ព័ត៌មានអន្ដរជាតិ
UN៖ ប្រទេសកំពុងអភិវឌ្ឍន៍ទទួលរងផលប៉ះពាល់បរិស្ថាននៃសេដ្ឋកិច្ចឌីជីថលខ្លាំងជាងគេ
សន្និសីទអង្គការសហប្រជាជាតិស្តីពីពាណិជ្ជកម្ម និងការអភិវឌ្ឍន៍ (UNCTAD) បានចេញរបាយការណ៍កាលពីថ្ងៃពុធថា ប្រទេសកំពុងអភិវឌ្ឍន៍ត្រូវប្រឈមនឹងផលប៉ះពាល់ផ្នែកបរិស្ថាននៃសេដ្ឋកិច្ចឌីជីថលខ្លាំងជាងគេ ខណៈទទួលបានអត្ថប្រយោជន៍តិចតួចពីឌីជីថលភាវូបនីយកម្មសំខាន់ៗ។
របាយការណ៍សេដ្ឋកិច្ចឌីជីថលឆ្នាំ ២០២៤ របស់ UNCTAD បានបង្ហាញពីផលប៉ះពាល់បរិស្ថានដ៏ធ្ងន់ធ្ងរពីវិស័យឌីជីថលសកល ក៏ដូចជាបន្ទុកមិនសមាមាត្រដែលប្រទេសកំពុងអភិវឌ្ឍន៍ត្រូវទទួល។ របាយការណ៍បន្តថា ដោយសារការបែងចែកផ្នែកឌីជីថល និងការអភិវឌ្ឍន៍ដែលមានស្រាប់ ប្រទេសកំពុងអភិវឌ្ឍន៍នៅតែបន្តរងផលប៉ពាល់ច្រើនជាងគេទាំងផ្នែកសេដ្ឋកិច្ច និងបរិស្ថាន។
អគ្គលេខាធិការ UNCTAD លោកស្រី Rebeca Grynspan បាននិយាយក្នុងសន្និសីទកាសែតនៅទីក្រុងហ្សឺណែវ កាលពីថ្ងៃពុធថា៖ «ការកើនឡើងនៃបច្ចេកវិទ្យាដូចជា បញ្ញាសិប្បនិមិត្ត (AI) លុយគ្រីបតូ និងការទាញយកលុយគ្រីបតូ បានបង្កើនការប្រើប្រាស់ថាមពលយ៉ាងច្រើនអនេក»។
ជាឧទាហរណ៍ លោកស្រីបានលើកឡើងថា៖ «ការប្រើប្រាស់ថាមពលនៃការទាញយកប៊ីតខញ បានកើនឡើង ៣៤ ដងនៅចន្លោះឆ្នាំ ២០១៥ និង ២០២៣ ដោយឈានដល់ប្រហែល ១២១ តេរ៉ាវ៉ាត់ម៉ោង»។ លោកស្រីបន្តថា បើប្រៀបធៀបទៅ ប្រទេសដូចជាហ្វាំងឡង់ និងបែលហ្ស៊ិក ប្រើប្រាស់ថាមពលតិចជាង ៩០ តេរ៉ាវ៉ាត់ម៉ោង/ឆ្នាំ។
ជាមួយគ្នានោះ លោកស្រី Grynspan បាននិយាយថា កាកសំណល់ទាក់ទងនឹងឌីជីថល ដែលបញ្ចេញការបំពុលផ្សេងៗរួមទាំងឧស្ម័នកាបូនឌីអុកស៊ីត បានកើនឡើង ៣០ ភាគរយ ចន្លោះឆ្នាំ ២០១០ និង ២០២០ ដោយឈានដល់ ១០,៥ លានតោននៅទូទាំងពិភពលោក។
ជាមួយគ្នានេះ របាយការណ៍ UNCTAD បានគូសបញ្ជាក់ថា ខណៈឌីជីថលភាវូបនីយកម្មជំរុញកំណើនសេដ្ឋកិច្ចពិភពលោក និងផ្តល់ឱកាសពិសេសសម្រាប់ប្រទេសកំពុងអភិវឌ្ឍន៍ វាក៏បានផ្ដល់ប៉ះពាល់បិរស្ថានផងដែរ ដោយកាន់តែធ្ងន់ធ្ងរទៅៗ។
របាយការណ៍សរសេរថា ពិភពលោកត្រូវតែទាញយកប្រយោជន៍ពីឌីជីថលភាវូបនីយកម្ម ដើម្បីជំរុញការអភិវឌ្ឍន៍រួម និងនិរន្តរភាព ខណៈកាត់បន្ថយផលប៉ះពាល់អវិជ្ជមានលើបរិស្ថាន ដែលនេះ «តម្រូវឱ្យមានការផ្លាស់ប្តូរឆ្ពោះទៅរកសេដ្ឋកិច្ចឌីជីថលរាងជារង្វង់ ដែលកំណត់ដោយការប្រើប្រាស់ និងផលិតកម្មប្រកបដោយការទទួលខុសត្រូវ ការប្រើប្រាស់ថាមពលកកើតឡើងវិញ និងការគ្រប់គ្រងសំណល់អេឡិកត្រូនិកគ្រប់ជ្រុងជ្រោង»។
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ៦ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព