ក្រុមហ៊ុន មេនូឡាយហ្វ៍ ខេមបូឌា ដែលជាក្រុមហ៊ុនធានារ៉ាប់រងអាយុជីវិតលំដាប់អន្តរជាតិដំបូងបង្អស់នៅ   កម្ពុជា​ ជាម្ចាស់ឧបត្តម្ភធំគាំទ្រ​ «ព្រឹត្តិការណ៍រត់ប្រណាំងអន្តរជាតិពាក់កណ្តាលម៉ារ៉ាតុង នៅអង្គរវត្ត ​លើកទី ២៦» រយៈពេល ៨ ឆ្នាំជាប់គ្នា ដែលជាផ្នែកមួយនៃការបន្តការប្តេជ្ញាចិត្តរបស់ក្រុមហ៊ុនក្នុងការធ្វើឲ្យជីវិតប្រជាជនកម្ពុជាកាន់តែប្រសើរឡើងជារៀងរាល់ថ្ងៃ។​

ជំងឺរាតត្បាតកូវីដ១៩ បានជះឥទ្ធិពលដល់ការរស់នៅ និងសេដ្ឋកិច្ច​ទូទាំងប្រទេសកម្ពុជា និងជុំវិញពិភពលោក។ ការណ៍នេះបានបង្ហាញពីសារៈសំខាន់​នៃសុខភាព និងសុខុមាលភាព ហើយញ៉ំាងឲ្យមាននូវការបន្តការឧបត្តម្ភ​ធំគាំទ្រព្រឹត្តិការណ៍រត់ប្រណាំងអន្តរជាតិពាក់កណ្តាលម៉ារ៉ាតុងនេះ​។ សកម្មភាពនេះក៏ជាការផ្ញើសារដ៏សំខាន់មួយដើម្បីលើកទឹកចិត្តឲ្យប្រជាជនយើងបន្តអនុវត្តនូវរបៀបរស់នៅប្រកបដោយភាព​សកម្ម​ទាំងផ្លូវកាយ និងផ្លូវចិត្ត តាមរយៈការចូលរួមរត់ក្នុងព្រឹត្តិការណ៍សប្បុរសធម៌ដ៏ធំជាងគេនៅ​ប្រទេសកម្ពុជានេះ​ផងដែរ​​។ ​​ជាងនេះទៅទៀត ការឧបត្ថម្ភព្រឹត្តិការណ៍នេះគឺជាការចូលរួមចំណែកគាំទ្រដល់រដ្ឋាភិបាលកម្ពុជាក្នុងការបើកដំណើរការសេដ្ឋកិច្ចជាតិឡើងវិញ​។​

លោក Justin Helferich អគ្គនាយកប្រតិបត្តិ និងជានាយកចាត់ការទូទៅនៃក្រុមហ៊ុន មេនូឡាយហ្វ៍ ខេមបូឌា មានប្រសាសន៍ថា៖ «គោលដៅរបស់យើងគឺ​កសាងអនាគតហិរញ្ញវត្ថុដ៏រឹងមាំ និងកាន់តែល្អប្រសើរសម្រាប់គ្រួសារកម្ពុជា ​ ហេតុនេះហើយទើប​យើងជឿជាក់ថា យើងមានតួនាទីសំខាន់ក្នុងការ​រួមចំណែក​លើកកម្ពស់ការរស់នៅប្រកបដោយសុខភាពល្អ និងភាពសកម្ម។​ ក្នុងនាមជាម្ចាស់ឧបត្តម្ភ​ធំគាំទ្រ​ព្រឹត្តិការណ៍អន្តរជាតិពាក់កណ្តាលម៉ារ៉ាតុង នៅ​អង្គរវត្ត យើងបាន​ធ្វើការសហការយ៉ាងយកចិត្តទុកដាក់ជាមួយគណៈកម្មាធិការជាតិអូឡាំពិកកម្ពុជា ដើម្បីស្វាគមន៍ ក៏ដូចជាធានាសុវត្ថិភាពដល់អ្នកចូលរួមទាំងអស់ក្នុងអំឡុងពេលរត់។​»​

