វិភាគ៖ បារាំង ឬ អេស្ប៉ាញ ឡើង​វគ្គផ្តាច់​ព្រ័ត្រ EURO 2024?

បារាំងត្រូវប្រឈមនឹងអេស្ប៉ាញ វេលាម៉ោង២រំលងអធ្រាត្រយប់នេះ ឈានចូលថ្ងៃទី១០ ខែកក្កដា ឆ្នាំ២០២៤ វគ្គពាក់កណ្តាលផ្តាច់ព្រ័ត្រ Euro នៅកីឡដ្ឋាន Munich។

ទម្រង់លេងខុសគ្នាក្នុងព្រឹត្តិការណ៍ឆ្នាំនេះ

ទម្រង់លេងរបស់បារាំងក្នុងព្រឹត្តិការណ៍ឆ្នាំនេះមិនសូវទាក់ទាញខ្លាំងទេ ប៉ុន្តែពួកគេហាក់សំណាងក្នុងការឡើងវគ្គបន្តរហូត។ នៅក្នុងពូល ពួកគេ ឈ្នះ អូទ្រីស ១-០, ស្មើ ហូឡង់ ០-០, ស្មើ ប៉ូឡូញ ១-១, វគ្គ១៦ក្រុម ឈ្នះ បែលហ្ស៊ិក ១-០ និង វគ្គ៨ក្រុមចុងក្រោយ ឈ្នះ ព័រទុយហ្គាល់ ដោយប៉េណាល់ ៥-៣ ក្រោយស្មើគ្នា០-០។

អេស្ប៉ាញ ជាក្រុមគួរឲ្យចាប់អារម្មណ៍បំផុតក្នុងព្រឹត្តិការណ៍ឆ្នាំនេះ។ ពួកគេស្គាល់តែពាក្យជ័យជម្នះប៉ុណ្ណោះគឺវគ្គក្នុងពូល ឈ្នះ ក្រូអាត ៣-០, ឈ្នះ អ៉ីតាលី ១-០, ឈ្នះ អាល់បានី ១-០, វគ្គ១៦ក្រុម ឈ្នះ ហ្សកហ្ស៊ី ៤-១ និងវគ្គ៨ក្រុមចុងក្រោយ ឈ្នះម្ចាស់ផ្ទះ អាល្លឺម៉ង់ ២-១។

កីឡាករឆ្នើមវ័យក្មេង

តារាឆ្នើម Kylian Mbappe ត្រូវដឹកនាំបារាំងដើម្បីបង្កើតប្រវត្តិសាស្ត្រក្នុងនាមជាប្រធានក្រុមវ័យក្មេងជាលើកដំបូង ដែលត្រូវប្រឈមនឹងខ្សែបម្រើប្រយុទ្ធវ័យក្មេងកំឡុងឡើងជើង Lamine Yamal របស់អេស្ប៉ាញ។

ការពិតរបស់ក្រុមទាំងពីរ

បារាំងជាក្រុមលេខ២ក្នុងតារាងចំណាត់ថ្នាក់ពិភពលោក ខណៈ អេស្ប៉ាញ ស្ថិតនៅចំណាត់ថ្នាក់លេខ៧។ យ៉ាងណា ប្រវត្តិជួបគ្នា៣៦លើក អេស្ប៉ាញ ឈ្នះ១៦លើក បារាំង ឈ្នះ១៣លើក និងស្មើគ្នា៧លើក។

ជម្រើស១១នាក់ដំបូងអាច

អេស្ប៉ាញ៖ Unai Simon: Navas, Nacho, Laporte, Cucurella; Olmo, Rodri, Fabian Ruiz; Lamine Yamal, Morata, Williams

បារាំង៖ Maignan; Kounde, Saliba, Upamecano, Hernandez; Kante, Tchouameni, Camavinga, Griezmann; Kolo Muani, Mbappe

ទិន្នន័យវិភាគ

តាមការវិភាគរបស់ Sportsmole បង្ហាញថា អេស្ប៉ាញ មានលទ្ធភាពឈ្នះដល់ទៅ៤៣.៤៤% ខណៈ បារាំង មានលទ្ធភាពឈ្នះ ៣០.៣២% ប៉ុន្តែក្រុមទាំងពីរអាចបញ្ចប់ទៅដោយលទ្ធផលស្មើគ្នា ២៦.៦% មុនពេលថែម១៥នាទីពីរដង។

ព្យាករណ៍លទ្ធផល

អេស្ប៉ាញ ១-០ បារាំង (ថែម១៥នាទីពីរដង)

ប្រែសម្រួល៖ វីរបុត្រ