សេដ្ឋកិច្ច
សភាពាណិជ្ជកម្មកម្ពុជាគ្រោងបើកការិយាល័យតំណាងនៅប្រទេសដៃគូពាណិជ្ជកម្មធំៗ
ភ្នំពេញ៖ សភាពាណិជ្ជកម្មកម្ពុជាគ្រោងនឹងបើកការិយាល័យតំណាងរបស់ខ្លួននៅតាមបណ្ដាប្រទេសជាដៃគូពាណិជ្ជកម្មធំៗមួយចំនួនដែលរួមមានប្រទេសជប៉ុន ចិន កាណាដា សហរដ្ឋអាមេរិក និងសហគមន៍អឺរ៉ុបជាដើម ក្នុងគោលបំណងផ្សព្វផ្សាយនូវច្បាប់វិនិយោគ ស្ថិរភាពនយោបាយ ក៏ដូចជាសក្ដានុពល និងកាលានុវត្តភាពនៃការវិនិយោគនៅកម្ពុជាដើម្បីទាក់ទាញការវិនិយោគ និងការធ្វើពាណិជ្ជកម្មមកកាន់កម្ពុជា។
លោក លឹម ហេង អនុប្រធានសភាពាណិជ្ជកម្មកម្ពុជា បានប្រាប់សារព័ត៌មាននៅថ្ងៃទី០៧ ខែកក្កដានេះថា កម្ពុជាមានគម្រោងបើកការិយាល័យតំណាងនៅបណ្តាប្រទេសដៃគូរពាណិជ្ជកម្មធំៗមួយចំនួនដែលក្នុងនោះមិនមែនតែប្រទេសជប៉ុនមួយទេ ខាងប្រទេសចិនក៏ស្នើឱ្យមានតំណាងការិយាល័យសភាពាណិជ្ជកម្មកម្ពុជាប្រចាំនៅប្រទេសរបស់ខ្លួនផងដែរ។ ហើយថ្មីៗនេះប្រទេសជប៉ុនទាំងពាណិជ្ជករ ទាំងស្ថានទូតជប៉ុនប្រចាំនៅកម្ពុជាបានជួបចរចាជាមួយក្រសួងពាណិជ្ជកម្ម ក៏ដូចសភាពាណិជ្ជកម្មកម្ពុជា សូមឱ្យដាក់តំណាងសភាពាណិជ្ជកម្មនៅប្រទេសជប៉ុន។
លោក លឹម ហេង បានបន្តថា ការបើកការិយាលល័យតំណាងសភាពាណិជ្ជកម្មកម្ពុជានៅក្រៅប្រទេសនេះ មិនមែនសំដៅតែប្រទេសទេ គឺសំដៅទៅតាមខេត្ត ក្រុង ឬរដ្ឋ នៅក្នុងប្រទេសនោះទៀតផង។ ក៏ប៉ុន្តែការយឺតយ៉ាងកន្លងទោនេះដោយសារតែសភាពាណិជ្ជកម្មកម្ពុជាកំពុងរៀបចំនិតិវិធីក្នុងការបោះឆ្នោតជ្រើសរើស ប្រធានតំណាងសម្រាប់ប្រចាំនៅក្រៅប្រទេស ដែលបញ្ហានេះវាទាមទារឱ្យមានការបោះឆ្នោតជ្រើសរើសប្រធានដើម្បីរក្សានូវតម្លាភាពសម្រាប់អ្នកតំណាងឱ្យសភាពាណិជ្ជកម្មកម្ពុជា។
