វប្បធម៌ ជំនឿ

ភ្ជុំបិណ្ឌមានអត្ថន័យ ៣ សំខាន់ខ្លាំង ចំពោះពុទ្ធសាសនិកខ្មែរគ្រប់ៗរូប

បានផុស

២ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

Blue Sky

ប្រជាជនកម្ពុជាគ្រប់រូបប្រាកដជាបានដឹងច្បាស់ ពីបុណ្យប្រពៃណីមួយនេះ និងបានចាត់ទុកថា ជាបុណ្យដែលមិនអាចអាក់ខានបានឡើយ។

ភ្ជុំបុណ្យមានប្រវត្តិយូរអង្វែងណាស់មកហើយ ចំពោះអត្ថន័យវិញក៏សំខាន់ខ្លាំង សម្រាប់ពលរដ្ធកម្ពុជាគ្រប់ៗគ្នាដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ជាថ្ងៃមួយដែលប្រជាជនកម្ពុជាគោរពដល់បុព្វបុរសរបស់ខ្លួន

ការបួងសួងថ្វាយដល់បុព្វបុរស ឬដូនតាជំនាន់មុន ពិតជាមានសារៈសំខាន់ខ្លាំងណាស់សម្រាប់ប្រជាជនកម្ពុជាទាំងអស់ ដែលមានជំនឿបែបព្រះពុទ្ធសាសនា។ ក្នុងឱកាសបុណ្យភ្ជុំបិណ្ឌ គឺជាបុណ្យដ៏ពិសេសមិនអាចកាត់ថ្លៃបាន សម្រាប់ឲ្យប្រជាជនទាំងអស់អាចមកធ្វើបុណ្យដល់ទៅ ១៥ ថ្ងៃ ជាពិសេសគឺដើម្បីសាងបុណ្យកុសលថ្មី លុបលាងកម្មធ្លាប់ធ្វើដោយចេតនាឬអចេតនា និងចម្អិនអាហារជាតង្វាយសម្រាប់ញាតិសន្ដានដែលបានស្លាប់ ៧ ជំនាន់។

២ បង្ហាញពីការគោរពដល់ព្រះសង្ឃ

ក្នុងរយៈពេល ១៤ ថ្ងៃដំបូងនៃបុណ្យភ្ជុំបិណ្ឌ ប្រជាជនខ្មែរគ្រប់រូបនឹងធ្វើម្ហូបប្រគេនដល់ព្រះសង្ឃ ហើយក៏ចែកចាយទានដល់អ្នកខ្សត់ខ្សោយជាងខ្លួន ដើម្បីបានមគ្គផលដល់ខ្លួនគេ និងបានដល់ដូនតាផងដែរ។

៣ ជាការជួបជុំសាមគ្គីគ្នាទៅវិញទៅមក

ភ្ជុំបិណ្ឌគឺជាពេលវេលាដ៏ពិសេស សម្រាប់ឲ្យពលរដ្ធកម្ពុជាគ្រប់គ្នា អាចមកជួបជុំគ្រួសារនិងញាតិមិត្តជិតឆ្ងាយ ដែលបានឃ្លាតកាយចាកចោលស្រុកកំណើតអស់ពេលជាយូរមកហើយ។ ក្នុងឱកាសនេះដែរ គ្រួសារខ្មែរនឹងធ្វើអាហារដើម្បីចែករំលែកដល់គ្នាទៅវិញទៅមក។

ជាពិសេស ប្រសិនបើមានដំណើរកម្សាន្តតាមខេត្តឬទៅស្រុកកំណើត គេនឹងជួយគ្នាម្នាក់បន្តិចៗ ដែលហៅថា ការសាមគ្គីជាកម្លាំងឲ្យគ្នា ក្នុងពិធីបុណ្យមួយនេះ៕

អត្ថបទ៖ សាង ស្រីល័ក្ខ

ចុចអាន៖ហេតុអ្វីគេចាត់ទុកបិណ្ឌ ១ និងភ្ជុំធំ ជាថ្ងៃសំខាន់មិនអាចអាក់ខានបាន?

ចុចអាន៖អត្ថន័យនិងជំនឿនៃការបោះបាយបិណ្ឌ នាវេលាម៉ោង ៤ ទៀបភ្លឺ

ចុចអាន៖តាមជំនឿដូនតាខ្មែរ ការពូនភ្នំខ្សាច់ ពិតជាអាចផ្ដាច់កម្មពៀរចាស់ៗពីអតីតជាតិបានពិតមែន

Related Topics:ពិធីបុណ្យភ្ជុំបិណ្ឌ