ជារៀងរាល់ឆ្នាំ​ ព្រឹត្តិការណ៍រត់ប្រណាំងអន្តរជាតិពាក់កណ្តាលម៉ារ៉ាតុង នៅអង្គរវត្ត គឺជាព្រឹត្តិការណ៍ដ៏អស្ចារ្យ មួយ ​ព្រោះថាផ្លូវរត់គឺត្រូវបានរៀបចំយ៉ាងពិសេស​សម្រាប់អ្នកចូលរួមទាំងអស់អាចគយគន់​ទេសភាពដ៏ស្រស់ត្រកាល ជុំវិញបរិវេណឧន្យាន​អង្គរ ដែលជាទីដ៏សែនមនោរម្យ។ ស្របតាមសាររបស់ព្រឹត្តិការណ៍ឆ្នាំនេះ គឺ «រត់ដោយសុវត្ថិភាពជាមួយ មេនូឡាយហ្វ៍» កម្មវិធីទាំងមូល​​ប្រព្រឹត្តទៅនៅថ្ងៃទី ០២​ ខែមករា នេះដោយមានអ្នករត់សរុបចំនួនប្រមាណ ២​.៥០០ ​នាក់ដែលជាប្រជាជនខ្មែរ និងជនបរទេសក្នុងស្រុក​៕ ​

ដើម្បីស្វែងយល់បន្ថែមអំពីវិធានការ​​សុវត្ថិភាពរបស់ព្រឹត្តិការណ៍នេះ សូមចូលទៅកាន់៖​ www.manulife.com

The post ក្រុមហ៊ុន មេនូឡាយហ្វ៍ ខេមបូឌា ឧបត្ថម្ភគាំទ្រព្រឹត្តិការណ៍រត់ប្រណាំង អន្តរជាតិពាក់កណ្តាលម៉ារ៉ាតុង នៅអង្គរវត្ត ជាលើកទី ៨ appeared first on Kampuchea Thmey Daily.

មាតុភូមិខ្ញុំ ជាកម្មវិធីរំឮកគុណអតីតយុទ្ធជនបានពលីញើសស្រស់ ឈាមស្រស់​ក្នុង​បុព្វហេតុជាតិ ដើម្បី​នាំ​សន្តិភាព​ជូន​ពលរដ្ឋខ្មែរមក​ទល់​នឹងបច្ចុប្បន្ន។

ក្នុង​ជំនួបជាមួយ​ក្រុម​ការងារ “មាតុភូមិខ្ញុំ” បុរសចំណាស់វ័យជាង ៦០ឆ្នាំ ឈ្មោះ ជន រះ ដែល​ជាអតីតកងទ័ព​ខ្មែរ​ក្រហម​ បាន​រៀប​រាប់​ទាំង​ក្តុកក្តួលពាក់ព័ន្ធ​អតីតកាលរបស់ខ្លួន ដោយអះអាង ការ​ចូល​រួម​ធ្វើ​បដិវត្តន៍ជាមួយ​កង​ទ័ព​ខ្មែរ​ក្រហម មិន​មែន​ដើម្បី​សម្លាប់រង្គាល​ដូច​អ្វី​ដែល​កើតមាន​ឡើង​នោះទេ ចេតនា​តែ​មួយ​គត់ គឺ​រំដោះ​ជាតិ​ចេញពី​ពួក​អាណានិគមអាមេរិក និងស្វែង​រកសុខសន្តិភាព​ជូនជាតិ។

ជាមួយទឹកមុខរលីងរលោង សម្លឹង​ទៅ​មើលស្នាមរបួសស្ទើរពេញរាងកាយ ជន រះ បង្ហើបថា “បើដឹងថាខ្មែរក្រហមសម្លាប់ពលរដ្ឋស្លូតត្រង់បែបនេះ ខ្ញុំក៏មិនចូលរួមធ្វើបដិវត្តន៍ដែរ”។

ក្រឡេកទៅមើលអតីតខ្មែរក្រហមនៅស្រុកអង្លង់វែង លោក ពៅ សាន ខណៈបច្ចុប្បន្នជាមន្ត្រីអប់រំចូលនិវត្តន៍មួយរូប ដូចជាកំពុង​រស់នៅ​យ៉ាង​មានសេចក្តីសុខជាមួយ​ជីវិតសាមញ្ញារបស់ខ្លួន ខណៈត្រឹម​ផ្ទះ​ឈើ​ប្រក់ក្បឿងមួយខ្នងតូច​ ហាក់​កក​ក្តៅគ្រប់គ្រាន់សម្រាប់ក្រុមគ្រួសារ​លោក ដោយថែមទាំង​បង្ហើបប្រាប់ថា “បើគ្មានសន្តិភាពទេ ខ្ញុំមិនមាន​ជីវិតដ៏អស្ចារ្យដូចពេលឡើយ”។

លោកថា ជីវិតលោកក្នុងសង្គ្រាមជាច្រើនឆ្នាំ បាន​ជួប​រឿង​រ៉ាវជូរចត់ជាច្រើនដែលក្មេងៗបច្ចុប្បន្នមិន​ធ្លាប់ហែលឆ្លង ឬស្ទើរតែមិនជឿអ្វីដែលបាន​កើតឡើង។

“ចាប់តាំងពីឆ្នាំ ១៩៨០ ដល់ឆ្នាំ ១៩៩០ ជិត១០ឆ្នាំ ខ្ញុំរស់នៅតែក្នុង​ព្រៃនៅមណ្ឌលគីរី ហូបក្តួច ហូបដំឡូងដើម្បី​រស់ មិនធ្លាប់ស្គាល់​រសជាតិបាយមួយពេល។” នេះជាសម្តីរបស់ ពៅ សាន អតីតខ្មែរក្រហមវ័យជាង ៦០ឆ្នាំ។ នៅមានរឿងរ៉ាវជាច្រើនទៀត ដែលបាន​កប់ទុកក្នុង​អារម្មណ៍​អតីតយុទ្ធជន​ស្នេហាជាតិកម្ពុជា ដែលទាំង​នេះ នឹង​បង្ហាញ​នៅក្នុង​កម្មវិធី “មាតុភូមិខ្ញុំ” របស់កម្ពុជាថ្មី នាពេលឆាប់ៗខាងមុខនេះ
លើគេហទំព័រ: កម្ពុជាថ្មី
ផេកហ្វេសបុកផ្លូវការ: Kampucheathmey
ផេកហ្វេសបុក : មាតុភូមិខ្ញុំ
ក៏ដូចជា Channel YouTube របស់គេហទំព័រកម្ពុជាថ្មីតែម្តង៕

The post អតីតយោធាខ្មែរក្រហម រៀបរាប់ទាំងអួលដើមក ក្នុងកម្មវិធី “មាតុភូមិខ្ញុំ” appeared first on Kampuchea Thmey Daily.

លោក ឌួង ឆាយ បានថ្លែងថា “ខ្ញុំបាទ បានបួសសាងផ្នួសដើម្បីសងគុណអ្នកមានគុណ និងលាងបាបកម្ម កម្មពៀរទាំងឡាយ សូមអហោសកម្មអោយខ្ញុំបាទផង”។

គួររម្លឹកថា កាលពីថ្ងៃទី ១៨ ខែមីនា ឆ្នាំ២០២១ ប្រមុខរដ្ឋស្តីទី សម្តេច សាយ ឈុំ បានចេញព្រះរាជក្រឹត្យដកគោរមងារជា ឧកញ៉ា របស់លោក ឌួង ឆាយ បន្ទាប់ពីបែកធ្លាយវីដេអូប្រើហិង្សាលើអតីតភរិយា អ្នកស្រី ដេត ម៉ាលីណា។ លោក ឌួង ឆាយ បាន​ទទួល​គោរមងារ​ជា​ឧកញ៉ា​នៅ​ថ្ងៃ​ទី ០៧ ខែ​មិថុនា ឆ្នាំ​២០១៩៕

The post ក្រោយបញ្ចប់ងារជាឧកញ៉ា លោក ឌួង ឆាយ បានសម្រេចចិត្តទៅសាងផ្នួស appeared first on Kampuchea Thmey Daily.

-កើតហេតុ ថ្ងៃទី ០២ ខែ មករា ឆ្នាំ ២០២ វេលាម៉ោង ១១ម៉៣០នាទី នៅចំណុចមុខផ្ទះគ្មានលេខ ផ្លូវ លំ ភូមិ ភ្នាត សង្កាត់ ស្ទឹងមានជ័យទី២ ខណ្ឌ មានជ័យ រាជធានីភ្នំពេញ ។

-ជនសង្ស័យឈ្មោះ តាំង រស្មី ភេទ ប្រុស អាយុ ២៧ ឆ្នាំ ជនជាតិ ខ្មែរ ទីលំនៅផ្ទះជួលគ្មានលេខ ផ្លូវ លំ ភូមិ ភ្នាត សង្កាត់ ស្ទឹងមានជ័យទី២ ខណ្ឌ មានជ័យ រាជធានីភ្នំពេញ. និងមុខរបរ មិនពិតប្រាកដ ។

-ជនរងគ្រោះឈ្មោះ លឹម ធារ៉ា ភេទ ប្រុស អាយុ ២១ ឆ្នាំ ជនជាតិ ខ្មែរ ទីលំនៅផ្ទះជួលគ្មានលេខ ផ្លូវ លំ សង្កាត់ ភ្នំពេញថ្មី ខណ្ឌ សែនសុខ រាជធានីភ្នំពេញ មុខរបរ កម្មករសំណង់ ។

-វត្ថុតាងចាប់យក : ឧបករណ៍សម្រាប់លើកយកសាច់ដុំដៃ (ធ្វើពីស៊ីម៉ង់តិ៍) ចំនួន ០១ ។

*ហេតុការណ៍ ៖ កាលពីថ្ងៃទី ០២ ខែ មករា ឆ្នាំ ២០២១ វេលាម៉ោង ១១ម៉៣០នាទី នៅចំណុចផ្ទះជួលគ្មានលេខ ផ្លូវ លំ ភូមិ ភ្នាត សង្កាត់ ស្ទឹងមានជ័យទី២ ខណ្ឌ មានជ័យ រាជធានីភ្នំពេញ (កន្លែងកើតហេតុ) ជនរងគ្រោះឈ្មោះ លឹម ធារ៉ា ភេទ ប្រុស អាយុ ២១ ឆ្នាំ បានមកយកខោអាវដែលផ្ញើទុកនៅផ្ទះជួលរបស់មិត្តភក្កិឈ្មោះ តាំង ចាន់ ភេទ ប្រុស អាយុ ២១ ឆ្នាំ ក្នុងពេលនោះជនសង្ស័យឈ្មោះ តាំង រស្មី ភេទ ប្រុស អាយុ ២៧ ឆ្នាំ បានយកឧបករណ៍សម្រាប់លើកយកសាច់ដុំដៃ (ធ្វើពីស៊ីម៉ង់ត៍) ចំនួន ០១ វាយជនរងគ្រោះបណ្ដាលឲ្យរងរបួសបែកក្បាលពីខាងក្រោយចំនួន ០១ កន្លែងដួលសន្លប់ទៅលើដី (ដោយជនសង្ស័យឈ្មោះ តាំង រស្មី សង្ស័យជនរងគ្រោះបានលួចយកទូរស័ព្ទដៃរបស់គេដែលបានបាត់) ខណៈនោះអ្នកជិតខាងបានបញ្ជូនជនរងគ្រោះឈ្មោះ លឹម ធារ៉ា ទៅព្យាបាលរបួសនៅមន្ទីរពេទ្យមិត្តភាពខ្មែរសូវៀត ចំណែកជនសង្ស័យត្រូវបានកម្លាំងនគរបាលប៉ុស្តិ៍ស្ទឹងមានជ័យទី២ ចុះទៅឃាត់ខ្លួនយកមកទីស្នាក់ការប៉ុស្តិ៍ដើម្បីចាត់ការតាមនិតិវិធីតែម្ដង ។

ក្រោយពីឃាត់ខ្លួនជនសង្ស័យឈ្មោះ តាំង រស្មី សមត្ថកិច្ចយើងបានចាប់យកវត្ថុតាងមាន ៖ ឧបករណ៍សម្រាប់លើកយកសាច់ដុំដៃ (ធ្វើពីស៊ីម៉ង់ត៍) ចំនួន ០១ ។ បច្ចុប្បន្នជនសង្ស័យឈ្មោះ តាំង រស្មី ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕នរា

The post សាហាវណាស់ ចង់បានទូរសព្ទ័វាយបំណងឲ្យស្លាប់តែទីបំផុតគុក appeared first on Kampuchea Thmey Daily.

