សេដ្ឋកិច្ច
អង្គការទស្សនៈពិភពលោក រៀបចំសិក្ខាសាលាជាមួយកសិករចិញ្ចឹមត្រី ផ្តោតលើសុវត្ថិភាពចំណីអាហារ
អង្គការទស្សនៈពិភពលោក សហការជាមួយសមាគមវារីវប្បករកម្ពុជា ដើម្បីរៀបចំសិក្ខាសាលាតាមប្រព័ន្ធពីចំងាយ (ប្រព័ន្ធតេលេក្រាម Telegram) ជា មួយកសិករចិញ្ចឹមត្រី និងអ្នកកែច្នៃត្រី នៅថ្ងៃទី១៩ ខែសីហា ឆ្នាំ២០២១នេះ ដោយផ្តោតសំខាន់លើសុវត្ថិភាពចំណីអាហារ ព័ត៌មានទីផ្សារចែករំលែក ដោយសមាគមវារីវប្បករ ផ្សារភ្ជាប់ជាមួយសេវាកម្មហិរញ្ញវត្ថុ ដោយមានទិសដៅឱ្យអាជីរករទាំងអស់ផ្តោតសំខាន់រឿងអនាម័យក្នុងការកែច្នៃ ព័ត៌មានទីផ្សារត្រឹមត្រូវ និងសេវាកម្មហិរញ្ញវត្ថុផ្លូវការ។
គម្រោងអភិវឌ្ឍន៍វារីវប្បកម្មសម្រាប់និរន្តរភាពពាណិជ្ជកម្មនៅកម្ពុជា នឹងផ្តល់ជាការយល់ដឹងជាក់លាក់អំពីសេវាកម្មរបស់គ្រឹះស្ថានមីក្រូហិរញ្ញវត្ថុ ចម្រើន ចំពោះកសិករចិញ្ចឹមត្រី អ្នកកែច្នៃត្រី អ្នកភ្ញាស់កូនត្រី អ្នកផ្គត់ផ្គង់ចំណី ដោយធ្វើឱ្យពួកគាត់មានភាពងាយស្រួលក្នុងការទទួលបានសេវាហិរញ្ញវត្ថុផ្លូវការ និងប្រើវេទិការនេះការពិភាក្សារកដំណោះលើផលលំបាកកន្លងមក។
បើតាមអង្គការទស្សនៈពិភពលោក សេវាកម្មហិរញ្ញវត្ថុមានគោលដៅជួយសហគ្រាសខ្នាតតូច និងមធ្យមផ្លាស់ប្តូរស្ថានភាពសេដ្ឋកិច្ចរបស់ពួកគាត់ដោយផ្តល់ឱ្យជា ចំណេះ ជំនាញ លើសេវាហិរញ្ញវត្ថុឈានដល់ការបង្កើនទំហំប្រាក់ចំណូលរបស់ពួកគាត់។ ដើម្បីជាការឆ្លើយតបជាមួយស្ថានភាពកូវីដ-១៩ អង្គការទស្សនៈពិភពលោក និងសមាគមវារីវប្បករកម្ពុជា ចូលរួមគាំទ្រជីវភាពវារីវប្បករក្នុងការបន្សាំខ្លួនទៅនឹងស្ថានភាពដ៏លំបាកនេះ ដោយហិរញ្ញវត្ថុជាសេវាកម្មមួយដ៏សំខាន់។
សូមបញ្ជាក់ថា គ្រឹះស្ថានមីក្រូហិរញ្ញវត្ថុ ចម្រើន ជាគ្រឹះស្ថានមានការទទួលស្គាល់ពីកិច្ចការពារអតិថិជន (MFI) ដែលទទួលបានអាជ្ញាប័ណ្ណពីធនាគារជាតិនៃកម្ពុជា ក្នុងនាមជាគ្រឹះស្ថានមីក្រូហិរញ្ញវត្ថុដែលមិនទទួលប្រាក់បញ្ញើ។ គ្រឹះស្ថានមីក្រូហិរញ្ញវត្ថុ ចម្រើន ផ្តោតលើការគាំទ្រដល់សហគ្រិនខ្នាតតូចក្នុងការអភិវឌ្ឍសកម្មភាពបង្កើតប្រាក់ចំណូលរបស់គាត់ ហើយជាទូទៅធ្វើឱ្យប្រសើរឡើងនូវគុណភាពនៃជីវិត តាមរយៈការកែសំរួល និងបញ្ចូលគ្នានៃសេវាកម្មគាំទ្រហិរញ្ញវត្ថុ និងកម្មវិធីផ្សេងទៀតដែលមិនត្រូវការសាច់ប្រាក់។
ចំណែកសមាគមវារីវប្បករកម្ពុជា គឺជាសមាគមគាំទ្រសង្វាក់ផលិតកម្ម ដូចជាកសិករចិញ្ចឹមត្រី ភ្ញាស់កូនត្រី ចំណីរត្រី និងក្រុមហ៊ុនផលិតចំណីរ ដោយមិនប្រកាន់និន្នាការនយោបាយ និងសាសនា។
គម្រោងអភិវឌ្ឍន៍វារីវប្បកម្មសម្រាប់និរន្តរភាព ពាណិជ្ជកម្មនៅកម្ពុជា (ខាស់) គឺជាគម្រោងដែលទទួលបានការឧបត្ថម្ភថវិកា ពីក្រសួងកសិកម្មអាមេរិក ដើម្បីបង្កើនផលិតកម្មត្រីដែលមានតម្រូវការខ្ពស់សម្រាប់ទីផ្សារប្រទេសកម្ពុជា និង អភិវឌ្ឍន៍ផ្នែកឧស្សាហកម្មវារីវប្បកម្មប្រកបដោយនិរន្តរភាព ដែលអនុវត្តដោយអង្គការសណ្តែកសៀងអាមេរិកដែលជាដៃគូដឹកនាំ និង អង្គការទស្សនៈពិភពលោក៕
អត្ថបទ៖ កោះកែវ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល