ម្ចាស់សិប្បកម្ម​ធ្វើក្បាលអណ្ដូងស្នប់ ចាប់របរបន្តពីឪពុក កំពុង កាក់កប​មានទីផ្សារល្អ
Connect with us
Helistar Cambodia - Helicopter Charter Services

សេដ្ឋកិច្ច

ម្ចាស់សិប្បកម្ម​ធ្វើក្បាលអណ្ដូងស្នប់ ចាប់របរបន្តពីឪពុក កំពុង កាក់កប​មានទីផ្សារល្អ

បានផុស

នៅ

ម្ចាស់សិប្បកម្មធ្វើក្បាលអណ្តូងស្នប់ អ្នកស្រី សេន រ៉ម៉ាស រស់នៅ ភូមិពោធិ៍ឥន្ទ្រ១ ស្រុកពញាក្រែក ខេត្តត្បូងឃ្មុំ បានចាប់របរផលិតក្បាលអណ្ដូងស្នប់បន្តពីឪពុករបស់ខ្លួន ដែលបានធ្វើរយៈពេលជាង ២០ ឆ្នាំមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកខេត្តត្បូងឃ្មុំរូបនេះ បានប្រាប់ថា សព្វថ្ងៃរបររបស់អ្នកស្រី កំពុងមានទីផ្សារល្អ ខណៈដែលអ្នកស្រីអាចលក់បានក្បាល​ណ្ដូង​ស្នប់ចំនួនពី ៣០០ ទៅ ៤០០ ក្នុងមួយខែ។

អ្នកស្រីរំឭកថា ដើមឡើយឪពុករបស់ខ្លួន គ្រាន់តែជាអ្នកជីកអណ្ដូងយោងតែប៉ុណ្ណោះ ហើយក្រោយមកក៏បានពង្រីកមុខរបរជីកអណ្ដូងស្នប់ និងធ្វើក្បាលអណ្ដូងដើម្បីតម្រូវការអាជីវកម្មខ្លួនព្រមទាំងលក់បន្តផងដែរ។

ស្រ្តីវ័យ៤៥ឆ្នាំរូបនេះ បន្តថាពីមុនអតិថិជនរបស់អ្នកស្រី មានតែអ្នកនៅខេត្តត្បូងឃ្មុំប៉ុណ្ណោះ ប៉ុន្តែរយៈពេល៣ឆ្នាំចុងក្រោយនេះ មានអតិថិជនមកពីបណ្ដាខេត្តផ្សេងៗបានគាំទ្រផលិតផលរបស់អ្នកស្រី។

លោកស្រីថា “យើងលក់យូរៗទៅ គេចេះតែស្គាល់តៗគ្នា ឥឡូវអ្នកខេត្តផ្សេងមកទិញច្រើន”។ ហើយថា តាំងពីចាប់ផ្ដើមរបរនេះមក អ្នកស្រីលក់ក្បាលអណ្ដួលស្នប់មួយតម្លៃ៨ម៉ឺនរៀល។
បច្ចុប្បន្នរបររបស់អ្នកស្រី កំពុងកាក់កបក្ដី អ្នកស្រីបានឱ្យដឹងថា ការធ្វើក្បាលអណ្ដូងស្នប់នេះ លំបាកខ្លាំងដោយសារតែត្រូវប្រឈមនឹងកម្ដៅភ្លើងខ្លាំង។

អ្នកស្រី បានរៀបរាប់ដួច្នេះ “ទម្រាំជ័ររលាយ១០០០អង្សារជាង ខ្ញុំទ្រាំក្ដៅណាស់ កាលខ្ញុំចាក់អុសក្ដៅជាងនេះទៀត ពិបាកនោះពិបាកចាក់ម្ដងៗហើមមុខ ហើមមាត់អស់ហើយ តែខ្ញុំចេះតែទ្រាំៗរហូតដល់ថ្ងៃហ្នឹង”។


ទោះជាអ្នកស្រីបានត្អូញត្អែរពីផលលំបាកយ៉ាងនេះក្ដី ទៅថ្ងៃមុខស្រ្តីរូបនេះ ចង់បន្តរបរនេះ ដល់កូនចៅជំនាន់ក្រោយ ព្រោះរបរមួយនេះបានធ្វើឱ្យគ្រួសារអ្នកស្រីមានជីវភាពធូរធារជាងមុន៕ អត្ថបទ៖ សាន វិឡែម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ដឹង​មូលហេតុ​អំពី​យុវជន​វ័យ​១៥​ឆ្នាំ​បាន​ធ្វើ​អត្តឃាត​ចង.ក​សម្លាប់​ខ្លួន​ទាំង​ខ្លួន​នៅ​វ័យក្មេង

កីឡា៦ ម៉ោង មុន

ពិតជា​ខ្លាំង​មែន​! Superbon ផ្ដួល Petrosyan យក​ខ្សែក្រវាត់​ឃី​ក​បុក​សី​ង ONE Featherweight ត្រឹម​ដើម​ទឹក​ទី​២

ជីវិតកម្សាន្ដ៩ ម៉ោង មុន

ភាព​ល្បី​រន្ទឺ​របស់​លោកស្រី ឌី សា​វ៉េ​ត ធ្វើ​ឲ្យ​លេច ធ្លោ​ក្នុងសង្គម​ថៃ​កាលពី​ទសវត្ស​៧០

ព័ត៌មានជាតិ៩ ម៉ោង មុន

ឃាត់ខ្លួន​ជនជាតិ​ថៃ ៧នាក់ ដែល​មកពី​ខេត្ត​សមុទ្រ​ប្រា​កាន បម្រុង​លប​ឆ្លងដែន​មក​ធ្វើការ​នៅក្នុង​ប្រទេស​កម្ពុជា

ព័ត៌មានជាតិ៩ ម៉ោង មុន

រថយន្ត ​ម៉ូតូ​ និង​កង់​បី​សរុប​៧​គ្រឿង បុក​រុញ​បន្ត​គ្នា​របួស​ធ្ងន់ធ្ងរ​២​នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services