ទីក្រុងភ្នំពេញនឹងពង្រីកខ្លួនក្នុងទម្រង់ជាកាំរង្វង់១០០គីឡូម៉ែត្រជុំវិញក្នុងឆ្នាំ ២០៣៥
Connect with us
Helistar Cambodia - Helicopter Charter Services

សេដ្ឋកិច្ច

ទីក្រុងភ្នំពេញនឹងពង្រីកខ្លួនក្នុងទម្រង់ជាកាំរង្វង់១០០គីឡូម៉ែត្រជុំវិញក្នុងឆ្នាំ ២០៣៥

បានផុស

នៅ

យោងតាមអនុក្រឹត្យស្ដីពី ការដាក់ឱ្យអនុវត្តប្លង់គោលប្រើប្រាស់ដីរាជធានីភ្នំពេញឆ្នាំ២០៣៥  របស់ក្រសួងដែនដី នគរូបនីយកម្ម និងសំណង់ បានបញ្ជាក់ថា រាជធានីភ្នំពេញនឹងបន្តពង្រីកវិសាលភាពរបស់ខ្លួនបន្ត ក្លាយជាទីក្រុងនៃប៉ូលសេវាកម្មកណ្ដាលសម្រាប់ប្រជាជនចំនួន ៦លាននាក់ ក្នុងកាំរង្វង់ចម្ងាយ ១០០គីឡូម៉ែត្រជុំវិញ ក្នុងរយៈពេលត្រឹម ១៤ឆ្នាំទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងយុទ្ធសាស្ត្រតម្រង់ទិសអភិវឌ្ឍន៍ នាំអនុក្រឹត្យដដែលនេះ ក៏បានបញ្ជាក់ទៀតថា រាជធានីភ្នំពេញ ដែលជាបេះដូងនៃព្រះរាជាណាចក្រកម្ពុជានេះ គឺបន្តដើរតួនាទីជាចលករសម្រាប់អភិវឌ្ឍប្រទេសកម្ពុជាកាន់តែសំខាន់ ក្នុងចក្ខវិស័យវែងឆ្ងាយរបស់រាជរដ្ឋាភិបាល។  

ជាមួយនឹងកំណើនសេដ្ឋកិច្ច និងសន្ទុះនៃការអភិវឌ្ឍន៍យ៉ាងខ្លាំងខ្លា រាជធានីភ្នំពេញបាននឹងកំពុងធ្វើការអភិវឌ្ឍន៍ពង្រីកផ្ទៃក្រឡាខ្លួនរហូតដល់ទៅទ្វេដង។ នេះបើយោងតាមការបញ្ជាក់របស់សម្តេចតេជោ ហ៊ុន សែន នាពេលកន្លងទៅ

រាជធានីភ្នំពេញ មានទីតាំង ស្ថិតនៅប្រសព្វនៅទន្លេធំ ៣ ជាប់ដៃទន្លេ ៤ នៃទន្លេមេគង្គ ទន្លេសាប និងទន្លេបាសាក់ នៅផ្នែកខាងស្តាំមុខ ព្រះបរមរាជវាំង។ រាជធានីភ្នំពេញ គឺជាមជ្ឈមណ្ឌលពាណិជ្ជកម្ម នយោបាយ និង វប្បធម៌ សេដ្ឋកិច្ច និងការទូត។ បច្ចុប្បន្នវិស័យសំណង់ លំនៅដ្ឋានចម្រុះ អាគារពាណិជ្ជកម្ម នៅជុំវិញរាជធានីភ្នំពេញកំពុងពង្រីកខ្លួនយ៉ាងលឿនឥតឈប់ឈរ។

យោងតាមគណៈកម្មាធិការជំរឿនទូទៅប្រជាជននៅកម្ពុជា ឆ្នាំ២០១៩ បានបង្ហាញតួលេខថា ភ្នំពេញមានចំនួន ២,១២៩,៣៧១នាក់ និងមានទំហំ ៦៩២,៤៦ គីឡូម៉ែត្រក្រឡា។

ភ្នំពេញជារាជធានី និងជាទីក្រុងធំជាងគេបំផុតនៃប្រទេសកម្ពុជា ជាមជ្ឈមណ្ឌលសន្តិសុខ នយោបាយ សេដ្ឋកិច្ច សម្បត្តិវប្បធម៌ និងការទូត ។ បច្ចុប្បន្ន គម្រោង​ពង្រីក​ទីក្រុង និងកសាងហេដ្ឋារចនាសម្ព័ន្ធគ្រប់ប្រភេទ​របស់​រដ្ឋបាលសាលា​រាជធានី​ភ្នំពេញ ក៏កំពុងតែ​ដំណើរការយ៉ាងមមាញឹក ដើម្បីឆ្លើយតបនឹងចំនួន​ប្រជាជនក្នុងក្រុង កាន់តែកើនឡើងរៀងរាល់ឆ្នាំ។ រាជធានីភ្នំពេញ ត្រូវបានគេព្យាករណ៍​ថា អាចនឹង​កើនចំនួនប្រជាពលរដ្ឋដល់ ២,៥០ លាននាក់ ​គិត​ត្រឹម​ឆ្នាំ ២០៣៥៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៥៩ នាទី មុន

ស្នាដៃ​ភាពយន្ត​ល្បីៗ​ចំនួន​២​របស់​លោកតា ហ្វុ​យ ស្សូ ធ្លាប់​បាន​ប្រកួត​នៅលើ​ឆាក​អន្តរជាតិ​

ព័ត៌មានជាតិ១ ម៉ោង មុន

រាជរដ្ឋាភិបាល​កំពុង​រៀបចំ​ដាក់ចេញ​នូវ​ផែនការ​ស្តារ​សេដ្ឋកិច្ច​ក្រោយ​វិបត្តិ​ជំងឺ​កូ​វីដ​-១៩ ដោយ​ផ្តោតលើ​អភិក្រម​ចំនួន ៣

សេដ្ឋកិច្ច១ ម៉ោង មុន

កម្ពុជាគ្រោងថវិកាជិត ១ពាន់លានដុល្លារ សម្រាប់ប្រយុទ្ធនឹងជំងឺកូវីដ-១៩ នៅឆ្នាំ២០២២

ព័ត៌មានជាតិ២ ម៉ោង មុន

ចុះ​ពិនិត្យមើល​ស្ថានភាព​ទឹក នៅ​សណ្ត​ស្ទឹង​ព្រែក​ត្នោត ដើម្បី​ត្រៀមលក្ខណៈ​បង្ការ ខណៈ​ទឹក​ឡើង​ខ្ពស់​នា​ប៉ុន្មាន​ថ្ងៃនេះ

ព័ត៌មានជាតិ២ ម៉ោង មុន

ក្រសួងការងារ នឹងបើកពិព័រណ៍ការងារ និងផលិតភាពជាតិ​អនឡាញឆ្នាំ២០២១នៅដើមខែវិច្ឆិកាខាងមុខ​នេះ​

Sokha Hotels

ព័ត៌មានពេញនិយម

Helistar Cambodia - Helicopter Charter Services