កាកសំណល់ប្លាស្ទិករបស់ពិភពលោកមួយផ្នែកធំ បានហូរធ្លាក់ចូលទៅក្នុងមហាសមុទ្រតាមរយៈផ្លូវទឹកក្នុងទ្វីបអាស៊ី ដែលបង្កការគំរាមកំហែងយ៉ាងធ្ងន់ធ្ងរដល់ប្រព័ន្ធអេកូឡូស៊ីសមុទ្រ សុខភាពមនុស្ស និងជីវភាពរស់នៅរបស់មនុស្សសត្វជាច្រើន។ ទន្លេចំនួន ១៦ ក្នុងចំណោមទន្លេចំនួន ២០ នៅលើពិភពលោក ស្ថិតនៅក្នុងទ្វីបអាស៊ី ដែលមានបរិមាណប្លាស្ទិកច្រើនលើសពី ២ ភាគ ៣ នៃប្លាស្ទិកប្រចាំឆ្នាំជាសកល ដែលហូរចូលទៅក្នុងមហាសមុទ្ររបស់ពិភពលោក។   

ដើម្បីឆ្លើយតបទៅនឹងបញ្ហាបន្ទាន់នេះ មូលនិធិកូកា-កូឡា (TCCF) និងអង្គការកម្មវិធីអភិវឌ្ឍន៍សហប្រជាជាតិ (UNDP) កំពុងបង្កើនកិច្ចខិតខំប្រឹងប្រែងនៅក្នុងប្រទេសអាស៊ីចំនួនប្រាំបួន ដូចជា បង់ក្លាដែស ប៊ូតាន កម្ពុជា ឥណ្ឌា ម៉ាល់ឌីវ នេប៉ាល់ ហ្វីលីពីន ស្រីលង្កា និងវៀតណាម ដែលគាំទ្រដោយជំនួយឥតសំណងចំនួន ១៥ លានដុល្លារពីមូលនិធិកូកា-កូឡា (TCCF)  ដើម្បីគាំទ្រដល់គំនិតផ្តួចផ្តើមនៅទូទាំងតំបន់របស់អង្គការ UNDP ។

កម្មវិធីពហុប្រទេសរយៈពេលបីឆ្នាំដែលបានចាប់ផ្តើមនៅក្នុងប្រទេសឥណ្ឌានៅថ្ងៃនេះ នឹងជួយកែលម្អការគ្រប់គ្រងសំណល់ប្លាស្ទិក លើកកម្ពស់ការកែច្នៃឡើងវិញ កាត់បន្ថយការលេចធ្លាយប្លាស្ទិកទៅក្នុងបរិស្ថាន ជំរុញដំណោះស្រាយតាមប្រទេស និងសម្របសម្រួលកិច្ចសហការក្នុងតំបន់។ តាមរយៈការអនុម័ត និងផ្សព្វផ្សាយការអនុវត្តល្អបំផុតនៅទូទាំងតំបន់ កម្មវិធីនេះមានគោលបំណងបំផុសការផ្លាស់ប្តូរគោលនយោបាយ និងសកម្មភាពកម្រិតសហគមន៍ដើម្បីកាត់បន្ថយ និងជួយលុបបំបាត់ប្លាស្ទិកដែលអាចចោលបាន និងលើកកម្ពស់ជីវភាពរស់នៅរបស់កម្មករសំណង់។

ខណៈពេលដែលការពង្រីកគំនិតផ្តួចផ្តើមប្រកបដោយជោគជ័យ កម្មវិធីនេះនឹងផ្តោតលើការបង្កើតគំរូអាជីវកម្មប្រកបដោយភាពច្នៃប្រឌិតសម្រាប់ការប្រមូលសំរាម និងការកែច្នៃឡើងវិញ ដោយផ្តល់ដំបូន្មានបច្ចេកទេសស្តីពីការអនុវត្តល្អបំផុតផ្នែកបរិស្ថាន និងប្រើប្រាស់បច្ចេកវិទ្យាចុងក្រោយបង្អស់ដើម្បីកែលម្អការប្រមូល និងការកែច្នៃសំរាមឡើងវិញ ដើម្បីកាត់បន្ថយការប្រើប្រាស់ប្លាស្ទិក។

“កិច្ចសហការគឺជាគន្លឹះក្នុងការជួយកែលម្អប្រព័ន្ធគ្រប់គ្រងកាកសំណល់ និងពង្រឹងហេដ្ឋារចនាសម្ព័ន្ធកែច្នៃឡើងវិញ។ តាមរយៈកិច្ចសហការរបស់យើងជាមួយអង្គការ UNDP មូលនិធិមានគោលបំណងជំរុញដំណោះស្រាយដែលកាត់បន្ថយកាកសំណល់វេចខ្ចប់ ដើម្បីគាំទ្រវិធីសាស្ត្រប្រមូលបានប្រសើរជាងមុន និងបង្កើនសមត្ថភាពដំណើរការក្នុងការទុកដាក់សំរាម។ វិធីសាស្រ្តនេះមិនត្រឹមតែជួយដោះស្រាយកាកសំណល់ប្លាស្ទិកឱ្យកាន់តែមានប្រសិទ្ធភាពប៉ុណ្ណោះទេ ប៉ុន្តែថែមទាំងរួមចំណែកដល់ការកែលម្អរយៈពេលវែងនៅក្នុងសហគមន៍មូលដ្ឋាន និងបរិស្ថានកាន់តែទូលំទូលាយផងដែរ»។

លោក Christophe Bahuet នាយករងប្រចាំតំបន់របស់ UNDP ប្រចាំតំបន់អាស៊ី និងប៉ាស៊ីហ្វិក មានប្រសាសន៍ថា “ការដោះស្រាយកាកសំណល់ប្លាស្ទិកមិនមែនគ្រាន់តែជាការសម្អាតប៉ុណ្ណោះទេ ប៉ុន្តែវាក៏ជាការកសាងគំរូនៃការអភិវឌ្ឍន៍ដ៏ឆ្លាតវៃផងដែរ។ នៅទូទាំងអាស៊ី បណ្តាប្រទេសនានាកំពុងប្រយុទ្ធប្រឆាំងនឹងបញ្ហានេះ ដោយការទទួលយកសេដ្ឋកិច្ចជារង្វង់។ តាមរយៈគំនិតផ្តួចផ្តើមលុបបំបាត់កាកសំណល់ និងថង់ប្លាស្ទិច (Zero Waste and Plastics) របស់យើង យើងកំពុងជួយពួកគេចងក្រងគោលនយោបាយ ទាក់ទាញការវិនិយោគ និងកាត់បន្ថយការប្រើប្រាស់ផ្លាស្ទិកដែលប្រើតែបានម្តង”។ ហើយលោកក៏បានបន្ថែមទៀតថា “តតាមរយៈគំនិតផ្តួចផ្តើម យើងក៏កំពុងផ្តល់សិទ្ធិអំណាចដល់សហគមន៍ ដើម្បីពង្រីកដំណោះស្រាយ ដែលនឹងជួយកាត់បន្ថយការបំពុលប្លាស្ទិកប្រកបដោយប្រសិទ្ធភាព និងការពារភពផែនដីរបស់យើង”។

នៅក្នុងកិច្ចប្រជុំមួយកាលពីឆ្នាំមុននៅបេសកកម្មអចិន្ត្រៃយ៍របស់កម្ពុជាប្រចាំអង្គការសហប្រជាជាតិនៅទីក្រុងញូវយ៉ក អនុប្រធានជាន់ខ្ពស់នៃក្រុមហ៊ុនកូកា-កូឡា នៃគោលនយោបាយសកល និងនិរន្តរភាពលោក Michael Goltzman មានប្រសាសន៍ថា “យើងនៅតែប្រកាន់ខ្ជាប់នូវការគាំទ្ររបស់យើងចំពោះយុទ្ធសាស្ត្រមន្ទីរបញ្ចកោណរបស់កម្ពុជា ជាមួយនឹងការវិនិយោគជាបន្តបន្ទាប់លើការអភិវឌ្ឍប្រកបដោយចីរភាព គំនិតផ្តួចផ្តើមលើការប្រើប្រាស់ទឹក និងការវេចខ្ចប់កាកសំណល់ដែលជំរុញឱ្យមានផលជះជាវិជ្ជមានសម្រាប់ទាំងមនុស្ស និងបរិស្ថាន។

គំនិតផ្តួចផ្តើមដែលមានមូលដ្ឋាននៅប្រទេសកម្ពុជាគួរឱ្យកត់សម្គាល់មួយទៀតគឺការផ្តល់ទឹកស្អាត និងសុវត្ថិភាពរបស់មូលនិធិកូកា-កូឡាដល់សហគមន៍ជនបទតាមរយៈការបរិច្ចាគ AquaTower របស់ខ្លួន។

សម្រាប់ព័ត៌មានបន្ថែម និងការសាកសួរព័ត៌មាននានា សូមទំនាក់ទំនង៖

មូលនិធិកូកា-កូឡា៖ បេសកកម្មរបស់មូលនិធិកូកា-កូឡា គឺដើម្បីធ្វើឱ្យមានការផ្លាស់ប្តូរនៅក្នុងសហគមន៍ជុំវិញពិភពលោក ដែលមានប្រតិបត្តិការរបស់ក្រុមហ៊ុនកូកា-កូឡា និងកន្លែងដែលបុគ្គលិករបស់ខ្លួនរស់នៅ និងធ្វើការ។ មូលនិធិកូកា-កូឡា ជំរុញការគាំទ្រដល់គំនិតផ្តូចផ្តើមឱ្យមានការផ្លាស់ប្តូរ និងស្ថាប័នដែលដោះស្រាយបញ្ហាប្រឈមដ៏ស្មុគស្មាញជាសាកល ដើម្បីបន្សល់នូវផលជះវិជ្ជមានយូរអង្វែង។ មូលនិធិនេះ នឹងជំរុញការផ្តល់សេវាដែលផ្តោតលើការទទួលបានទឹកប្រើប្រាស់ប្រកបដោយសុវត្ថិភាពប្រកបដោយនិរន្តរភាព ភាពធន់នឹងអាកាសធាតុនិងការត្រៀមខ្លួន និងឆ្លើយតបហានិភ័យគ្រោះមហន្តរាយ សេដ្ឋកិច្ចរាងជារង្វង់ ការពង្រឹងសេដ្ឋកិច្ច និងមូលហេតុដែលប៉ះពាល់ដល់សហគមន៍របស់យើង។ ចាប់តាំងពីការបង្កើតឡើងក្នុងឆ្នាំ ១៩៨៤ មូលនិធិកូកា- កូឡា បានផ្តល់ជំនួយជាង ១,៦ ពាន់លានដុល្លារ ជាជំនួយឥតសំណងសម្រាប់អាណត្តិរបស់ខ្លួន ដើម្បីពង្រឹងសហគមន៍ជុំវិញពិភពលោក។

អំពីកម្មវិធី​អភិវឌ្ឍន៍​សហប្រជាជាតិ​ (UNDP)

ក្នុងនាមជាទីភ្នាក់ងារនាំមុខរបស់អង្គការសហប្រជាជាតិលើការអភិវឌ្ឍន៍អន្តរជាតិ (UNDP) ធ្វើការនៅក្នុងប្រទេស និងដែនដីចំនួន ១៧០ ដើម្បីលុបបំបាត់ភាពក្រីក្រ និងកាត់បន្ថយវិសមភាព។ យើងជួយប្រទេសនានាក្នុងការអភិវឌ្ឍគោលនយោបាយ ជំនាញភាពជាអ្នកដឹកនាំ សមត្ថភាពដៃគូ សមត្ថភាពស្ថាប័ន និងដើម្បីកសាងភាពធន់ ដើម្បីសម្រេចបាននូវលទ្ធផលស្របតាមគោលដៅអភិវឌ្ឍន៍ប្រកបដោយចីរភាព។ ការងារស្នូលរបស់ UNDP គឺផ្តោតលើដំណោះស្រាយអភិវឌ្ឍន៍ហត្ថលេខីចំនួនប្រាំមួយ៖ ភាពក្រីក្រ និងវិសមភាព អភិបាលកិច្ច ភាពធន់ បរិស្ថាន ថាមពល និងសមភាពយេនឌ័រ។ ស្វែងយល់បន្ថែម សូមចូលទៅកាន់ undp.org ឬតាមដានលើបណ្តាញសង្គម @UNDP

ទំនាក់ទំនងប្រព័ន្ធផ្សព្វផ្សាយ

media@qed.agency

លោក មី សុវណ្ណ +855 88 600 0321

កញ្ញា សុខ ស្រីលុច +855 972 111 707

The post មូលនិធិកូកា-កូឡា (TCCF) សហការជាមួយ កម្មវិធីអភិវឌ្ឍន៍សហប្រជាជាតិ (UNDP) នឹង​ធ្វើមាត្រដ្ឋាន​លើការ​គ្រប់​គ្រង​កាក​សំណល់​ប្លាស្ទិក​ទូទាំង​អាស៊ី   appeared first on Kampuchea Thmey Daily.

ស្ត្រីដែលមានសំណាងរូបនេះមានឈ្មោះ ឌិន សារ៉ោង អាយុ ៣៣ឆ្នាំ បច្ចុប្បន្នមានមុខរបរជាអ្នកចាក់ស្មុគលក់នៅក្នុងមូលដ្ឋាន និងមានគ្រួសារជាអ្នកលាងសម្អាងអាងហែលទឹកនៅសណ្ឋាគារមួយកន្លែងក្នុងក្រុងសៀមរាប។

នៅចំពោះមុខក្រុមការងារដែលយកទឹកប្រាក់រង្វាន់ប្រគល់ជូនដល់លំនៅដ្ឋាន អ្នកនាង ឌិន សារ៉ោង បានប្រាប់ឱ្យដឹងថា បច្ចុប្បន្ននេះ កម្រិតជីវភាពគ្រួសារគឺមានភាពខ្វះខាតខ្លាំង ព្រោះគ្មានមុខរបរអ្វីក្រៅពីចាក់ស្មុគស្លឹកត្នោតលក់នៅក្នុងមូលដ្ឋាន ដោយក្នុងមួយថ្ងៃបានចំណូលត្រឹម ៨ពាន់រៀល ហើយប្រាក់ខែដែលទទួលបានពីប្ដីត្រឹមជាង ២០០ដុល្លារតែប៉ុណ្ណោះ ខណៈដែលបន្ទុកនៅក្នុងគ្រួសារមានកូនតូចចំនួន២នាក់ និងមានម្ដាយរស់នៅជាមួយផងដែរ។

ដោយឡែក សម្រាប់ការត្រូវរង្វាន់ធំពីភេសជ្ជៈ ខារ៉ាបាវ ត្រូវបានអ្នកនាងប្រាប់ឱ្យដឹងថា គឺជារឿងដែលស្មានមិនដល់ ដោយកាលពីសប្ដាហ៍កន្លងទៅនេះ ក្រោយពេលរៀបចំស្មុគសម្រាប់លក់ឱ្យម៉ូយរួច នៅវេលាប្រមាណម៉ោង ៦ល្ងាច អ្នកនាងក៏ទិញភេសជ្ជៈប៉ូវកម្លាំងខារ៉ាបាវ ១កំប៉ុងពីអ្នកលក់ដែលនៅក្បែរផ្ទះទទួលទាន លុះពេលគាស់ក៏ឃើញមានរង្វាន់១២៥លានរៀលនៅនឹងក្រវិលកំប៉ុងតែម្ដង។ ក្រោយពេលបានឃើញរង្វាន់ធំភ្លាម អ្នកនាងបានស្រែកប្រាប់ម្ដាយ និងបងប្អូននៅជិតខាងឱ្យជួយពិនិត្យមើល ហើយក៏ទូរស័ព្ទជូនដំណឹងដល់ក្រុមហ៊ុនតែម្ដង។

ក្រោយពេលទទួលបានប្រាក់រង្វាន់ធំពីភេសជ្ជៈប៉ូវកម្លាំងខារ៉ាបាវ ១២៥លានរៀលនេះ អ្នកនាងនឹងយកមួយចំនួនសងបំណុលគេ និងជួសជុលផ្ទះឱ្យបានសមរម្យជាងសព្វថ្ងៃ ហើយទុកទិញជ្រូកចិញ្ចឹមសម្រាប់លក់ ដើម្បីបានចំណូលផ្គត់ផ្គង់ជីវភាពគ្រួសារទៅថ្ងៃអនាគត។

ជាចុងក្រោយ អ្នកនាង ឌិន សារ៉ោង ព្រមទាំងក្រុមគ្រួសារ បានថ្លែងអំណរគុណយ៉ាងជ្រាលជ្រៅដល់ក្រុមហ៊ុនខារ៉ាបាវ ដែលបានផ្តល់រង្វាន់ពិតប្រាដក និងសូមជូនពរឱ្យក្រុមហ៊ុនមានភាពរីកចម្រើនកាន់តែខ្លាំងតទៅមុខទៀត។

គួរបញ្ជាក់ដែរថា សម្រាប់ឆ្នាំថ្មី ២០២៥ នេះ ក្រុមហ៊ុនភេសជ្ជៈប៉ូវកម្លាំង ខារ៉ាបាវ បានបន្ថែមទឹកប្រាក់រង្វាន់យ៉ាងសន្ធឹកសន្ធាប់រួមមាន ទឹកប្រាក់ ១២៥លានរៀលចំនួន២០០រង្វាន់, ១០លានរៀលចំនួន ២០០រង្វាន់, ១លានរៀលចំនួន ២០០រង្វាន់, ម៉ូតូ HONDA Dream ចំនួន ២០០គ្រឿង, ទូរស័ព្ទ iPhone ចំនួន២០០គ្រឿង និងរង្វាន់ភេសជ្ជៈប៉ូវកម្លាំង ខារ៉ាបាវ រាប់លានកំប៉ុង។

ភេសជ្ជៈប៉ូវកម្លាំង ខារ៉ាបាវ រសជាតិឆ្ងាញ់ និងជួយកែប្រែជីវភាពរបស់លោកអ្នកពិតប្រាកដ ! ខារ៉ាបាវ អ្នកតស៊ូដ៏អស្ចារ្យ….

The post អ្នកខេត្តសៀមរាប ម្នាក់ទៀតហើយ ត្រូវរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ appeared first on Kampuchea Thmey Daily.

ការធ្វើដំណើរតាមរយៈជើងហោះហើររបស់ Emirates ទៅកាន់​ទីក្រុងឌូបៃ អ្នកដំណើរនឹងទទួលបានការផ្តល់ជូនយ៉ាងពិសេស ជាមួយការស្នាក់នៅក្នុងសណ្ឋាគារ ដោយឥតគិតថ្លៃនិងអ្វីៗជាច្រើនទៀត

ភ្នំពេញ ថ្ងៃទី ២២ ខែមករា ឆ្នាំ ២០២៤ – ថ្មីៗនេះ ក្រុមហ៊ុន Emirates បានប្រកាសពីការផ្តល់ជូនកាដូពិសេសថ្មីសម្រាប់អ្នកធ្វើដំណើរដែលមានគម្រោងទៅទស្សនាទីក្រុងឌូបៃ ដែល​នឹងអាច​ទាក់ទាញអ្នកដំណើរពីប្រទេសកម្ពុជាតាម​រយៈ​ការផ្តល់នូវការស្នាក់នៅដោយមិនគិតថ្លៃផងដែរ។

ចាប់ពីថ្ងៃទី២០ ខែមករា ដល់ថ្ងៃទី ៩ ខែកុម្ភៈខាង​មុខ​នេះ​ អ្នកដំណើរដែលបាន​ទិញសំបុត្រទាំង​ទៅ​ និង​ត្រឡប់មកវិញជាមួយក្រុមហ៊ុន​ Emirates ចំពោះ​ប្រភេទកៅអី​ First Class ឬ Business Class ទៅកាន់ទីក្រុង​ឌូបៃ​  នឹងទទួលបានការស្នាក់នៅដ៏រីករាយនឹងដោយឥតគិតថ្លៃនៅសណ្ឋាគារ JW Marriott Marquis។ អតិថិជនដែលធ្វើដំណើរជាមួយ​សំបុត្រ Premium Economy Class ឬ Economy Class នឹងទទួលបាន​ការស្នាក់នៅមួយយប់ដោយឥតគិតថ្លៃនៅសណ្ឋាគារ Crowne Plaza Dubai Deira។

ការផ្តល់ជូនដ៏អស្ចារ្យនេះ មានសុពលភាពសម្រាប់សំបុត្រធ្វើដំណើរពីរ​ជើងទាំង​ទៅ និង​ត្រឡប់មកវិញ ទៅកាន់ទីក្រុងឌូបៃ សម្រាប់កាលបរិច្ឆេទនៃការ​ធ្វើដំណើររវាងថ្ងៃទី ២២ ខែកុម្ភៈ ដល់ថ្ងៃទី ២៩ ខែមីនា។ ការផ្តល់ជូននេះ មាននៅលើវេបសាយ​ emirates.com ឬមជ្ឈមណ្ឌលទំនាក់ទំនង Emirates ការិយាល័យលក់រាយ ឬភ្នាក់ងារទេសចរណ៍នានា។

សម្រាកនៅឌូបៃ

សូម​ទទួល​យក​នូវភាពរីករាយ​ និង​​បទពិសោធន៍មិនអាច​បំភ្លេច​បាន​ក្នុង​ឆាក​ជីវិត​ ដែល​គ្រប់​អ្នក​ដំណើរ​ប្រាថ្នា​ចង់បាន​។ ​មិនថាអ្នកកំពុងទៅទស្សនាតំបន់បេតិកភណ្ឌដ៏សម្បូរ​បែបក្នុងទីក្រុង ដើរលេងលើឆ្នេរខ្សាច់ដែលមានពន្លឺថ្ងៃ ភាពអស្ចារ្យនៃ​ទីប្រជុំជនឌូបៃ ឬចាប់ផ្តើមដំណើរផ្សងព្រេងនៅវាលខ្សាច់ដ៏ស្រស់ស្អាត​ទីក្រុងឌូបៃផ្តល់ជូននូវគ្រប់បរិយាកាសតាមតម្រូវការរបស់អ្នកដំណើរ។

នេះជាសកម្មភាពសំខាន់ៗមួយចំនួនជាមួយ​បទពិសោធន៍នៅទីក្រុងឌូបៃ រួមមាន:

• ដំណើរកម្សាន្តលើវាលខ្សាច់៖ ត្រឹមតែ ៤០ នាទីពីទីប្រជុំជនឌូបៃ The Fort – Lisaili គឺជាជម្រើសលម្ហែ​កាយបែប​គ្រួសារ​ ដែល​មាន​ទេសភាព​គួរ​ឱ្យគយគន់​អបដោយបរិយាកាសដ៏ស្រស់ស្រាយនៃវាលខ្សាច់ Bedouin។ ភ្ញៀវ​រីករាយ​ចំពោះការទស្សនា​ទិដ្ឋភាពវាលខ្សាច់ដ៏អស្ចារ្យ​តាមរយៈការជិះអូដ្ឋ ចូលរួម​សកម្មភាព​វប្បធម៌ប្រពៃណី​ ដូចជា ការគូរគំនូរ​ក្បាច់​លើដៃ​ រីករាយជាមួយអាហារពេលល្ងាចប៊ូហ្វេ BBQ ដ៏ឈ្ងុយឆ្ងាញ់ក្រោមផ្ទៃ​មេឃខៀវស្រងាត់ និងសកម្មភាពកម្សាន្តជាច្រើនទៀត។
• ទី​កម្សាន្តសម្រាប់​អ្នក​ស្វែង​រក​ភាព​រំជើប​រំជួល​៖ ​សម្រាប់អ្នកចូលចិត្តដំណើរកំសាន្តបែបផ្សងព្រេង ពួកគេ​ប្រាកដ​ជា​មិនភ្លេចសមុទ្រ​ខ្សាច់​ និងពំនូក​ភ្នំ​ខ្សាច់​ពណ៌​មាសដ៏​ទាក់ទាញ​របស់​ឌូបៃ​។ ម៉្យាងវិញទៀត ភ្ញៀវ​ទេសចរ​ក៏អាច​កម្សាន្ត​នៅសួនធម្មជាតិសិប្បនិម្មិត​ Aventura Parks ​​ឧទ្យានខ្សែរ៉ត​ដ៏ធំបំផុតរបស់ទីក្រុងឌូបៃ និងកន្លែងជិះខ្សែពួរដ៏ពេញនិយមបំផុតនៅឧទ្យាន Mushrif Park ក្នុងសង្កាត់ Mirdif ស្ថិតនៅកណ្តាលព្រៃនៃដើមឈើ Ghaf ដែលអ្នកចូល​ចិត្ដ​ផ្សង​ព្រេង​អាច​លេង​ឆ្លង​កាត់​ឧបសគ្គ​ចំនួន​ជាង ៨០​​ ប្រភេទ ទៅ​តាម​អាយុ និងកម្រិតលំបាកផ្សេងៗគ្នា។

រីករាយជាមួយ​ពិធី​បុណ្យបួស​រ៉ាម៉ាដាន

រដូវ​បុណ្យបួស​រ៉ាម៉ាដាន ​បានបង្កើតបរិយាកាសដ៏ពិសេសនៃការប្រារឰពិធីដែលទាក់ទាញអ្នកទស្សនា​ក្នុង​ការ​កម្សាន្ដ​នៅ​​ទីក្រុងឌូបៃ។ សម្រាប់​អ្នក​ដែល​ចូលចិត្ដ​ការ​កម្សាន្ដ​បែប​​​វប្បធម៌ និង​ប្រពៃណី​ដ៏​សម្បូរ​បែប​​ ឌូបៃ នៅ​មាន​​សកម្មភាព​ដ៏​គួរ​ឱ្យ​​រំភើប​រីករាយជា​ច្រើន​ទៀត​ ដូចជា៖

• កម្ម​ពិធីអាហារ​ពេល​យប់ និង​ព្រឹក​មុន​ថ្ងៃរះ​​៖ សូម​ចូលរួម​ក្នុង​ពិធី​បុណ្យ​បួស​​រ៉ាម៉ាដាន ដោយ​ទទួល​យក​បទពិសោធន៍នៃការជួបជុំទទួលទាន​អាហារ​ពេល​ថ្ងៃ​លិច និង​មុន​ពេល​ថ្ងៃ​រះ​​បែបប្រពៃណីដ៏ល្អឯក។ បរិយាកាសទាំងនេះ ផ្តល់ឱ្យភ្ញៀវ​នូវឱកាសទទួលយកបទពិសោធន៍នៃពិធីបុណ្យវប្បធម៌ និងបុណ្យរ៉ាម៉ាដាន​ពិតប្រាកដដ៏ល្អឥតខ្ចោះ​។
• ការតុបតែង​ចង្កៀងគោម​៖ ពេញមួយខែនៃពិធីបុណ្យរ៉ាម៉ាដាន កន្លែងល្បីៗ ដូចជា Dubai Creek និង Downtown Dubai ត្រូវបានតុបតែងដោយចង្កៀងគោមស្រស់​ស្អាត​ ដែល​បង្កើតបាន​ជា​បរិយាកាសពិសេសសម្រាប់ភ្ញៀវទស្សនា និងប្រជាជនក្នុងស្រុកផងដែរ។ គយគន់ទេសភាពអគារ​ខ្ពស់ៗ​កប់​ពពក​នៃទីក្រុងក្រោម​ផ្ទៃមេឃជះ​ពន្លឺ​ប្រែពណ៌លឿងទុំ​ទៅជា​ស្បៃ​រាត្រី​បន្ដិចម្ដង​ៗ​ ធ្វើឱ្យពិសោធន៍នៃការចូលរួម​ពិធី​បុណ្យរ៉ាម៉ាដានរឹតតែមិនអាចបំភ្លេចបាន។
• ទីផ្សារក្នុងរដូវ​បុណ្យរ៉ាម៉ាដាន៖ ជាមួយ​សិប្បកម្ម​ និង​សកម្មភាពកម្សាន្ដ​តាម​ទំនៀមទម្លាប់ និងប្រពៃណីរបស់អារ៉ាប់រួម និងតំបន់ជុំវិញ បុណ្យ​រ៉ាម៉ាដាន​ទាក់ទាញអ្នកទេសចរ​ទាំងក្មេង​ និង​មនុស្ស​ធំ​ឱ្យ​ទៅកាន់​ប៉ម​ Jumeirah Emirates Towers។ ខណៈ​ Global Village ក៏ជាកន្លែងសម្រាប់ធ្វើពីធីបុណ្យរ៉ាម៉ាដាន​ផងដែរ ​ ផ្សារទើប​បង្កើត​ថ្មី Ramadan Wonders Souk មាន​លក់​កាដូ​ប្លែកៗ​មកពី​​ជុំវិញពិភពលោក។
• មជ្ឈមណ្ឌលស្វែង​យល់​ពី​វប្បធម៌របស់​លោក​នាយករដ្ឋមន្ដ្រី​​ Sheikh Mohammed bin Rashid Al Maktoum៖ បទពិសោធន៍ទទួលទាន​អាហាររបស់​ប្រជាជន​អេមីរ៉ាត អារ៉ាប់រួម​ ការទស្សនាវិហារអ៊ីស្លាម និងដំណើរទេសចរណ៍បេតិកភណ្ឌនៅចំកណ្តាល Old Dubai​។
• ការប្រារឰពិធីពេលយប់៖ ភ្ញៀវ​ទេសចរ​ត្រូវបានស្វាគមន៍ឱ្យ​ចូលរួម​កម្មវិធី​កណ្ដាល​អាធ្រាត្រ​ ដែល​​បង្កប់នូវស្មារតីនៃការរួបរួមគ្នានៃ Holy Month។ ចាប់ពីការដើរទិញអីវ៉ាន់កណ្ដាល​យប់និងសកម្មភាពសប្បាយៗសម្រាប់កុមារ កម្មពិធីបុណ្យរ៉ាម៉ាដាននៅពេលយប់ផ្តល់នូវការចងចាំដ៏រីករាយដែលមិនអាចបំភ្លេចបានសម្រាប់ក្រុមគ្រួសារទាំងអស់។

ទទួលបានកាន់តែច្រើនពីការធ្វើដំណើរ​ជាមួយ Emirates

Emirates បន្តផ្តល់ជូនអ្នកដំណើររបស់ខ្លួននូវឱកាសកាន់តែច្រើន ដើម្បីចំណាយពេលវេលារបស់ពួកគេឱ្យមាន​ប្រសិទ្ធភាព​បំផុតនៅក្នុងទីក្រុងឌូបៃ រួមទាំង៖

• My Emirates Pass – បង្ហាញសំបុត្រយន្តហោះ Emirates របស់អ្នក ដើម្បីរីករាយជាមួយការបញ្ចុះតម្លៃពិសេស​នៅទូទាំងទីក្រុងឌូបៃ និងអេមីរ៉ាត អារ៉ាប់រួម រហូតដល់ថ្ងៃទី ៣១ ខែមីនា ឆ្នាំ ២០២៥។ រក្សាសំបុត្រទុកសម្រាប់ដើរលេងកម្សាន្តបែប​គ្រួសារ​ទៅកាន់កន្លែងទាក់ទាញដទៃ​ទៀត​​ រួមទាំង​ ប៉ម​អគារ​ខ្ពស់​កប់ពពក The Top Burj Khalifa ទីក្រុង​កោះ​រាង​ដើម​ដូង​ The Palm Monorail, The View នៅ The Palm ឬ City Sightseeing។ គេង​សំដិល​ហាលថ្ងៃ​នៅសួនទឹក Aquaventure នៅ Atlantis The Palm ហើយរីករាយជាមួយសកម្មភាព​រំជើប​រំជួល​នៅសួនកម្សាន្តក្នុងអគារ​ IMG Worlds of Adventure ឬ Dubai Parks & Resorts។ ក្រៅពីការផ្តល់ជូនកាដូពិសេសជាង ៦០០ មុខ អ្នកដំណើរអាច​ចូល​ទៅ​កាន់ Vision Pavilion នៅ Expo City ក្នុងរដូវកាលនេះដោយ​ឥត​គិតថ្លៃ​។
• ដៃគូ Skywards – សមាជិកនៃកម្មវិធី SkyWard ដែលឈ្នះពានរង្វាន់ Emirates Skywards អាចសន្សំជាពិន្ទុ​ «Miles» សម្រាប់​ប្រើប្រាស់​ជាមួយដៃគូទូទាំងពិភពលោករបស់យើង​ ដូចជា សណ្ឋាគារ ក្រុមហ៊ុនអាកាសចរណ៍ ការជួលរថយន្ត ហាង​លក់រាយ និងធនាគារ។ សមាជិកអាចប្រើ​ពិន្ទុ​ «Miles» ទាំងនេះពី​សំបុត្ររង្វាន់ ការធ្វើបច្ចុប្បន្នភាព ឬសូម្បីតែសំបុត្រ​ចូលរួមក្នុងកម្មវិធីប្រគំតន្ត្រី និងព្រឹត្តិការណ៍កីឡានានា។ ស្វែងយល់បន្ថែមអំពី Emirates Skywards នៅទីនេះ៖ https://www.emirates.com/english/skywards/។ ពេលសម្រាក​នៅទីក្រុងឌូបៃ អ្នកអាចទទួលបានរង្វាន់ពិន្ទុ​ «Miles» (ម៉ាយល៍) ជាមួយដៃគូរបស់យើងនៅទូទាំងទីក្រុង ដូចជា Dubai Duty Free, Skywards Everyday, Dubai Mall, Arabian Adventures, Emirates Holidays និងច្រើនទៀត។

###

អំពី EMIRATES កម្ពុជា

ក្រុមហ៊ុនអាកាសចរណ៍ Emirates បានបន្តជើងហោះហើរប្រចាំថ្ងៃទៅកាន់ទីក្រុងភ្នំពេញពីទីក្រុងឌូបៃ ឆ្លងកាត់ប្រទេសសិង្ហបុរីក្នុងខែឧសភា ឆ្នាំ​២០២៤ ដោយភ្ជាប់អ្នកធ្វើដំណើរទៅកាន់គោលដៅជាង ១៤០ នៅទូទាំងបណ្តាញសកលរបស់ក្រុមហ៊ុនអាកាសចរណ៍របស់ខ្លួន។ ក្រុមហ៊ុនអាកាសចរណ៍នេះដំណើរការយន្តហោះ Boeing 777-300ER ដ៏ទំនើបរបស់ខ្លួនក្នុងការកំណត់រចនាសម្ព័ន្ធបីថ្នាក់លើជើងហោះហើរទៅកាន់ទីក្រុងភ្នំពេញ ដោយផ្តល់ជូនបន្ទប់ឯកជនចំនួន ៨ បែប First Class កៅអីរាបស្មើចំនួន ៤២ បែប Business Class និង ៣១០ កៅអីធំទូលាយបែប Economy Class​។

អ្នកធ្វើដំណើរទៅមកពីប្រទេសកម្ពុជា ទទួលបានអត្ថប្រយោជន៍ពីសេវាកម្មដែលឈ្នះពានរង្វាន់ និងផលិតផលឈានមុខគេក្នុងឧស្សាហកម្មរបស់ Emirates នៅលើអាកាស និងនៅលើដីគ្រប់ថ្នាក់សម្ព័ន្ធ ជាមួយនឹងម្ហូបអាហារដ៏ឈ្ងុយឆ្ងាញ់តាមតំបន់ និងភេសជ្ជៈឥតគិតថ្លៃ ព្រមទាំងប្រព័ន្ធកម្មវិធីកម្សាន្តលើយន្តហោះ របស់ក្រុមហ៊ុនអាកាសចរណ៍ ដែលផ្តល់ជាង ៦,៥០០ ប៉ុស្តិ៍​ ការកម្សាន្តតាមតម្រូវការជាង ៤០ ភាសា រួមទាំងភាពយន្ត កម្មវិធីទូរទស្សន៍ និងបណ្ណាល័យតន្ត្រីដ៏ធំទូលាយ ហ្គេម សៀវភៅសំឡេង និងផតខាស់។

ទំនាក់ទំនងប្រព័ន្ធផ្សព្វផ្សាយ៖

សម្រាប់ព័ត៌មានបន្ថែមអំពីសេចក្តីប្រកាសព័ត៌មាននេះ សូមទាក់ទង PR@emirates.com

សម្រាប់ព័ត៌មានបន្ថែមទូទៅ សូមចូលទៅកាន់៖ www.emirates.com ឬ https://www.emirates.com/media-centre/

The post ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates appeared first on Kampuchea Thmey Daily.

The post សេចក្ដីជូនដំណឹង ស្ដីពីការអញ្ជើញចូលរួមដេញថ្លៃគម្រោងទិញប្រេងឥន្ធនៈប្រចាំឆ្នាំ២០២៥ appeared first on Kampuchea Thmey Daily.

The post សេចក្ដីជូនដំណឹង ស្ដីពីការពិគ្រោះថ្លៃ ការផ្គត់ផ្គង់ប្រេងឥន្ធនៈនិងប្រេងរំអិល ជូនមន្ទីរពេទ្យព្រះអង្គឌួងឆ្នាំ២០២៥ appeared first on Kampuchea Thmey Daily.

កាលពីឆ្នាំ ២០២៤ ក្រុមហ៊ុន Vietjet បានបន្ថែមយន្តហោះថ្មីចំនួន ១០គ្រឿង ទៅក្នុងកងនាវាអាកាសចររបស់ខ្លួន ដែលនាំឱ្យយន្តហោះ Airbus សរុបមានចំនួន ១១៥ គ្រឿង។ ឥឡូវនេះក្រុមហ៊ុនអាកាសចរណ៍នេះ ប្រតិបត្តិការលើផ្លូវហោះហើរជាង ១៧០ ដោយតភ្ជាប់គោលដៅរស់រវើកនៅក្នុងប្រទេសវៀតណាម និងទូទាំងពិភពលោក រួមទាំងប្រទេសកម្ពុជា អូស្ត្រាលី ឥណ្ឌា ចិន ជប៉ុន កូរ៉េខាងត្បូង និងលើសពីនេះ។ ការពង្រីកបណ្តាញជើងហោះហើររបស់ក្រុមហ៊ុន Vietjet បំពេញតម្រូវការការធ្វើដំណើរដែលកំពុងកើនឡើងទាំងអ្នកដំណើរក្នុងស្រុក និងភ្ញៀវទេសចរ។

យន្តហោះដ៏ទំនើប A321neo ACF ដែលទើបទទួលបានថ្មីៗ នឹងបន្ថែមជាសមាជិកក្នុងគ្រួសារយន្តហោះដ៏ជោគជ័យ គឺយន្តហោះ A320 ដែលមានការរចនាឡើងយ៉ាងទំនើប ហើយថែមទាំងមានកាប៊ីនដែលអាចបត់បែនបានសម្រាប់ដឹកអ្នកដំណើររហូតដល់ ២៤០ នាក់។ ការប្រើប្រាស់យន្តហោះ A321neo ទាំងនេះ ក៏ជួយកាត់បន្ថយការបំភាយឧស្ម័នពុលទៅកាន់រិយាកាស និងសំឡេងរំខានផងដែរ បើប្រៀបធៀបទៅនឹងម៉ូដែលយន្តហោះមុនៗ។ ការធ្វើឱ្យប្រសើរឡើងនេះ មិនត្រឹមតែជួយពង្រឹងសមត្ថភាពសេវាកម្មដឹកអ្នកដំណើររបស់ Vietjet ប៉ុណ្ណោះទេ ថែមទាំងគូសបញ្ជាក់ពីការប្តេជ្ញាចិត្តរបស់ក្រុមហ៊ុនអាកាសចរណ៍ក្នុងការអភិវឌ្ឍន៍ប្រកបដោយនិរន្តរភាព និងគោលដៅរបស់ខ្លួនក្នុងការសម្រេចបាននូវអព្យាក្រិតកាបបូនត្រឹមឆ្នាំ ២០៥០។

កងនាវាទំនើបរបស់ Vietjet បានត្រៀមខ្លួនរួចរាល់ហើយ ដើម្បីផ្តល់នូវបទពិសោធន៍ធ្វើដំណើរប្រកបដោយសុវត្ថិភាព តម្លៃសមរម្យ និងរីករាយ។ ការដាក់ឱ្យដំណើរការយន្តហោះបន្ថែមចុងក្រោយបំផុតនេះ នឹងត្រូវបានចាប់ផ្តើមផ្តល់សេវាភ្លាមៗនៅដើមឆ្នាំ ២០២៥ ដោយបង្កើនសមត្ថភាពរបស់ក្រុមហ៊ុនអាកាសចរណ៍សម្រាប់ការដឹកជញ្ជូននៅនិទាឃរដូវ ខណៈពេលដែលធានាថាអ្នកដំណើរមានជម្រើសជាច្រើនក្នុងការធ្វើដំណើរកាន់តែងាយស្រួល និងរីករាយជាមួយការធ្វើដំណើរបានកាន់តែឆ្ងាយក្នុងអំឡុងពេលថ្ងៃឈប់សម្រាកខាងមុខនេះ។

ជាមួយនឹងជើងហោះហើរប្រចាំថ្ងៃរវាងខេត្តសៀមរាប និងហាណូយ អ្នកដំណើរពីប្រទេសកម្ពុជា នឹងមានភាពយ៉ាងងាយស្រួលក្នុងការទស្សនាតំបន់វប្បធម៌រស់រវើកនានានៃរដ្ឋធានីរបស់ប្រទេសវៀតណាម មុនពេលចាប់ផ្តើមធ្វើដំណើរបន្តទៅកាន់តំបន់ទេសចរណ៍ពេញនិយមជាច្រើនទៀត។ តាមរយៈការផ្តល់ជូនតម្លៃសំបុត្រធូរថ្លៃសមរម្យ និងទិសដៅធ្វើដំណើរជាច្រើន Vietjet ធានាថាអ្នកដំណើរមានឱកាសច្រើនក្នុងធ្វើដំណើរទៅកាន់កន្លែងថ្មីៗ ដែលធ្វើឱ្យបទពិសោធន៍នៃធ្វើដំណើររបស់ពួកគេកាន់តែងាយស្រួល និងរីករាយ។

អំពី ក្រុមហ៊ុន Vietjet

ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុងប្រទេសវៀតណាមប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ត្រួសត្រាយផ្លូវទូទាំងតំបន់ និងជុំវិញពិភពលោកផងដែរ។ ដោយផ្តោតលើការគ្រប់គ្រងតម្លៃ ប្រតិបត្តិការប្រកបដោយប្រសិទ្ធភាពនិងការអនុវត្ត ការប្រើប្រាស់បច្ចេកវិទ្យាចុងក្រោយបំផុតចំពោះសកម្មភាពទាំងអស់ និងឈានមុខគេ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃ និងតម្លៃសមរម្យ ព្រមទាំងសេវាកម្មចម្រុះដើម្បីបំពេញតម្រូវការរបស់អតិថិជន។

ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុនអាកាសចរណ៍ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ខ្ពស់បំផុតសម្រាប់សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផលតែមួយគត់របស់ពិភពលោក airlineratings.com និងបានចុះបញ្ជីជាក្រុមហ៊ុនអាកាសចរណ៍មួយក្នុងចំណោមក្រុមហ៊ុនអាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបានគេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយស្ថាប័នល្បីៗដូចជា Skytrax, CAPA, Airline Ratings និងជាច្រើនទៀត។

ព័ត៌មានបន្ថែមនៅ www.vietjetair.com

ទំនាក់ទំនងប្រព័ន្ធផ្សព្វផ្សាយ៖

QED Agency

លោក មី សុវណ្ណ (Sovann)

អ៊ីមែល៖ media@qed.agency

លេខទំនាក់ទំនង៖ +855 88 6000 321

Vietjet Air

កញ្ញា កែវ ដួង (Amy)

អ៊ីមែល៖ kieuduong@vietjetair.com

លេខទំនាក់ទំនង៖ +84 932 775 066

The post ក្រុមហ៊ុន Vietjet បញ្ចប់ការពង្រីកកងនាវាអាកាសចរឆ្នាំ ២០២៤ ជាមួយនឹងយន្តហោះថ្មីចំនួន ១០ គ្រឿង ដើម្បីត្រៀមដឹកអ្នកដំណើរដែលនឹងមានការកើនឡើងនៅឆ្នាំ ២០២៥ appeared first on Kampuchea Thmey Daily.

កសិករ វ័យ៦៦ឆ្នាំ ជាកសិករ រស់នៅក្នុងស្រុកថ្មគោល បានពន្យល់ថា កសិករជំនាន់ចាស់ មិនដែលបោះបង់នូវទម្លាប់ក្នុងការដាំដុះស្រូវធ្ងន់នោះទេ។ កសិកររូបនេះបន្តពន្យល់ថា ស្រូវប្រចាំរដូវឬស្រូវធ្ងន់ គឺជាប្រភេទស្រូវធ្វើបានតែមួ ដងប៉ុណ្ណោះក្នុងមួយឆ្នាំ ខុសពីស្រូវស្រាល គឺប្រភេទស្រូវស្រង៉ែ គឺធ្វើបាន២ដងក្នុងមួយឆ្នាំ មិនប្រកាន់ ថ្ងៃ ខែ ឆ្នាំ នោះទេ សំ ខាន់ឲ្យតែកសិករនោះមានកម្លាំងនិងធនធាន ។

អ្នកស្រី វុធ បានបន្តថា លើទំហំដីស្រែរបស់អ្នកស្រីត្រឹមតែ២ហិកតា អ្នកស្រីបានបង្កបង្កើនផលតែប្រភេទស្រូវធ្ងន់ប៉ុណ្ណោះតាំងពីដើមរហូតមក ហើយប្រភេទស្រូវធ្ងន់ដែលអ្នកស្រីទម្លាប់ដាំនោះគឺស្រូវនាងខុន ខណៈក្រុមគ្រួសារអ្នកស្រីក៏ចូលចិត្តបរិភោគអង្ករប្រភេទនេះដែរ គឺមានរស់ជាតិឆ្ងាញ់ ហើយចាស់ពីដើមស្ទើរគ្រប់គ្នាក៏និយមបរិភោគដែរ។ អ្នកស្រីថា ដើមឆ្នាំនេះអ្នកស្រី ក៏កំពុងប្រមូលផលដែរ ហើយទុកខ្លះសមល្មមគ្រប់បរិភោគមួយឆ្នាំ ក្រៅពីនេះលក់ដើម្បីយកថវិកាផ្គត់ផ្គង់គ្រួសារខ្លះ ចំណែកតម្លៃទីផ្សារឆ្នាំនេះ អ្នកស្រីលក់បានចន្លោះពី៧៥ទៅ៨០ម៉ឺនរៀលក្នុង១តោន តាមសភាពស្រូវនៅសើមនិងស្រូវស្ងួត ខណៈទិន្នផលស្រូវរបស់អ្នកស្រីទទួលបាន៦តោនក្នុង១ហិកតា។ ហើយចំពោះតម្លៃខាងលើនេះ អ្នកស្រីក៏ដូចជាកសិករផ្សេងទៀតថា អាចទប់ទល់លើការចំណាយនិងបានចំណេញខ្លះ អ្នកស្រីសង្ឃឹមថា ឆ្នាំខាងមុខទីផ្សារនឹងបានប្រសើជាងនេះបន្តទៀត។

ចំណែកកសិករនៅស្រុកឯកភ្នំវិញ ក៏កំពុងប្រមូលទិន្នផលស្រូវស្រាល(ស្រូវស្រង៉ែ)ផងដែរ យ៉ាងហោចកសិករទទួលទិន្នផល បានចន្លោះពី៤ទៅ៦តោនក្នុងមួយហិកតា ហើយកសិករខ្លះក៏ឈានដល់៧តោនក្នុងមួយហិកតាដែរ តាមរយៈការថែបំប៉ន។ ក្នុងចំណោមកសិករក្នុងស្រុកឯកភ្នំ លោក ធូ មានវ័យ៤៩ឆ្នាំ លោកបានលើកឡើងថា ឆ្នាំនេះទិនផលស្រូវស្រង៉ែលោកលក់បានជាង៩០ម៉ឺនរៀលក្នុងមួយតោន តម្លៃនេះបើទូទាត់ទៅ បានចំណេញខ្លះដែរ សម្រាប់ទ្រទ្រង់ជីវិតភាពគ្រួសារ និងបានដើមទុនដាំដុះបន្តទៀតផងដែរ ដោយលោកបានពន្យល់ថា លោកបានចំណាយលើទំហំដីមួយហិតា បើសរុបអស់ប្រមាណជាមួយលានហាសិបម៉ឺនរៀល ក្នុងនោះថ្លៃជី ថ្លៃច្រូត និង ភ្ជួររាស់ ខណៈទិន្នផលទិន្នផលស្រូវលោកទទួលបានជិត៦តោនក្នុងមួយហិកតា។

បើយោងតាមរបាយការណ៍ មន្ទីរកសិកម្មខេត្ត បានបង្ហាញថា ល្បឿនបង្កបង្កើនផលស្រូវរដូវប្រាំង ឆ្នាំ២០២៤ ដល់ឆ្នាំ២០២៥ គិតត្រឹមថ្ងៃទី០៤ខែមករា ដើមឆ្នាំ២០២៥នេះ សម្រាប់ស្រុកឯកភ្នំ សរុប ៥,៦៦៩ហិតា ស្មើ២៨៣.៤៥% នៃផែនការដាំដុះស្រូវ ប្រាំងលើផ្ទៃដី២០០០ហិតា។ ចំណែកស្រុកថ្មគោល សរុប ២៤,៤៩៣ហិតា ស្មើ៣៤៩.៩០% នៃផែនការដាំដុះស្រូវប្រាំងលើផ្ទៃ ដី៧០០០ហិតា ៕

អត្ថបទ៖ សៅ សារិទ្ធ

The post កសិករចាប់ផ្តើមប្រមូលផលស្រូវប្រចាំរដូវ ខណៈស្រូវស្រាលមានតម្លៃប្រកៀកប្រកិតគ្នា appeared first on Kampuchea Thmey Daily.

កូនប្រុសតារាកំប្លែងនាយ ព្រីង ទុំ បានប្រាប់ឲ្យដឹងពីស្ថានភាពជំងឺរបស់ឪពុកថាក្រោយទទួលបានការព្យាបាលពេលនេះឪពុករបស់លោកបានវះកាត់ជើងមួយចំហៀងរួចរាល់ហើយ ខណៈដែលស្ថានភាពជំងឺក៏បានធូរស្រាលបន្តិចហើយ។លោកបន្តថា ឪពុកខ្លួនមានជំងឺ​មួយ​ចំនួន​ដូច​ជា​ ទឹកនោមផ្អែម លើសឈាម ឡើង​អាស៊ី​ដ បេះដូងទើបតែ​ធ្វើទុក្ខ​ខ្លាំង​រហូត​ដំបៅ​ជើង​រលួយដែល​ក្រុម​គ្រូពេទ្យ​តម្រូវ​ឲ្យកាត់​ជើងមួយ​ចំហៀង​ក្រោម​ជង្គង់​បន្តិច។

លោកបានរៀបរាប់ឲ្យដឹងទៀតថាប៉ាបានធូរស្បើយបន្តិចហើយ សង្ឃឹមថាប៉ានឹងឆាប់បានត្រឡប់ទៅផ្ទះវិញ(ជំងឺទឹកនោមផ្អែមដំបៅជើងត្រូវវះកាត់ជើង)សង្ឃឹមថាអ្វីគឺនឹងល្អប្រសើរខ្លួនទីពឹងខ្លួនគឺកូននិងប្រឹងឲ្យអស់ពីលទ្ធភាពមើលថែប៉ាគេផ្សេងយើងផ្សេងគ្មានអ្នកមើលឃើញទេ ណាមួយមកពីនិស្ស័យផលបុណ្យរបស់ប៉ាគ្មានដូចគេ គេឈឺគេមានជួយជ្រោមជ្រែងប៉ាឈឺគឺពឹងលើខ្លួនឯង។

កូនប្រុសនាយ ព្រីង ទុំ បានបញ្ជាក់ឲ្យដឹងទៀតថា ជីវិតពេលយើងនៅមានប្រយោជន៍ គឺមានតម្លៃពេលអស់សមត្ថភាពគឺតម្លៃស្មើសូន្យសូម្បីតែសួរសុខទុក្ខក៏គ្មានដែរ តែមិនអីទេប៉ា ប៉ានឹងឆាប់វិលទៅផ្ទះយើងវិញ។

សូមជម្រាបថាស្ថិតក្នុង​វ័យ​៦៣​ឆ្នាំ នាយ ព្រីង​ ទុំ ត្រូវ​បានមហាជនស្គាល់​ថាលោក​ជាតា​រាកំប្លែងមួយរូបដែលតែងតែធ្លាប់បង្ហាញ​វត្តមាន​សម្តែង​ជា​ញឹកញាប់​ជាមួយក្រុម​កំប្លែង​នាយ កុយ និង​នាយ​ ក្រឹម។ លោកក៏ធ្លាប់​បាន​ចូល​សម្តែង​នៅ​ក្នុង​កម្មវិធី​សំណើច​ចុង​ស​ប្តា​ហ៍​របស់​ស្ថានីយទូរទស្សន៍​បាយ័ន​ផង​ដែរ៕

អត្ថបទ៖ ចាន់រ៉ា

The post នាយ ព្រីង ទុំ បានធូរស្បើយខ្លះ ក្រោយកាត់ជើងដោយសារជំងឺទឹកនោមផ្អែម appeared first on Kampuchea Thmey Daily.