សេដ្ឋកិច្ច
ការនាំចេញកសិផលបានជាង២ ០៩១លានដុល្លារ ៤ខែដើមឆ្នាំ ក្នុងវិបត្តិកូវីដ-១៩
របាយការណ៍ក្រសួងកសិកម្មបានបង្ហាញថា ក្នុងរយៈពេល៤ខែដើមឆ្នាំ ការនាំចេញផលិតផលកសិកម្ម ផ្នែកដំណាំមានចំនួន ១ ៩៦៣ ៩៣០ ៤៩៧,៤២ដុល្លារ ចំណែកការនាំចេញផ្នែកកៅស៊ូ ផលិតកម្មសត្វ និងវារីវប្បកម្មមានចំនួន ១២៧ ២៣៥ ៥១៩,០០ដុល្លារ ហើយការនាំចេញផលិតផលកសិកម្មសរុបមានចំនួន ២ ០៩១ ១៦៦ ០១៦,៤២ ដុល្លារ
លោក វែង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី០១ ខែឧសភា ឆ្នាំ២០២១នេះ បានបង្ហាញលទ្ធផលនៃការនាំចេញផលិតផលកសិកម្មក្នុងរយៈពេល៤ខែដើមឆ្នាំ២០២១ ក្នុងដំណាក់កាលដ៏លំបាក នៃការរីករាលដាលជំងឺកូវីដ-១៩ នៅប្រទេសកម្ពុជា។
តាមទិន្នន័យរបស់អគ្គនាយកដ្ឋានកសិកម្ម នៃក្រសួងកសិកម្ម ដែលបង្ហាញដោយលោក វែង សាខុន បានឱ្យដឹងថា រយៈពេល៤ខែដើមឆ្នាំ២០២១នេះ កម្ពុជាបាននាំចេញផលិតផលកសិកម្មទៅក្រៅប្រទេសសរុបចំនួន ៣ ៨២៦ ៤៣២,៨៥តោន ទៅកាន់ប្រទេសចំនួន៥៤ ដែលចំនួននេះ មានការកើនឡើងប្រមាណ ១ ៧៨៤ ០០៦,៨០តោន ស្មើនឹង៨៧,៣៥ ភាគរយ បើប្រៀបធៀប នឹងរយៈពេលដូចគ្នាក្នុងឆ្នាំ ២០២០ ដែលទទួលបានត្រឹមតែ ២ ០៤២ ៤២៦,០៥ តោន។
ដោយឡែកការនាំអង្ករចេញក្នុងរយៈពេល០៤ ខែដើមឆ្នាំ២០២១នេះ មានចំនួន១៩២ ៤៩៥ តោន មានការថយចុះចំនួន ១០៧ ៧៥៧ តោន បើប្រៀបធៀបនឹងបរិមាណនាំចេញក្នុងរយៈ ពេល៤ ខែដូចគ្នាខ្ញុំឆ្នាំ២០២០ មានចំនួន៣០០ ២៥២ តោន។ ចំណែកការនាំស្រូវចេញទៅប្រទេសវៀតណាមក្នុងរយៈពេល៤ ខែដើមឆ្នាំ ២០២១នេះមានចំនួន ១ ៥២៩ ២៨០ តោន ដែលចំនួនននេះ មានការកើនឡើង ៦៤៦ ០៨៤ តោន៕
អត្ថបទ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