ពោធិសាត់ ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រី្ត រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចបានថ្លែងនូវការ ផ្តាំផ្ញើរដល់ប្រជាពលរដ្ឋត្រូវចេះថែរក្សាអនាម័យ និងត្រូវប្រុងប្រយ័ត្នខ្ពស់ចំពោះកូវីដ១៩ទម្រង់ថ្មី ។ លោកជំទាវកិត្តិសង្គហបណ្ឌិត ម៉ែន សំអនថ្លែងបែបនេះខណៈអញ្ជើញសំណេះសំណាលជាមួយប្រជាពលរដ្ឋ និងអុជធូប ថ្វាយគ្រឿងសក្ការៈនៅប្រាសាទដូនអន ស្ថិតនៅក្នុងឃុំរំលេច ស្រុកបាកាន ខេត្តពោធិ៍សាត់ ។ ជួបសំណេះសំណាលនាឪកាសនោះមានការអញ្ជើញចូលរួមពីសំណាក់ លោកម៉ៅ ធនិន អភិបាលនៃគណៈអភិបាលខេត្តពោធិ៍សាត់ និងអស់លោកលោកស្រីសមាជិក សមាជិកាក្រុមប្រឹក្សាខេត្ត លោក លោកស្រី មន្រ្តីរាជការជុំវិញខេត្ត និងប្រជាពលរដ្ឋផងដែរ នាព្រឹកថ្ងៃសៅរ៍ ៤រោច ខែបុស្ស ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២ ខែមករា ឆ្នាំ២០២១ ។

លោកជំទាវក៏បានពាំនាំនូវការផ្តាំផ្ញើរ សាកសួរសុខទុក្ខពីសំណាក់សម្តេចតេជោ និងសម្តេចកិត្តិព្រឹទ្ធបណ្ឌិត ជូនដល់ប្រជាពលរដ្ឋ និងអង្គពិធីទាំងមូលដោយក្រីនឹករលឹក និងការគិតគូរយកខិត្តទុក្ខដាក់សុខទុក្ខ និងសុខុមាលភាពរបស់ប្រជាពលរដ្ឋនៅទូទាំងប្រទេស ។ លោកជំទាវកិត្តិសង្គហបណ្ឌិត បានបន្តទៀតថា៖ តាមរយៈ ភាពជោគជ័យជាប្រវត្តិសាស្រ្តនៃការទទួលបានដំណក់ប្រេងជាលើកដំបូងនេះ គឺជាការចាប់ផ្តើមដ៏សំខាន់បំផុតសម្រាប់ប្រទេសកម្ពុជា ឆ្ពោះទៅបង្កើតបាននូវសមត្ថភាពជាតិ និងខឿនឧស្សាហកម្មប្រេងកាត ឧស្ម័ន និងថាមពល ដែលជាពរជ័យសម្រាប់ប្រជាជាតិ និងប្រជាជនកម្ពុជា ក្រោមម្លប់ដ៏ត្រជាក់ត្រជុំនៃ «សន្តិភាព» របស់សម្តេចអគ្គមហាសេនាបតីតេជោនាយករដ្ឋមន្ត្រី បិតាស្ថាបនិក អគ្គមគ្គទេសក៍ និងជាប្រតិបត្តិករនយោបាយ ឈ្នះ ឈ្នះ ដែលបានតស៊ូរំដោះប្រទេសជាតិឲ្យរួចផុតពីរបបប្រល័យពូជសាសន៍ និងបានខិតខំពុះពារកសាងសន្តិភាព ខឿនសេដ្ឋកិច្ច លទ្ធិប្រជាធិបតេយ្យ និងវឌ្ឍនភាពសង្គមដ៏គាប់ប្រសើរ។

លោកជំទាវក៏ បានបញ្ជាក់ថា៖ «សន្តិភាព» របស់សម្តេចអគ្គមហាសេនាបតីតេជោនាយករដ្ឋមន្ត្រី គឺជាកត្តាសារវន្តមិនអាចខ្វះបានសម្រាប់ការសម្រេចជោគជ័យលើសមិទ្ធផលជាតិជាបន្តបន្ទាប់ និងការអភិវឌ្ឍលើគ្រប់វិស័យ រួមទាំងសមិទ្ធផលថ្មីក្នុងវិស័យប្រេងកាត ដែលប្រជាពលរដ្ឋខ្មែរទូទាំងប្រទេសទន្ទឹងរង់ចាំជាច្រើនជំនាន់យូរលង់ណាស់មកហើយ។

