ចំនួនដងតុកកែយំ ជាប្រផ្នូលចង់ប្រាប់ហេតុការណ៍កើតមានលើម្ចាស់ផ្ទះ
Connect with us
Helistar Cambodia - Helicopter Charter Services

ជំនឿ

ចំនួនដងតុកកែយំ ជាប្រផ្នូលចង់ប្រាប់ហេតុការណ៍កើតមានលើម្ចាស់ផ្ទះ

បានផុស

នៅ

តុកកែ ជាសត្វដែលមាននៅក្នុងជំនឿខ្មែរពីបុរាណ នៅពេលវាស្រែកក្នុងផ្ទះ គឺកំពុងនាំប្រផ្នូល និងប្រាប់អ្វីម៉្យាងដល់ម្ចាស់ផ្ទះនោះ។ ប្រសិន​បើ​តុកកែ​ស្រែក ​នោះ​ប្រផ្នូល​ក៏​ផ្អែក​លើ​ចំនួនដែលវា​ស្រែក​​ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តុកកែ យំ ១ ដង​ជឿ​ថា ​អ្នក​នឹង​ខាត​លុយ​ដោយ​មិន​ដឹង​ខ្លួន ​នៅ​ក្នុង​ប្រការ​ណា​មួយ។ ជាពិសេសកុំទាន់ដាក់ហ៊ុនរកស៊ីជាមួយអ្នកណា ផ្អាកមួយរយៈសិនក៏បាន។

តុកកែ​យំ ៣ ដងមានន័យថា​ មនុស្ស​នៅ​ក្នុង​ផ្ទះ​នឹង​រស់នៅ​ដោយ​សប្បាយ​រីករាយ ឬ​ភាព​មាន​សុភមង្គល​រុងរឿង​ក្នុង​គ្រួសារ។

តុកកែយំ ៥ ដងបានន័យថា អាចជា​ប្រផ្នូល​អាក្រក់ នាំមកនូវបញ្ហាដែលយើងមិនអាចទាយទុកមុន។ ដូច្នេះចូរតោងប្រយ័ត្ន​ អ្នកជិតខ្លួនឲ្យមែនទែន។

តុកកែយំ ៦ ដងមានន័យថា​ ម្ចាស់ផ្ទះ​នឹង​មាន​បញ្ហា​រកាំរកូស​ជាមួយគ្នា។ អាចជាជម្លោះក្នុងគ្រួសារ សាច់ញាតិ និងអ្នកជាប់ភូមិរបងក៏ថាបាន។ ចូរប្រយ័ត្នសម្ដីខ្លួនឯងបន្តិច។

តុកកែ ៧ ដងបានន័យថា ជាប្រផ្នូលនាំមកនូវការបាត់បង់ទ្រព្យសម្បត្តិដែលមាននៅក្នុងខ្លួន។ ប្រយ័ត្នជាមួយអ្នកប្លែកមុខមករាក់ទាក់។

តុកកែ ៨ ដងមានន័យថា​នាំ​មកនូវ​សំណាងល្អនិងសុភមង្គលក្នុងជីវិត។ ចូរធ្វើអំពើល្អនិងរឿងល្អៗឲ្យបានច្រើន។

តុកកែ ៩ ដង​ជា​ប្រផ្នូល​នាំមកនូវ​វិបុលភាព​ក្នុងជីវិត ជាពិសេសគឺរឿង​ការងារតែងរលូនទៅមុខក្នុងពេលនេះ។

តុកកែយំ១០ ដង ជាប្រផ្នូលនាំមកនូវលុយកាក់ ហូរចូលមកក្នុងជីវិតឥតដាច់។

តុកកែយំ១១ ដង ជាប្រផ្នូលនាំគូជីវិតដែលអ្នករង់ចាំជាយូរមកហើយ។

បន្ថែម​ពី​លើ​ចំនួន​ដង​ដែល​សត្វ​តុកកែ​យំ ​ចំនួន​ម៉ោង​ដែល​យំ​ក៏​ជា​ប្រផ្នូល​ ចង់​បង្ហាញ​ប្រាប់​រឿងរ៉ាវកើតឡើងដូចគ្នា។ ប្រសិនបើតុកកែយំពីម៉ោង ៦ : ០០ ព្រឹក ដល់ ១២: ០០ ថ្ងៃត្រង់​ ​ជា​ប្រផ្នូល​នាំ​មក​នូវ​ដំណឹងល្អ។ បើតុកកែយំ ពីម៉ោង ១២: ០០ – ១៨ : ០០ ជា​ប្រផ្នូល​នៃ​ការ​ទទួល​បាន​ដំណឹង​អាក្រក់។ ក្រោយ​ម៉ោង ១៨: ០០ ពាក់​កណ្ដាល​អធ្រាត្រ​ គេ​ជឿ​ថា​វា​នឹង​ទទួល​បាន​ដំណឹង​ល្អវិញ៕

ប្រែសម្រួល៖ សាង ស្រីល័ក្ខ

ចុចអាន៖យល់សប្ដិឃើញតុកកែ អត្ថន័យល្អនិងអាក្រក់បកស្រាយរួមគ្នាខាងក្រោមនេះទាំងអស់

ចុចអាន​៖សុបិនឃើញពស់ អត្ថន័យមិនមែនសំដៅដល់គេលួចស្រលាញ់មួយមុខឡើយ តែក៏មានអ្នកស្អប់ដូចគ្នា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services