កីឡា
FIFA: ប៊ែលហ្សិកលេខ១ពិភពលោក ជប៉ុនឈរលើគេនៅអាស៊ី កម្ពុជាលេខ៨នៅអាស៊ាន
សហព័ន្ធកីឡាបាល់ទាត់អន្តរជាតិ ឬ ហៅកាត់ថា FIFA បានបញ្ចេញតារាងចំណាត់ថ្នាក់ក្រុមបាល់ទាត់ជម្រើសជាតិទាំងអស់ជាសមាជិករបស់ខ្លួន (FIFA World Ranking) ដែលមាន ២១០ប្រទេស/តំបន់ ប្រចាំខែ មីនា-មេសា ឆ្នាំ២០២១ ស្របពេលក្រុមជម្រើសជាតិប៊ែលហ្សិក ឈរចំណាត់ថ្នាក់លេខ១ ហើយជប៉ុនឈរលើគេនៅអាស៊ី ឯវៀតណាមឈរលើគេ និងកម្ពុជានៅលំដាប់លេខ៨នៅអាស៊ាន ឬកម្ពុជាឈរនៅចំណាត់ថ្នាក់លេខ១៧៤ពិភពលោក។
យោងតាមវិបសាយ fifa.com បានបញ្ជាក់ថាតារាងចំណាត់ថ្នាក់នេះគិតចាប់ពីនៅថ្ងៃទី៧ ខែមេសា ឆ្នាំ២០២១ ហើយនៅថ្ងៃទី២៧ ខែឧសភា ទើបមានការប្រែប្រួលថ្មីទៀត។ តារាងចំណាត់ថ្នាក់នេះមានការប្រែប្រួលតិចតួចព្រោះក្រុមជម្រើសជាតិកម្ពុជា ក៏ដូចជាប្រទេសដទៃបានផ្អាករាល់សកម្មភាពរបស់ខ្លួនដោយសារបញ្ហាកូវីដ-១៩។ សកម្មភាពប្រកួតដែលត្រូវលើកពេលប្រកួតនោះមានដូចជាការប្រកួតក្នុងវគ្គជម្រុះបឋមប្រចាំទ្វីបអាស៊ី ប្រចាំពានរង្វាន់បាល់ទាត់ពិភពលោក 2022 FIFA World Cup ក៏ដូចជាពានរង្វាន់បាល់ទាត់ AFF Suzuki Cup 2020 ជាដើម។
សរុបតារាងចំណាត់ថ្នាក់ប្រចាំតំបន់អាស៊ានប្រទេសវៀតណាម ឈរលេខ៩២ពិភពលោក ខណៈថៃ ឈរលេខ១០៦ ហើយហ្វីលីពីននៅលេខ១២៥ តាមពីក្រោយដោយក្រុមមីយ៉ាន់ម៉ា ឈរលេខ១៣៩ម៉ាឡេស៊ីលេខ១៥៣ សិង្ហបុរីលេខ១៥៩ ឥណ្ឌូណេស៊ីលេខ១៧៣ កម្ពុជាលេខ១៧៤ ឡាវលេខ១៨៥ប្រ៊ុយណេលេខ១៨៩ និងទីម័រខាងកើត លេខ១៩៦។
បើរាល់តារាងចំណាត់ថ្នាក់ក្រុមល្អទាំង១០ ប្រចាំទ្វីបអាស៊ី ក្នុងខែមីនា-មេសា នេះមានក្រុមជប៉ុន បានឡើងមកឈរលេខ២៨ពិភពលោក ហើយក្រុមជម្រើសជាតិអ៊ីរ៉ង់លេខ៣១ កូរ៉េខាងត្បូងលេខ៣៩ អូស្រ្តាលីលេខ៤១ កាតាលេខ៥៨ អារ៉ាប់ប៊ីសាអ៊ូឌីតលេខ៦៥ អ៊ីរ៉ាក់លេខ៦៨ អារ៉ាប់រួមលេខ៧៣ ចិនលេខ៧៧ និងស៊ីរីលេខ៧៩ពិភពលោក។
សម្រាប់ចំណាត់ថ្នាក់ក្រុមខ្លាំងជាងគេប្រចាំពិភពលោកក្នុងខែមីនា-មេសា នេះមាន ក្រុមប៊ែលហ្សិច ឈរលេខ១ ហើយក្រុមបារាំងឈរលេខ២ ខណៈក្រុមប្រេស៊ីលឈរលេខ៣ អង់គ្លេសលេខ៤ ព័រទុយហ្គាល់លេខ៥ អេស្ប៉ាញលេខ៦ អ៊ីតាលីលេខ៧ អាហ្សង់ទីនលេខ៨ អ៊ុយរ៉ាហ្គាយលេខ៩ និងក្រុមដាណឺម៉ាកឈរលេខ១០៕
អត្ថបទ៖ ម៉េង ហួរ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