លោកជំទាវក៏បានក្រើនរំលឹកដល់ប្រជាពលរដ្ឋកម្ពុជាគ្រប់រូបត្រូវគោរព និងអនុវត្តឲ្យបានខ្ជាប់ខ្ជួននូវគោលការណ៍ រក្សាគម្លាតសង្គម និងវិធានការនានាតាមការកំណត់របស់ក្រសួងសុខាភិបាល និង ត្រូវបន្តរក្សាការប្រុងប្រយ័ត្នខ្ពស់ក្នុងការបង្ការ និងការពារនូវការឆ្លងរីករាលដាលនៃជំងឺកូវីដ១៩ នៃការផ្ទុះសារជាថ្មីនៃជំងឺកូវីដទំរង់ថ្មី និងខណៈពេលដែលពិភពលោកកំពុងប្រឈមមុខនឹងការរាត្បាតយ៉ាងខ្លាំងដោយសារជម្ងឺមួយនេះ។

លោកជំទាវ កិត្តិសង្គហបណ្ឌិត ក៏បានបួងសួសូមឲ្យប្រទេសជាតិជៀសផុតពីគ្រោះរាំងស្ងួត ជម្ងឺដង្កាត់ផ្សេង និងបានបួងសួងថ្វាយព្រះពរជ័យថ្វាយព្រះមហាក្សត្រ ព្រះមហាក្សត្រី ជាសម្តេចម៉ែ សម្តេចយាយ សម្តេចយាយទួត មុនីនាថ សីហនុ និង ប្រគេនពរដល់ព្រះសង្ឃគ្រប់ព្រះអង្គ និង ជូនពរ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ថ្នាក់ដឹកនាំ សមាជិកសមាជិកា ព្រឹទ្ធសភា រដ្ឋសភា ព្រមទាំងប្រជាពលរដ្ឋ នៅទូទាំងប្រទេស សូមឲ្យជួបសេចក្តីសុខ សន្តិភាព និងសេចក្តីចម្រើនគ្រប់ៗគ្នាជារៀងរហូត។ សម្រាប់អ្នកចូលរួម ក្នុងថ្ងៃនេះ ក្នុងម្នាក់ៗទទួលបាន សារ៉ុង ១ និងថវិកា ៤ម៉ឺនរៀល ៕ វិមាន

The post លោកជំទាវម៉ែន សំអន ផ្តាំផ្ញើរដល់ប្រជាពលរដ្ឋត្រូវចេះថែរក្សាអនាម័យ និងត្រូវប្រុងប្រយ័ត្នខ្ពស់ចំពោះកូវីដ១៩ទម្រង់ថ្មី appeared first on Kampuchea Thmey Daily.

លោកជំទាវក៏បានមានប្រសាសន៍ថា ទោះបីជំងឺឆ្លងកូវីដ១៩ មានការរីរាលដាល នៅលើពិភពលោក យ៉ាងណាក៏ដោយ កាកបាទក្រហមកម្ពុជា នៅតែយកចិត្តទុក្ខដាក់ជាប់ជានិច្ច ជាពិសេស ការផ្តាំផ្ញើសាកសួរទុក្ខ ពីសំណាក់ សម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជានិច្ចជាកាលសម្តេច តែងតែគិតគូរជានិច្ច ពីសុខទុក្ខ សុខភាពនិងជីវភាពរស់នៅ របស់បងប្អូនប្រជាពលរដ្ឋ ដោយមិនប្រកាន់និន្នការនយោបាយ ជំនឿ សាសនា ពណ៌សម្បុរនោះឡើយ ។ ទីណាមានការលំបាក ទីនោះមានកាកបាទក្រហមកម្ពុជា ដោយមិនគិតភាពលំបាក ជិតឬឆ្ងាយ ព្យុះភ្លៀង កាកបាទក្រហមកម្ពុជា ទៅដល់ទីនោះភ្លាមដោយមិនរួញរាឡើយ។

លោកជំទាវក៏បានក្រើនរំលឹកដល់ប្រជាពលរដ្ឋកម្ពុជាគ្រប់រូបត្រូវគោរពនិងអនុវត្តឲ្យបានខ្ជាប់ខ្ជួននូវគោលការណ៍ រក្សាគម្លាតសង្គម និងវិធានការនានាតាមការកំណត់របស់ក្រសួងសុខាភិបាល និង ត្រូវបន្តរក្សាការប្រុងប្រយ័ត្នខ្ពស់ក្នុងការបង្ការ និងការពារនូវការឆ្លងរីករាលដាលនៃជំងឺកូវីដ១៩ នៃការផ្ទុះសារជាថ្មីនៃជំងឺកូវីដទំរង់ថ្មី និងខណៈពេលដែលពិភពលោកកំពុងប្រឈមមុខនឹងការរាត្បាតយ៉ាងខ្លាំងដោយសារជម្ងឺមួយនេះ។ លោកជំទាវបានបន្តទៀតថា ថ្មីបើជំងឺអេដស៍ពុំទាន់មានថ្នាំព្យាបាលនៅឡើយ គឺមានត្រឹមតែថ្នាំពន្យាយ៉ាងណាក៏ដោយ សូមអ្នករស់នៅជាមួយមេរោគអេដស៍កុំបាក់ទឹកចិត្ត ត្រូវចេះហាត់ប្រាណ ហូបឲ្យបានទៀងទាត់ ជាពិសេស បន្លែ និងប្រឹក្សាជាមួយគ្រូពេទ្យឲ្យបានទៀងទាត់ ដើម្បីថែរក្សាសុខភាពឲ្យបានល្អ និងមិនត្រូវរើសអើងលើពួកគាត់ឡើយ ។

អំណោយដែលត្រូវផ្តល់ ជូនពលរដ្ឋទាំង ២៩គ្រួសារ ក្នុងមួយគ្រួសារទទួលបាន អង្ករ៣០គីឡូក្រាម មី ១កេស ត្រីខ ១០កំប៉ុង ទឹកស៊ីអ៉ីវ ៦ដប ទឹកដោះគោខាប់ ៥កំប៉ុង សាប៊ូក្រអូប ៤ដុំ ឃីត ១កញ្ចប់ អាវយឺត ២ និងថវិកាធ្វើដំណើរចំនួន៨ម៉ឺនរៀលផងដែរ ៕ វិមាន

The post លោកជំទាវ ម៉ែន សំអន នាំយកអំណោយរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ចែកជូនអ្នករស់នៅជាមួយមេរោគអេដស៍ ស្រុកកំពង់រោទិ៍ appeared first on Kampuchea Thmey Daily.

កញ្ញា ទូច បុប្ផា អ្នកគ្រប់គ្រងតម្រា បានឱ្យដឹងថា លើកនេះ​ទំហំបោះពុម្ពសៀវភៅ«ពេលវេលា»គឺរក្សា​ដដែល​ចំនួន​៣០០០ក្បាល និងមាន​តម្លៃលក់ចេញ​២៥០០០រៀល។

ក្នុងសៀវភៅដែលជាស្នាដៃរបស់អ្នកនិពន្ធ ម៉ី សន​សុធារីនេះ អមជាមួយ​នូវមាតិកាជាច្រើនដូចជា ហេតុអ្វីពេលវេលាមាន​តម្លៃជាងមាសប្រាក់ របៀប​ប្រើពេលវេលាឱ្យដូចមហាសេដ្ឋី ការប្រើពេលវេលា​ក្នុងបច្ចុប្បន្នឱ្យល្អជាអតីតកាល ។ល។

កញ្ញាបានឱ្យដឹងទៀត​ថា មកទល់ពេលនេះ មាន​បណ្ណាគារជាច្រើន​បានមកទទួលយកទៅ​លក់រាយបន្តជាហូរហែរ ហើយ​កញ្ញាអះអាងថា ការបោះពុម្ពលើកទី​បីនៅតែ​ស្ថិតក្នុងការគ្រោងទុករបស់តម្រា ព្រោះថា​នេះជាសៀវភៅ​ដ៏មាន​អត្ថប្រយោជន៍សម្រាប់មនុស្ស​គ្រប់វ័យ​។

The post សៀវភៅ«ពេលវេលា»បោះពុម្ពជាលើកទីពីរ appeared first on Kampuchea Thmey Daily.

