ព័ត៌មានអន្ដរជាតិ
ស្ត្រីសិង្ហបុរីជាប់ពន្ធនាគារពីបទវាយកូនប្រុសអាយុ៦ឆ្នាំនឹងខ្សែក្រវាត់ជាង១០០ដង
ម្ដាយដែលវាយកូនប្រុសអាយុ៦ឆ្នាំជាង១០០ដងនឹងខ្សែក្រវាត់ព្រោះកូនប្រព្រឹត្តខុសត្រូវបានតុលាការសិង្ហបុរីកាត់ទោសឲ្យជាប់គុក១៣ខែ។ នេះបើយោងតាមការចេញផ្សាយរបស់សារព័ត៌មានCNAនៅថ្ងៃទី៣ខែសីហានេះ។
នៅពេលប្រព្រឹត្តបទល្មើសក្នុងឆ្នាំ២០២០ ស្ត្រីរូបនេះបានរស់នៅជាមួយមិត្តប្រុសកូនៗ និងសាច់ញាតិផ្សេងទៀត។ កាលពីថ្ងៃទី១១ខែឧសភា ឆ្នាំ ២០២០ នាងបានដាល់កូនប្រុសរបស់នាងពីបទប្រព្រឹត្តខុស ថែមទាំងបានវាយកូននឹងខ្សែក្រវាត់ ប្រហែល១០នាទី ព្រមទាំងទាត់និងទះកំផ្លៀង។
ក្រោយមកស្ត្រីរូបនេះបាននាំកូនប្រុសទៅកាន់ស្នាក់ការប៉ូលិសជិតផ្ទះ ហើយកុហកថាមិត្តប្រុសរបស់ខ្លួនបានវាយកូនគាត់។ វេជ្ជបណ្ឌិតម្នាក់បានរកឃើញមានស្នាមជាំ និងស្នាមរបួសជាង៥០កន្លែងនៅលើរាងកាយក្មេងប្រុស។ វីដេអូនៃការវាយដំនេះ ត្រូវបានចាក់ផ្សាយនៅក្នុងតុលាការកាលពីមុន ហើយក្នុងការកាត់ទោសរបស់ចៅក្រមស្រុក Carol Ling បាននិយាយថា ខ្សែវីដេអូនេះ «ពិបាកទទួលយកណាស់» ហើយថាការប្រើកម្លាំង និងហិង្សាហួសហេតុនេះមិនអាចអត់ឱនឲ្យបានទេ។
ទោះបីជាយ៉ាងណាក៏ដោយ ឧបទ្ទវហេតុនេះមិនបណ្តាលឲ្យមានរបួសជាអចិន្ត្រៃយ៍នោះទេ និងក្រោយមកស្ត្រីរូបនេះត្រូវបានគេធ្វើរោគវិនិច្ឆ័យនៅឯវិទ្យាស្ថានសុខភាពផ្លូវចិត្ត ឃើញថា នាងមានជម្ងឺបាក់ទឹកចិត្ត។ ស្ត្រីរូបនេះបានសារភាពកំហុសកាលពីឆ្នាំមុនចំពោះការចោទប្រកាន់មួយក្រោមច្បាប់កុមារ និងមនុស្សវ័យក្មេងនៃការប្រព្រឹត្តខុសលើកុមារក្រោមការមើលថែរបស់នាង។ ចំណែកការចោទប្រកាន់លើកទីពីរសម្រាប់ការកុហកថា អ្នកដែលបានវាយក្មេងប្រុសគឺជាមិត្តប្រុសរបស់នាងត្រូវបានយកមកពិចារណាផងដែរ។
យ៉ាងណាតុលាការថា ទំនាក់ទំនងរបស់ម្តាយជាមួយកូនប្រុសរបស់នាងបានធូរស្បើយ ហើយថានាងត្រូវបានអនុញ្ញាតឱ្យចូលជួបកូនក្រោមការត្រួតពិនិត្យរបស់មន្ត្រីការពារកុមារ។ ចៅក្រមបានអនុញ្ញាតឱ្យនាងចាប់ផ្តើមការជំនុំជម្រះក្តីរបស់នាងនៅក្នុងខែកញ្ញា។ ចំពោះការធ្វើបាបកុមារក្រោមការមើលថែ ស្ត្រីរូបនេះអាចត្រូវជាប់ពន្ធនាគាររហូតដល់ទៅ៨ឆ្នាំ ដោយពិន័យជាប្រាក់រហូតដល់ ៨០០០ដុល្លារសិង្ហបុរី៕
អត្ថបទ៖ ប៊ុន សុភាព
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