ជាមួយគ្នានេះលោកអនុប្រធានសភាពាណិជ្ជកម្មបានឱ្យដឹងថា មកដល់ពេលនេះកម្ពុជាមិនទាន់មានការិយាល័យតំណាងនៅក្រៅប្រទេសនោះទេ។ ក៏ប៉ុន្តែនៅពេលខាងមុខប្រហែលជាប្រទេសជប៉ុនអាចចេញមុនគេ ហើយប្រទេសកាណាដាប្រហែលជានៅក្រោយកូវីដ-១៩ បន្ទាប់ពីកាណាដាទៅយើងក៏មានគម្រោងដាក់តំណាងការិយាល័យសភាពាណិជ្ជកម្មនៅក្រៅប្រទេសតែម្ដងដូចជានៅសហគមន៍អឺរ៉ុប សហរដ្ឋអាមេរិក និងបណ្ដាប្រទេសជាច្រើនទៀតដែលមានការចាំបាច់ត្រូវដាក់តំណាងនៅទីនោះ។ លោកបានឱ្យដឹងផងដែរថា សភាពាណិជ្ជកម្មកម្ពុជាគ្រោងបើការិយាល័យតំណាងសភាពាណិជ្ជកម្មកម្ពុជានៅប្រទេសកាណាដាតាំងពីឆ្នាំ២០១៩មកម៉្លេះ ប៉ុន្តែដោយសារវិបត្តិកូវីដ-១៩ ទើបត្រូវអូសបន្លាយរហូតដល់ពេលនេះ។
លោក លឹម ហេង បានបន្តថា ការបើកការិយាល័យតំណាងនៅក្រៅប្រទេសនេះមានគោលបំណងផ្សព្វផ្សាយនូវច្បាប់វិនិយោគរបស់កម្ពុជា ផ្សព្វផ្សាយស្ថិរភាពនយោបាយ ក៏ដូចជាសក្ដានុពល និងកាលានុវត្តភាពនៃការវិនិយោគនៅកម្ពុជា ដើម្បីទាក់ទាញអ្នកវិនិយោគមកបណ្តាក់ទុននៅកម្ពុជាផង និងធ្វើទំនាក់ទំនងជិតស្និទ្ធជាមួយរដ្ឋដែលមានតំណាងរបស់យើងនៅទីនោះ ដោយយើងអាចបង្កើតជាសហគមន៍ពាណិជ្ជករនៅក្នុងរដ្ឋនីមួយៗដែលមានការិយាល័យតំណាងរបស់យើងនៅទីនោះ ដើម្បីចូលរួម និងផ្សព្វផ្សាយទាក់ទាញវិនិយោគមកកាន់កម្ពុជា។
លោក លឹម ហេង បានបន្តថា មិនត្រឹមតែការទាក់ទាញវិនិយោគមកកម្ពុជាទេ ក៏អាចវិនិយោគនៅក្នុងប្រទេសទាំងនោះផងដែរ ព្រោះអ្នកវិនិយោគទុននៅកម្ពុជាមួយចំនួនក៏មានលទ្ធភាពក្នុងការវិនិយោគនៅក្រៅប្រទេសផងដែរ ហើយបើ កម្ពុជាមានលទ្ធភាព ក៏អាចនាំយកផលិតផលរបស់យើងទៅផលិតនៅក្នុងប្រទេសនោះតែម្ដង។
របាយការណ៍ពីក្រសួងសេដ្ឋកិច្ច និងហិរញ្ញវត្ថុបានបង្ហាញថានៅរយៈពេល៤ខែដំបូងនៅឆ្នាំ២០២១នេះ ស្ថានភាពវិនិយោគនៅកម្ពុជាមិនទាន់មានភាពល្អប្រសើរនៅឡើយទេដោយគម្រោងវិនិយោគឯកជនសរុបមានចំនួន៣៤គម្រោង ធ្លាក់ចុះ៤៣គម្រោង ធ្លាក់ចុះជាង៥៨% ក្នុងនោះទុនវិនិយោគសម្រេចបានជាង៧០០លានដុល្លារ ធ្លាក់ចុះប្រមាណ ៥៤% ធៀបនឹងរយៈពេលដូចគ្នាកាលពីឆ្នាំមុន៕
អត្ថបទ៖ ណារី
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