មន្ទីរពេទ្យ កាល់ម៉ែត ឲ្យ​ដឹង​ថា ក្អែ​ទឹក​ដោះ​ជា​បញ្ហា​ដែល​តែង​តែ​កើត​មាន​លើ​ទារក និង​កុមារ​តូចៗ ហើយ​ក៏​ជា​កង្វល់​របស់​ម៉ាក់ប៉ា​ភាគ​ច្រើន​ដែរ។ ជា​ទូទៅ យើង​ឃើញ​ថា​នៅ​សប្ដាហ៍២-៣ ក្រោយ​កើត កាន់​តែ​ខ្លាំង​ឡើង​នៅ​ពេល​កូនៗ​មាន​អាយុ ៤-៥ ខែ ហើយ​ភាគ​ច្រើន​បាត់​ទៅ​វិញ​រវាង ៩​-១២​ខែ។ កត្តា​ចម្បង​ដែល​បណ្ដាល​ឲ្យ​អា​អូន​ក្អែ​នោះ​គឺ៖

ទី១. ឲ្យ​កូន​បៅ​លើស​ចំនួន​ជ្រុល
ទី២. បំបៅ​កូន​មិន​ត្រឹម​ត្រូវ ឬ​ធ្វើ​ឲ្យ​កូន​លេប​ខ្យល់​ចូល​ពោះ​ច្រើន
ទី៣. កូន​យំ​ខ្លាំង ឬ​ពេល​កូន​ក្អក

មាន​វិធី​ណា​ជួយ​កូន​កុំ​ឲ្យ​ក្អែ​ទឹក​ដោះ​ចេញ​មក​វិញ​អត់?
បញ្ហា​កូន​ក្អែ​នេះ យើង​អាច​កាត់​បន្ថយ ឬ​ជួយ​កូន​ឲ្យ​ក្អែ​ចេញ​មក​បាន​ដូច​ជា៖

– បំបៅ​ដោះ​កូន (បៅ​ដោះ​ម្ដាយ​កាត់​បន្ថយ​ក្អែ ជាង​ក្មេង​ដែល​បៅ​ទឹក​ដោះគោ)
– លើក​កូន​បញ្ឈរ​ ១០-១៥​នាទី ក្រោយ​ពេល​បៅ​ហើយ
– បំបៅ​កូន​ញឹក​ញាប់ តែ​ក្នុង​បរិមាណ​តិចៗ
– ចៀស​វាង​ស្លៀក​ខោ​ទឹក​នោម ឬ​សម្លៀក​បំពាក់​រឹប​តឹង​ពេក​ឲ្យ​កូន
– ពន្យារ​ពេល​ម៉ោង​សម្រាប់​លេង​ឲ្យ​បាន​យូរ ក្រោយ​បៅ​រួច
– ប្ដូរ​ក្បាល​ដោះ បើ​កូន​បៅ​ទឹក​ដោះ​គោ
– ផ្លាស់​ប្ដូរ​របប​អាហារ​មួយ​ចំនួន​សម្រាប់​ម៉ាក់ៗ​បំ​បៅ​ដោះ​កូន (ចៀស​វាង​អាហារ​មាន​ជាតិ​ជូរ និង​ជាតិ​កាហ្វេអ៊ីន​ដូច​ជា ក្រូចឆ្មារ ក្រូច ប៉េងប៉ោះ កាហ្វេ តែ និង​អាហារ​មាន​ជាតិ​ខ្លាញ់​ច្រើន។)

តិចនិក​ក្នុង​ការ​ជួយ​កូន​កុំ​ឲ្យ​ក្អែ​ខាង​លើ​នេះ មិន​ត្រឹម​តែ​អាច​ជួយ​ដល់​បញ្ហា​ក្អែ​ទេ តែ​ក៏​អាច​ជួយ​ដល់​បញ្ហា​ទល់​ខ្យល់ និង​ចុក​ឆ្អល់​ពោះ​នៅ​លើ​កូន​ៗ​បាន​ផង​ដែរ។ បញ្ហា​ដែល​កូន​ក្អែ​ភាគ​ច្រើន​មិន​មាន​បង្ក​ឡើង​ពី​ជំងឺ​អ្វី​នោះ ហើយ​វា​ក៏​មិន​បង្ក​ផល​ពិបាក​ដល់​ការ​លូតលាស់​របស់​កូន​ដែរ៕
អត្ថបទផ្ដល់សិទ្ធិដោយ៖ Hellokrupet

The post មិនចង់ឲ្យកូនបៅហើយក្អែ គួរសម្គាល់កត្តាបង្កសំខាន់ ៣ និងតិចនិកកាត់បន្ថយអាការៈលើកូន​ appeared first on Kampuchea Thmey Daily.