Copa América

១. កីឡាករសញ្ជាតិអាហ្សង់ទីន Lionel Messi បង្ហាញខ្លួនសរុបបាន៣៥​ប្រកួត

២. កីឡាករសញ្ជាតិឈីលី Sergio Livingstone បង្ហាញខ្លួនសរុបបាន៣៤​ប្រកួត

៣. កីឡាករសញ្ជាតិប្រេស៊ីល Zizinho បង្ហាញខ្លួនសរុបបាន៣៣​ប្រកួត​

៤. កីឡាករសញ្ជាតិបូលីវី Victor Agustin Ugarte បង្ហាញខ្លួនសរុបបាន៣០​ប្រកួត​

៥. កីឡាករសញ្ជាតិប៉េរូ Yoshimar Yotun បង្ហាញខ្លួនសរុបបាន២៧​ប្រកួត​

ប្រែសម្រួល៖ ផា រតនា