ព័ត៌មានអន្ដរជាតិ

៨មីនានេះ ២នាក់ស្លាប់នៅ មីយ៉ាន់ម៉ា ខណៈ ហាង ធនាគាររោងចក្របិទទ្វារ បុគ្គលិកទៅតវ៉ា

បានផុស

៥ years មុន

នៅ

ថ្ងៃចន្ទ ៨ មីនា ២០២១

ដោយ

យ៉ាងហោចណាស់អ្នកតវ៉ា២នាក់ត្រូវបានបាញ់ស្លាប់ក្នុងប្រទេសមីយ៉ាន់ម៉ា នាថ្ងៃចន្ទ ទី៨ ខែមីនានេះ ខណៈបាតុករទូទាំងប្រទេសបានព្យាយាមធ្វើឲ្យសេដ្ឋកិច្ចអសកម្ម ដោយបានឈប់ធ្វើការដើម្បីចេញមុខតវ៉ា បន្ទាប់ពីចុងសប្តាហ៍កន្លងទៅមានការបង្ក្រាបទាំងយប់ ព្រមទាំងមានចាប់ខ្លួនជាច្រើន។

រូបភាពដែលបង្ហោះលើ Facebook បានឃើញសាកសពបុរសពីរនាក់នៅលើផ្លូវភាគខាងជើងទីប្រជុំជន Myitkyina។ សាក្សីបាននិយាយថា ពួកគេកំពុងចូលរួមបាតុកម្ម នៅពេលនោះប៉ូលិសបានបំផ្ទុះគ្រាប់បែប និងឧស្ម័នទឹកភ្នែក។។ មនុស្សជាច្រើននាក់ត្រូវបានវ៉ៃកាំភ្លើងនៅជិតអគារ។

សាក្សីម្នាក់ដែលនិយាយថា គាត់បានជួយផ្លាស់ប្តូរសាកសពប្រាប់ Reuters ថា សាកសពទាំងពីរនោះត្រូវបានបាញ់ចំក្បាល និងស្លាប់នៅកន្លែងតែម្តង។ មនុស្ស៣នាក់ផ្សេងទៀតរងរបួស។

សាក្សីជាបុរសអាយុ២០ឆ្នាំបាននិយាយថា ៖«ជាជនអមនុស្សធម៌ដែលសម្លាប់ជនស៊ីវិល។ យើងត្រូវមានសិទ្ធិតវ៉ាដោយសន្តិវិធី»។

សាក្សីនិយាយថា វាមិនទាន់ប្រាកដច្បាស់ទេថា នរណាជាអ្នកបាញ់លើអ្នកនតវ៉ា បើទោះជាប៉ូលិស និងយោធានៅកន្លែងបាតុកម្មនោះ។

យោងតាមអង្គការសហប្រជាជាតិកាលពីសប្តាហ៍មុនបង្ហាញថា ប៉ូលិស និងទាហានបានសម្លាប់មនុស្សជាង៥០នាក់ហើយនៅក្នុងការធ្វើបាតុកម្មជារៀងរាល់ថ្ងៃដើម្បីប្រឆាំងនឹងរដ្ឋប្រហារថ្ងៃទី១ ខែកុម្ភៈ៕

ប្រែសម្រួល៖ វីរបុត្រ
ប្រភព៖ CNA

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា