ទោះយ៉ាងណា ក្នុងរយៈពេលមួយទសវត្សរ៍កន្លងមកនេះ អត្រាកំណើន ៥.០៥ ភាគរយនេះគឺលើសតែក្នុងឆ្នាំ ២០២០ និង ២០២១ ប៉ុណ្ណោះ បន្ទាប់ពីរងផលប៉ះពាល់យ៉ាងខ្លាំងដោយជំងឺរាតត្បាតកូវីដ ១៩ ។

បច្ចុប្បន្ន GDP របស់វៀតណាមមានចំនួន ៤៣០ ពាន់លានដុល្លារ ខណៈ GDP សម្រាប់មនុស្សម្នាក់គឺមាន ៤,២៨៤ ដុល្លារ កើនឡើង ៣.៨៨ ភាគរយ បើប្រៀបធៀបនឹងឆ្នាំមុន ។ ចំណែកផលិតភាពការងារជាមធ្យមគឺ ៨,៣៨០ ដុល្លារ កើនឡើង ៣.៣៨ ភាគរយ ។

ទន្ទឹមនឹងនេះ សន្ទស្សន៍តម្លៃទំនិញប្រើប្រាស់ដែលវាស់វែងអតិផរណាបានកើនឡើង ៣.២៥ ភាគរយ ទាបជាងគោលដៅរបស់រដ្ឋដែលរក្សាឲ្យនៅក្រោម ៤ ភាគរយ ។

ចំពោះវិស័យសេវាកម្ម បានកើនឡើង ៦.៨២ ភាគរយ ដោយសារតែការកើនឡើងនៃការលក់រាយ ការដឹកជញ្ជូន ហិរញ្ញវត្ថុ ធនាគារ និងធានារ៉ាប់រង ។

សម្រា​ប់ឧស្សាហកម្ម និងសំណង់ បានប្រឈមមុខនឹងបញ្ហា ចំពេលដែលតម្រូវការធ្លាក់ចុះ ពោលកើនឡើងត្រឹមតែ ៣.០២ ភាគរយប៉ុណ្ណោះ ខណៈការផលិតបានឈានដល់អត្រាកំណើនទាបរយៈពេល ១៣ ឆ្នាំគឺ ៣.៦២ ភាគរយ ។

ដោយឡែក ពាណិជ្ជកម្មបានធ្លាក់ចុះ ៦.៦ ភាគរយ មកនៅត្រឹម ៦៩៣ ពាន់លានដុល្លារ ដោយសារបញ្ហាប្រឈមសេដ្ឋកិច្ចពិភពលោក ហើយអតិរេកពាណិជ្ជកម្មបានឈានដល់ ២៨ ពាន់លានដុល្លារ ៕

ប្រែសម្រួល៖ នាង រតនៈ

ប្រភព៖​ VN Express

The post GDP វៀតណាមក្នុងឆ្នាំ​នេះសម្រេចបានក្រោមគោលដៅកំណត់ appeared first on Kampuchea Thmey Daily.

រថយន្តប្រភេទ Sedan ដែលមានឈ្មោះហៅថា SU7 គឺជាម៉ូដែលដែលរំពឹងនឹងមានទីផ្សារប្រកួតប្រជែងខ្លាំងជាងប្រភេទផ្សេងៗទៀត ជាពិសេសគឺទីផ្សារប្រកួតប្រជែងជាមួយរថយន្ត Tesla និងរថយន្តអគ្គិសនីរបស់ក្រុមហ៊ុន Porsche ។

ការបញ្ចេញរថយន្តពីសំណាក់ក្រុមហ៊ុន Xiaomi ជាលើកដំបូងនេះ គឺចំពេលទីផ្សាររថយន្តពិភពលោកកំពុងជួបប្រទះការធ្លាក់ចុះ​តម្រូវការ និងការប្រកួតប្រជែងតម្លៃជាមួយក្រុមហ៊ុនផលិតឡានអគ្គិសនីផ្សេងៗទៀត ។

ពាក់ព័ន្ធនឹងបញ្ហានេះដែរ នាយកប្រតិបតិ្ត​ក្រុមហ៊ុន Xiaomi លោក Lei Jun បង្ហាញមហិច្ចតាធំ ដោយចង់ក្លាយជាក្រុមហ៊ុនផលិតរថយន្តកំពូលទាំង ៥ របស់ពិភពលោកនៅក្នុងរយៈពេល ១៥ ទៅ ២០ ឆ្នាំខាងមុខ ខណៈក្រុមហ៊ុនសន្យា​ នឹងវិនិយោគទឹកប្រាក់ ១០ ពាន់លានដុល្លារនៅក្នុងពិភពរថយន្ត​អគ្គិសនីមួយនេះក្នុងរយៈពេល ១ សតវត្សរ៍​ ។

គួរបញ្ជាក់ថា រថយន្តម៉ាក Xiaomi នឹងរួមសហការផលិតជាមួយក្រុមហ៊ុន Beijing Automotive Group Co (BAIC Group) នៅក្នុងទីក្រុងប៉េកាំង ខណៈរោងចក្ររបស់ក្រុមហ៊ុនទាំងពីរមានសមត្ថភាពផលិតរថយន្តប្រចាំឆ្នាំបានរហូតដល់ ២០ ម៉ឺនគ្រឿង ៕

ប្រែសម្រួល៖ នាង រតនៈ

ប្រភព៖ CNA

The post ក្រុមហ៊ុន​ Xiaomi បញ្ចេញរថយន្តអគ្គិសនីដំបូងរបស់ខ្លួន​ ជាមួយមហិច្ចតាខ្ពស់ appeared first on Kampuchea Thmey Daily.

ដោយឡែកតាមរយៈកាសែតអនឡាញ VietnamNet វិញបានចុះផ្សាយ ទស្សនវិស័យសេដ្ឋកិច្ចវៀតណាម នឹងមានភាពភ្លឺស្វាង​ ប៉ុន្តែកំណើនទាំងមូលនៅមិនទាន់អាចងើបឡើងដល់កម្រិត​មុនកូវីដដែលមាន​ចំនួន ៧ ភាគរយ វិញបានឡើយ ។

ទន្ទឹមនឹងនេះ ធនាគារអភិវឌ្ឍន៍អាស៊ី (ADB) ​បានព្យាករណ៍កំណើនសេដ្ឋកិច្ចវៀតណាមនៅក្នុងឆ្នាំនេះ មានដល់ ៥.២ ភាគរយ និងកំណើន ៦ភាគរយនៅឆ្នាំក្រោយ ខណៈរដ្ឋាភិបាលវៀតណាម បានកំណត់គោលដៅកំណើនរបស់ខ្លួនចន្លោះពី ៦ ទៅ ៦.៥ ភាគរយ នៅឆ្នាំក្រោយ ។

គួរបញ្ជាក់ថា ទោះបីជាមានកំណើនទាបជាងនិន្នាការក៏ដោយ ប៉ុន្តែរបាយការណ៍បង្ហាញថា អភូតហេតុ​នៃកំណើនសេដ្ឋកិច្ចវៀតណាម នៅតែអាចកើតមានឡើងគ្រប់ពេល ៕

ប្រែសម្រួល៖ នាង រតនៈ

ប្រភព៖ Xinhua

The post សេដ្ឋកិច្ច វៀតណាម នឹងមានកំណើន ៤.៧ ភាគរយក្នុងឆ្នាំនេះ និង ៥ ភាគរយនៅឆ្នាំក្រោយ appeared first on Kampuchea Thmey Daily.

នៅ​សេចក្តីថ្លែងការណ៍របស់ក្រុមហ៊ុន Apple បញ្ជាក់ថា ផលិតផលនាឡិការបស់ខ្លួនទាំងអស់ រួមជាមួយ​នាឡិកាដៃ Series 9 និង Ultra 2 នឹងមានវត្តមាននៅក្នុងហាងលក់នៅអាមេរិក ​ក៏ដូចជានៅលើគេហទំព័រផ្សេងៗឡើងវិញ ចាប់ពីថ្ងៃព្រហស្បតិ៍នេះតទៅ ។

​គួរឲ្យដឹងថា តុលាការឧទ្ធរណ៍របស់សហរដ្ឋអាមេរិកកាលពីថ្ងៃពុធបានហាមឃាត់ជាបណ្ដោះអាសន្នលើការនាំចូលម៉ូដែលនាឡិកា Apple Watch ដ៏ពេញនិយម បន្ទាប់ពីមានជម្លោះប៉ាតង់ជាមួយក្រុមហ៊ុនបច្ចេកវិទ្យា Masimo Corp. លើបច្ចេកវិទ្យា​វាស់កម្រិត​អុកស៊ីសែននៅក្នុងឈាម ។

ប៉ុន្តែ​ទោះជាយ៉ាងណា ក្រុមហ៊ុន Apple ក៏បានដាក់សំណើបន្ទាន់មួយទៅកាន់តុលាការឧទ្ធរណ៍របស់សហរដ្ឋអាមេរិក ដើម្បីឲ្យគយធ្វើការត្រួតពិនិត្យឡើងវិញលើការរចនានាឡិកាដៃទាំងនោះ ខណៈក្រោយសេចក្ដីសម្រេចនោះ Apple បានឈ្នះដំណាក់កាលដំបូង ទើបអាចបន្តលក់ផលិតផលបានឡើងវិញជាធម្មតា ៕

ប្រែសម្រួល៖ នាង រតនៈ

ប្រភព៖ CNN

ចុចអាន៖ អាមេរិក ហាមមិនឲ្យក្រុមហ៊ុន Apple លក់នាឡិកាដៃម៉ាកចុងក្រោយរបស់ខ្លួន

The post ក្រុមហ៊ុន Apple អាចបន្តលក់នាឡិកាម៉ាកចុងក្រោយរបស់ខ្លួនបានជាធម្មតា​ឡើងវិញ appeared first on Kampuchea Thmey Daily.

លោក Alexander Novak បាននិយាយថា ការទិញប្រេងពីសំណាក់ប្រទេសចិនបានកើនឡើងច្រើននៅឆ្នាំនេះ ពោលស្មើប្រហែល ៤៥ ទៅ ៥០ ភាគរយនៃការទិញ និងការនាំចេញ ហើយក៏ជាប្រភពចំណូលដ៏សំខាន់របស់រុស្ស៊ីផងដែរ ។

ស្របពេលជាមួយគ្នានេះ ការនាំចេញប្រេងទៅកាន់ឥណ្ឌានារយៈពេល ២ ឆ្នាំចុងក្រោយនេះ ក៏មានការកើនឡើងខ្លាំងផងដែរ ពោលដល់ ៤០ ភាគរយឯណោះ ។  

ដោយឡែក ចំពោះតំបន់អឺរ៉ុប​វិញពីមុនធ្លាប់មានចំណែកពី ៤០ ទៅ ៤៥ ភាគរយនៃការនាំចេញ ប៉ុន្តែបច្ចុប្បន្ននេះលោកឧបនាយករដ្ឋមន្ត្រីរំពឹងថា តួលេខនេះនឹងមិនលើសពី ៤ ទៅ ៥ ភាគរយឡើយ ។

បើតាមរយៈក្រសួងរតនាគារសហរដ្ឋអាមេរិកបង្ហាញថា ប្រាក់ចំណូលពន្ធរបស់រុស្ស៊ីពីការនាំចេញចន្លោះខែមករាដល់ខែវិច្ឆិកាឆ្នាំនេះ គឺទាបជាង ៣២ ភាគរយ បើធៀបនឹងរយៈពេលដូចគ្នាកាលពីឆ្នាំមុន ដោយសារតែតម្លៃនៃការជួញដូរសម្រាប់ផលិតផលទាំងនោះបានធ្លាក់ចុះជាលំដាប់ ចំពេលមានការដាក់ទណ្ឌកម្មដោយក្រុមប្រទេស G7 និងប្រទេសផ្សេងៗទៀត ៕

ប្រែសម្រួល៖ នាង រតនៈ

ប្រភព៖​ NHK

The post ចិន និងឥណ្ឌា ជាអតិថិជនធំបំផុតដែលទិញប្រេងពី រុស្ស៊ី appeared first on Kampuchea Thmey Daily.

ស្ថានីយ៍ត្រួតពិនិត្យគុណភាពខ្យល់ទាំង ៣៥ របស់មន្ទីរធនធានធម្មជាតិ និងបរិស្ថានទីក្រុងហាណូយសុទ្ធតែបង្ហាញកម្រិតគុណភាពខ្យល់ពី ១០០ ទៅ ៣០០ ដែលជាកម្រិតទាបបំផុត ។ ដោយនៅក្នុងនោះ មានស្ថានីយ៍មួយចំនួនវាស់បានកម្រិតអាក្រក់ខ្លាំងបំផុតរហូតដល់កម្រិត​ ៣០០ ។

ជាមួយនឹងកម្រិតខ្យល់ពុលនេះដែរ ជំរុញភ្នាក់ងារបរិស្ថានចេញការព្រមានទៅដល់ប្រជាពលរដ្ឋឲ្យកាត់បន្ថយសកម្មភាពនៅខាងក្រៅផងដែរ ។

ទន្ទឹមនឹងនោះ ប្រព័ន្ធសំយោគគុណភាពខ្យល់ IQAir AirVisual នៅប្រទេស្វីស ក៏បានចាត់ចំណាត់ថ្នាក់ទីក្រុងហាណូយជាទីក្រុងដែលមានការបំពុលខ្លាំងបំផុតទី ៣ លើពិភពលោកផងដែរ ។

តាមរយៈរបាយការណ៍ចុងក្រោយរបស់ធនាគារពិភពលោក និងគណៈកម្មាធិការប្រជាជនទីក្រុងហាណូយ បង្ហាញថា មានជាង ៤០ ភាករយនៃចំនួនប្រជាជនទីក្រុង ត្រូវបានប៉ះពាល់នឹងកំហាប់ខ្យល់ពុល PM 2.5 ៕

ប្រែសម្រួល៖ នាង រតនៈ

ប្រភព៖ VN Express

The post គុណភាពខ្យល់នៅទីក្រុងហាណូយធ្លាក់ដល់កម្រិតគ្រោះថ្នាក់ appeared first on Kampuchea Thmey Daily.

ការហាមឃាត់ការលក់នាឡិកាដៃម៉ាក Ultra 2 និងនាឡិកាដៃម៉ាក Series 9 គឺជាលទ្ធផលនៃជម្លោះប៉ាតង់រវាងក្រុមហ៊ុន Apple និងក្រុមហ៊ុនបច្ចេកវិទ្យា Masimo ។

គណៈកម្មការពាណិជ្ជកម្មអន្តរជាតិ (ITC) នៅក្នុងខែតុលាបានតម្កល់សេចក្តីសម្រេចរបស់ចៅក្រមក្នុងខែមករា ក្រោយការចោទប្រកាន់ថា Apple បានរំលោភលើសិទ្ធិរបស់ Masimo ក្នុងបច្ចេកវិទ្យាវាស់កម្រិតអុកស៊ីសែនក្នុងឈាម ។

ទោះយ៉ាងណា Masimo ក៏បានប្តឹង Apple វិញផងដែរចំពោះការរំលោភប៉ាតង់នៅ ITC ក្នុងឆ្នាំ ២០២១ ជុំវិញនាឡិកា Apple Watch Series 6 ជាម៉ូដែលដំបូងគេដែលបំពាក់នូវសមត្ថភាពត្រួតពិនិត្យអុកស៊ីសែនក្នុងឈាម ។

ទន្ទឹមនោះ នៅថ្ងៃទី ២៦ ខែតុលា ឆ្នាំ ២០២៣ គណៈកម្មការពាណិជ្ជកម្មអន្តរជាតិរបស់សហរដ្ឋអាមេរិកបានរកឃើញថា Apple, Inc. បានរំលោភលើប៉ាតង់ចំនួនពីរដែលជាកម្មសិទ្ធិរបស់សាជីវកម្ម Masimo និង Cercacor Laboratories, Inc ដែលមានមូលដ្ឋាននៅសហរដ្ឋអាមេរិក ។

តាមរយៈការិយាល័យតំណាងពាណិជ្ជកម្មសហរដ្ឋអាមេរិកបញ្ជាក់ថា​ បន្ទាប់ពីការពិគ្រោះយោបល់ តំណាងពាណិជ្ជកម្មសហរដ្ឋអាមេរិកលោកស្រី Katherine Tai បានសម្រេចចិត្តមិនផ្លាស់ប្តូរការប្តេជ្ញាចិត្តរបស់ ITC នោះឡើយ ។

ដំបូងឡើយ Masimo បានប្តឹង Apple នៅតុលាការសហព័ន្ធក្នុងឆ្នាំ ២០២០ ដោយចោទប្រកាន់ Apple ថា បានលួចបុគ្គលិករបស់ខ្លួន និងលួចអាថ៌កំបាំងពាណិជ្ជកម្មទាក់ទងនឹងបច្ចេកវិទ្យាពន្លឺសម្រាប់វាស់កម្រិតអុកស៊ីសែនក្នុងឈាម ។

ដោយឡែក​ ក្រុមហ៊ុន Apple កាលពីថ្ងៃអង្គារ ក៏បានប្តឹងឧទ្ធរណ៍តបវិញផងដែរ ហើយត្រូវបានគេរាយការណ៍ថា កំពុងរៀបចំដំណើរការដោះស្រាយដើម្បីអាចលក់ផលិតផលនេះបានឡើងវិញ ៕

ប្រែសម្រួល៖ នាង រតនៈ

ប្រភព៖ Anadolu

The post អាមេរិក ហាមមិនឲ្យក្រុមហ៊ុន Apple លក់នាឡិកាដៃម៉ាកចុងក្រោយរបស់ខ្លួន appeared first on Kampuchea Thmey Daily.

ក្រសួងបាននិយាយទៀតថា ខ្លួនបានទិញប្រេងសម្រាប់ចែកចាយទៅកាន់តំបន់ Big Spring រដ្ឋតិចសាស់ ដែលមានតម្លៃជាមធ្យម ៧៧.៣១ ដុល្លារក្នុងមួយបារ៉ែល ខណៈតម្លៃលក់ជាមធ្យមកាលពីឆ្នាំ ២០២២ គឺមានរហូតដល់ ៩៥ ដុល្លារក្នុងមួយបារ៉ែល ។

កាលពីឆ្នាំមុន អាមេរិកបានលក់ប្រេងអស់ជាង ១៨០ លានបារ៉ែល ដើម្បីជួយ​ទប់លំនឹងតម្លៃប្រេង ​បន្ទាប់ពីរុស្ស៊ីបើកប្រតិបត្តិការយោធាពេញទំហឹងទៅលើអ៊ុយក្រែន ។

រហូតមកដល់ពេលនេះ អាមេរិកបានទិញប្រេងប្រហែល ១៤ លានបារ៉ែល​មកវិញ​ ​ខណៈនៅខែកុម្ភៈ ប្រេង​ចំនួន ៤ លានបារ៉ែល​ត្រូវបានក្រុមហ៊ុនសងមកឲ្យក្រសួងថាមពលអាមេរិក បន្ទាប់ពីបានខ្ចីយកទៅប្រើប្រាស់បណ្ដោះអាសន្ន ។

ចំពោះប្រតិបត្តិការចុងក្រោយបំផុត ក្រុមហ៊ុន Sunoco Partners Marketing & Terminals LP បានលក់ ១.២ លានបារ៉ែលទៅទុនបម្រុងយុទ្ធសាស្ត្រ ខណៈដែលក្រុមហ៊ុន Macquarie Commodities Trading US LLC និងក្រុមហ៊ុន Phillips 66 បានលក់ប្រហែល ៩០ ម៉ឺនបារ៉ែល ៕

ប្រែសម្រួល៖ នាង រតនៈ

ប្រភព៖ Reuters

The post អាមេរិក ទិញប្រេង ៣ លានបារ៉ែលដើម្បីបំពេញបន្ថែមក្នុងស្តុកបម្រុង appeared first on Kampuchea Thmey Daily.