កីឡា
លោក Pep Muñoz បានប្រាប់ថា ជាកិត្តិយសធំ បើបានដឹកនាំក្រុមជម្រើសជាតិកម្ពុជា
លោក Pep Muñoz អតីតគ្រូបង្វឹកព្រះខ័នរាជស្វាយរៀង ត្រូវបានក្លិប Shenzhen Peng City របស់លីគកំពូលចិនចែកផ្លូវគ្នាកាលពីថ្ងៃទី៣០ ខែកញ្ញា ឆ្នាំ ២០២៥ បន្ទាប់ពីលោកបានទៅដឹកនាំនៅទៅនោះជិត ៣ ខែ។
លោក Pep Muñoz បានចូលទៅដឹកនាំក្លិប Shenzhen Peng City នៅពាក់កណ្តាលរដូវកាល ស្របពេលក្លិបមិនទាន់មានភាពរឹងមាំស្រាប់ផង។ សម្រាប់ការដឹកនាំនៅទីនោះប្រមាណ ១០ ប្រកួត ទទួលបានជ័យជម្នះតែ ២ ប្រកួតប៉ុណ្ណោះ ដោយស្ថិតនៅលេខ ១៣ មានគម្លាតតែ ២ ពិន្ទុប៉ុណ្ណោះពីតំបន់កាត់ចេញ។
បន្ទាប់ពីចែកគ្នាផ្លូវការ លោកបានប្រាប់«កម្ពុជាថ្មីថា»ថា វាជាបទពិសោធដ៏លំបាកនៅប្រទេសចិន ប៉ុន្តែលោកតែងតែស្ថិតនៅក្នុងផ្លូវវិជ្ជមានរហូត ពីព្រោះបាល់ទាត់គឺបែបនេះ។ ឥឡូវនេះ លោកត្រូវទៅប្រទេសអេស្ប៉ាញដើម្បីជួបជុំក្រុមគ្រួសារ»។
នៅពេលសួរអំពីការងារបន្ទាប់ ខណៈមានអ្នកគាំទ្រច្រើនពេញការងាររបស់លោកកន្លងមក លោក Pep Muñoz បានប្រាប់ថា ៖«ចំពោះការងារបន្ទាប់ ខ្ញុំបើកចំហរសម្រាប់ការងារថ្មី។ ពិតណាស់ ដូចលោកបានលើកឡើងអ៉ីចឹង ខ្ញុំស្គាល់ច្បាស់ពីបាល់ទាត់កម្ពុជា ហើយក៏ធ្លាប់មានបទពិសោធដឹកនាំក្រុមជម្រើសជាតិចិនកាលពីមុនដែរ។ វាជាតួនាទីមួយដែលខ្ញុំចូលចិត្ត ហើយពិតជាកិត្តិយសធំសម្រាប់ បើបានការងារបែបនេះ។
លោកបានបន្ថែមថា ៖«ប៉ុន្តែឥឡូវនេះ ក្រុមបាល់ទាត់ជម្រើសជាតិកម្ពុជា ស្ថិតនៅក្នុងការគ្រប់គ្រងល្អហើយ។ ខ្ញុំជូនពរឲ្យពួកគេទទួលបានជោគជ័យ។ កម្ពុជាតែងតែធ្វើល្អដាក់ខ្ញុំ ហើយខ្ញុំតែងតែស្តាប់ដំណឹងពីពួកគេ ប្រសិនបើត្រូវការខ្ញុំ»។
បុរសសញ្ជាតិអេស្ប៉ាញរូបនេះបានដឹកនាំក្លិបព្រះខ័នរាជស្វាយរៀង ពីររដូវកាលដ៏ជោគជ័យដោយឈ្នះជើងឯកលីគកំពូលកម្ពុជា ២ លើក ពានរង្វាន់សម្តេចតេជោ ហ៊ុន សែន ២ លើក ពានរង្វាន់ខេមបូឌានស៊ុបភើខាប់ ១ លើក និងជើងឯករងពានរង្វាន់អាស៊ីកម្រិតទី៣ AFC Challenge League មុនចាកចេញទៅដឹកនាំក្លិបនៅលីគកំពូលចិន៕
អត្ថបទ៖ វីរបុត្រ
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម