របាំងមុខស្លឹកឈូក កំពុងពេញនិយមពីប្រជាជន ចិន ពាក់គេចពីកម្ដៅ

យោងតាមសារព័ត៌មាន ​​SCMP និន្នាការនៃការប្រើប្រាស់ស្លឹកឈូកជំនួសឲ្យរបាំងមុខគឺមានប្រជាប្រិយភាពក្នុងចំណោមយុវវ័យនៅក្នុងខេត្តភាគខាងត្បូងនៃប្រទេសចិន ដូចជា Zhejiang, Sichuan និង Fujian ជាដើម។ វីដេអូជាច្រើនដែលផ្សព្វផ្សាយនៅលើប្រព័ន្ធផ្សព្វផ្សាយសង្គម បង្ហាញពីមនុស្សពាក់របាំងស្លឹកឈូក ដើម្បីគេចពីកម្ដៅដ៏ខ្លាំងនៅឆ្នាំនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសម្នាក់ឈ្មោះ Yin រស់នៅក្នុងខេត្ត Fujian បាននិយាយថា ដំបូងឡើយគាត់គ្រោងនឹងពាក់ម៉ាស់មុខដើម្បីការពារខ្លួនពីព្រះអាទិត្យ ប៉ុន្តែក្រោយមកបានរកឃើញស្លឹកឈូកនៅជិតផ្ទះ ទើបព្យាយាមច្នៃវាដើម្បីពាក់នៅលើមុខរបស់គាត់។ ពេលនោះគាត់ទទួលបានលទ្ធផលដ៏គួរឲ្យភ្ញាក់ផ្អើលនោះគឺគ្រប់ផ្នែកនៃរាងកាយ លើកលែងតែមុខត្រូវបានប្រែពណ៌។ លោក​បាន​វាយតម្លៃ​ថា ស្លឹក​ឈូក​ជា​ឧបករណ៍​​ធម្មជាតិ និង​មិន​គិតថ្លៃ​ដែលជួយសម្រួលដល់មនុស្សជាច្រើន។

យ៉ាងណា និន្នាការ​នេះ​បាន​ក្លាយ​ជា​ប្រធាន​បទ​ជជែកគ្នាយ៉ាង​ឆាប់​រហ័ស និង​ទាក់​ទាញ​មតិ​ពេញ​បណ្ដាញ​សង្គម​ក្នុង​ប្រទេស​ចិន។ អ្នក​លេង​អ៊ីនធឺណិត​ម្នាក់​បាន​បញ្ចេញ​មតិ​បែប​កំប្លែង​ថា ​តាំងពី​ពេលណា​ ទើប​មូស​អាច​បើក​ម៉ូតូ​បាន​យ៉ាង​ប៉ិនប្រសប់​?

ថ្វីដ្បិតែ វានាំមកនូវការសើចក៏ដោយ ក៏មនុស្សមួយចំនួនក៏បានសម្តែងការព្រួយបារម្ភអំពីសុវត្ថិភាពនៃការប្រើប្រាស់ របាំងមុខបែបនេះ ក្នុងចរាចរណ៍ផងដែរ។ អ្នកលេងអ៊ីនធឺណិតម្នាក់បានព្រមានថា ស្លឹកឈូកធំពេក ហើយបិទដងផ្លូវ ដូច្នេះគ្រោះថ្នាក់ទំនងជាកើតឡើង។

និន្នាការរបាំងស្លឹកឈូក គឺរំលឹកពីបាតុភូតមួយដែលបានវាយលុកពិភពលោកដោយព្យុះកាលពីជាង១០ ឆ្នាំមុន៖ facekini ដែលជាប្រភេទឈុតហែលទឹករបាំងមុខ ដែលប្រើដោយស្ត្រីវ័យកណ្តាលមួយក្រុមនៅ Qingdao (Shandong) ដើម្បីការពារខ្លួនពីព្រះអាទិត្យនៅលើឆ្នេរ។ របាំងមួយនោះ អាចគ្របក្បាល និងមុខទាំងមូល ដោយទុកតែភ្នែក ច្រមុះ និងមាត់។ បន្ទាប់មកវាត្រូវបានផ្លាស់ប្តូរជាមួយនឹងគំនូរដូចជា opera masks ឬ spiderman ក្លាយជានិន្នាការម៉ូដដែលទាក់ទាញមនុស្សជាច្រើន៕

អត្ថបទ៖ សាង ស្រីល័ក្ខ

ចុចអាន៖អាយុជាង១០០ លោកយាយអេស្បាញមួយរូប ប្រាប់អាថ៌​កំបាំង​៤យ៉ាង ជាទម្លាប់សាមញ្ញបំផុត