ហូបអាហារ​ទាំង​នេះ​ក្នុង​ថ្ងៃ​ចូលឆ្នាំ​ចិន​​ នឹង​នាំ​លាភសំណាង​ល្អ​ពេញ​មួយ​ឆ្នាំ
Connect with us
Helistar Cambodia - Helicopter Charter Services

ជំនឿ

ហូបអាហារ​ទាំង​នេះ​ក្នុង​ថ្ងៃ​ចូលឆ្នាំ​ចិន​​ នឹង​នាំ​លាភសំណាង​ល្អ​ពេញ​មួយ​ឆ្នាំ

បានផុស

នៅ

ជនជាតិ​ចិន​មាន​ជំនឿ​ណាស់ ​ទាំង​អាហារ​ ការ​សែន​ព្រេន​និង​ទំនៀមទម្លាប់​ផ្សេងៗ​ដែល​មាន​តាំង​ពី​យូរយារ។ ជា​ពិសេស​ក្នុង​ឱកាស​បុណ្យ​ចូលឆ្នាំ​ចិន​ បើ​សិន​ក្រុម​គ្រួសារ​ណា​បាន​ហូប​អាហារ​នាំ​សំណាង​ គ្រួសារ​នោះ​នឹង​ជួប​តែ​រឿង​ល្អៗ​ ការ​រកស៊ី​ឬ​លក់​ដូរ​មាន​ម៉ូយ​មក​ទិញ​ឥត​ដាច់​មិនខាន។ នេះ​គេ​ហៅ​ថា​ សំណាង​ពេញ​មួយ​ឆ្នាំ​ពី​ការ​ហូប​អាហារ​នាំ​សំណាង​ នាំ​លាភ​ នាំជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ក្រូច

ក្រូច​​មាន​រសជាតិ​ផ្អែម​មុត​ ជា​តម្រូវការទាំង​ការ​បរិភោគ​និង​ការ​ដាក់​សែន​ក្នុង​ឱកាស​បុណ្យ​ចូលឆ្នាំ​ចិន។ បើ​មាន​ស្លឹក​លើ​ផ្លែ​នីមួយ​ៗ​រិត​តែ​ល្អ​ ព្រោះ​ស្លឹក​តំណាង​ឲ្យ​អាយុវែង។ សូម​ចងចាំ​ថា ​កុំ​ដាក់​ក្រូច​បួន​ផ្លែ​ព្រោះ​លេខ​បួន​ត្រូវ​បាន​ផ្សារ​ភ្ជាប់​ជាមួយ​នឹង​ការ​ស្លាប់។

២ ក្រូចថ្លុង

ក្រូចថ្លុង​ត្រូវ​បាន​គេ​ចាត់​ទុក​ថា​ជា​ផ្លែឈើ​ដែល​ពេញ​និយម​សម្រាប់​ជនជាតិ​ចិន ​ពីព្រោះ​តែ​ពាក្យ​ចិន​សម្រាប់ Pomelo គឺ​ជា​ពាក្យ​តំណាង​ឲ្យ​​ភាព​រុងរឿង​និង​កេរ្តិ៍ឈ្មោះ​ល្អ។

៣ សាច់​មាន់

សត្វស្លាប​មួយ​នេះជា​អាហារ​ដែល​គេ​និយម​បម្រើ​ជា​ប្រពៃណី​សម្រាប់​ពិធី​បុណ្យ​ចូលឆ្នាំ​ចិន​ ជាពិសេស​ក្បាល​និង​ជើង​តំណាង​ឲ្យ​សាមគ្គីភាព​និង​អាពាហ៍ពិពាហ៍​យូរអង្វែង​នៅក្នុង​ក្រុម​គ្រួសារ។

៤ គាវ​ចំហុយ

គាវ​ចំហុយ​ជា​អាហារ​ដែល​ជនជាតិ​ចិន​មាន​ជំនឿ​ថា​ នឹង​នាំ​មកនូវ​ទ្រព្យសម្បត្តិ​និង​វិបុលភាព។ ​គាវ​ជា​អាហារ​ប្រពៃណី​តាំង​ជំនាន់​រាជវង្ស​មីង ដែល​គេ​មាន​ជំនឿ​ថា ​ហូប​កាន់​តែ​ច្រើន​កាលណា ​លាភ​ជ័យ​នៃ​ជ័យជម្នះ​កាន់​តែ​ច្រើន​កាល់​ហ្នឹង!

៥ ត្រី​ចំហុយ​ទឹក​ស៊ីអ៊ីវ

ត្រី​បើ​ចំហុយ​ទាំង​មូល​មានន័យថា​ នាំ​មក​នូវ​ភាព​សំបូរ​រុងរឿង​សុភមង្គល​ចាប់​តាំង​ពី​ដើម​ឆ្នាំ​រហូត​ដល់​ចុង​ឆ្នាំ។ ពាក្យ​ថា​ត្រី​នៅ​ក្នុង​ភាសា​ចិន​ គឺ​ជា​ពាក្យ​ដែល​នាំ​តែ​រឿង​ល្អៗ​ចូល​មក​សម្រាប់​អ្នក​ណា​បាន​ទទួលទាន។

៦ មី​អាយុ​វែង

មី​អាយុវែង​ជា​មី​មួយ​ប្រភេទ​អាហារ​ដែល​ជាតិ​ចិន​មិន​អាច​អត់​បាន​ក្នុង​ពិធី​ធំៗ។ មី​អាយុវែង​ជា​និមិត្តរូប​សម្រាប់​អ្នក​ណា​ដែល​ទទួលទាន​នឹង​កាន់​តែ​អាយុ​វែង​ដូច​សរសៃ​មី ​រួម​ទាំង​ផ្ដល់​នូវ​សុខភាព​ល្អ​ថែម​ទៀត​ផង (ដោយសារ​តែអាហារមុខនេះ ​មាន​បន្លែ​ច្រើន​រួម​ទាំង​គ្រឿងផ្សំ​ជាមួយ​មី) ។

៧ បង្គា​លីង​ប្រៃ

បង្គា​លីង​ប្រៃ​តំណាង​ឲ្យ​ភាព​រស់រវើក​ ក៏​ដូចជា​សេចក្ដី​សុខ​និង​សំណាង​ល្អ​ក្នុង​ឆ្នាំ​ទៅ​មុខ។ ពេល​មាន​ពិធី​បុណ្យ​ជាតិ​ ជនជាតិចិន​តែង​ធ្វើ​អាហារ​មួយ​មុខ​នេះ​ជា​ពិសេស​ ហើយ​គ្រឿងផ្សំគឺជា​ម្រេច​រោយ​ពី​លើដូចបន្ថែមសុភមង្គល។

៨ ថាស​អាហារ​សម្រន់

ជា​ធម្មតា​ថាស​មាន​​មូល​ឬ​រាង​ពង​ក្រពើ​ឬ​ចាន​រាង​សំប៉ែត​ ដែល​ចែក​ចេញ​ជា​ផ្នែក​នៃ​ប្រអប់​អាច​ដាក់​គ្រាប់​ធញ្ញជាតិ​ដូចជា​ត្រណាប់​ដូង​ ស្ករ​គ្រាប់ ​គ្រាប់ឪឡឹក​ក្រហម​ គ្រាប់​ឈូក​ ដែល​តំណាងឲ្យ​សុភមង្គល​ ការ​មាន​កូនចៅ​វង្ស​ត្រកូល​ល្អៗនិង​សម្រាប់​អាយុវែងដល់សមាជិកគ្រួសារ៕

ប្រែសម្រួល៖ សាង ស្រីល័ក្ខ

ប្រភព៖marthastewart

ចុចអាន៖ពណ៌ ៣ នាំលាភសំណាង ហើយពណ៌១ ជាអពមង្គលក្នុងពិធីបុណ្យចូលឆ្នាំចិន

ចុចអាន៖ប្រាក់​ក្នុង​អាំងប៉ាវ​ មិន​មែន​ចេះ​តែ​ឲ្យ​ផ្ដេសផ្ដាស ​ប្រយ័ត្ន​ជួប​រឿង​មិន​ល្អ​ពេញ​មួយ​ឆ្នាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services