ព័ត៌មានអន្ដរជាតិ
ហ៊ូធី បាញ់មីស៊ីលមួយគ្រាប់ទៀតហើយ លើកនេះសំដៅលើព្រលានយន្តហោះអ៊ីស្រាអែល
ក្នុងរយៈពេល៤៨ម៉ោងកន្លងមកនេះ ក្រុមឧទ្ទាមហ៊ូធីរបស់ប្រទេសយេម៉ែន បានបើកការវាយប្រហារដោយមីស៊ីលចំនួន ៣គ្រាប់ សំដៅទៅលើប្រទេសអ៊ីស្រាអែល ដោយក្នុងនោះមានគោលដៅចុងក្រោយបំផុតនៅអាកាសយានដ្ឋានអន្តរជាតិ Ben Gurion។
ក្រុមហ៊ូធី ដែលជាក្រុមគាំទ្រដោយអ៊ីរ៉ង់ បានអះអាងទទួលខុសត្រូវចំពោះការវាយប្រហារនេះ ដោយនិយាយថា ពួកគេបានបាញ់មីស៊ីលផ្លោងល្បឿនលឿនជាងសំឡេងនៅអាកាសយានដ្ឋានរបស់អ៊ីស្រាអែល។ ពួកគេបានព្រមានក្រុមហ៊ុនអាកាសចរណ៍ថា អាកាសយានដ្ឋាន Ben Gurion លែងមានសុវត្ថិភាពសម្រាប់ប្រតិបត្តិការទៀតហើយ។
កងកម្លាំងការពារអ៊ីស្រាអែល (IDF) ប្រកាសកាលពីថ្ងៃសុក្រទី២១ខែមីនាថា ខ្លួនបានស្ទាក់ចាប់មីស៊ីលរបស់ហ៊ូធីដោយជោគជ័យ មុនពេលដែលវាអាចចូលទៅក្នុងដែនអាកាសអ៊ីស្រាអែល។
ប្រព័ន្ធការពារដែនអាកាសរបស់អ៊ីស្រាអែល ដែលរួមមានប្រព័ន្ធ Arrow, David’s Sling និងប្រព័ន្ធ Iron Dome មានសារៈសំខាន់ក្នុងការស្ទាក់ចាប់ការគំរាមកំហែងបែបនេះ។ ប្រព័ន្ធ Arrow ដែលត្រូវបានអភិវឌ្ឍដោយសហការជាមួយសហរដ្ឋអាមេរិក ត្រូវបានរចនាឡើងដើម្បីស្ទាក់ចាប់មីស៊ីលរយៈចម្ងាយឆ្ងាយ ហើយទំនងជាត្រូវបានប្រើប្រាស់នៅក្នុងការស្ទាក់ចាប់នេះ។
ក្រុមហ៊ូធី បានប្ដេជ្ញាថានឹងពង្រីកគោលដៅរបស់ពួកគេក្នុងប្រទេសអ៊ីស្រាអែល ជាការសងសឹកចំពោះការវាយប្រហារជាថ្មីរបស់អ៊ីស្រាអែលនៅតំបន់ហ្គាហ្សា ដែលបានសម្លាប់មនុស្សរាប់រយនាក់។ ចាប់តាំងពីការផ្ទុះឡើងនៃសង្គ្រាមអ៊ីស្រាអែល-ហាម៉ាសនៅចុងឆ្នាំ២០២៣ ក្រុមហ៊ូធីបានធ្វើការវាយប្រហារជាង ១០០ដង លើការដឹកជញ្ជូនពាណិជ្ជកម្មដោយអះអាងថាធ្វើសកម្មភាពក្នុងសាមគ្គីភាពជាមួយប៉ាឡេស្ទីននៅក្នុងតំបន់ហ្គាហ្សា។
ការវាយប្រហារទាំងនេះបានរំខានដល់ពាណិជ្ជកម្មពិភពលោក និងបានជំរុញឲ្យយោធាអាមេរិកត្រូវធ្វើការស្ទាក់ចាប់ដែលចំណាយអស់ថវិកាយ៉ាងច្រើន។
ក្រុមហ៊ូធី គឺជាផ្នែកមួយនៃអ្វីដែលគេហៅថា «Axis of Resistance» ដែលជាសម្ព័ន្ធមិត្តប្រឆាំងនឹងអ៊ីស្រាអែល និងលោកខាងលិចនៃកងជីវពលក្នុងតំបន់ ដែលរួមមានក្រុមហាម៉ាស ក្រុមហេសបូឡារបស់លីបង់ និងក្រុមប្រដាប់អាវុធនៅអ៊ីរ៉ាក់ ដែលសុទ្ធតែទទួលបានការគាំទ្រពីអ៊ីរ៉ង់៕
ដោយ៖ ឈាង
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