សេដ្ឋកិច្ច
ធនាគារពិភពលោករំពឹងថាកម្ពុជាអាចនឹងបើកសកម្មភាពសេដ្ឋកិច្ចឡើងវិញក្នុងពេលឆាប់ៗ
ភ្នំពេញ៖ ធនាគារពិភពលោករំពឹងថា កម្ពុជាអាចនឹងបើកសកម្មភាពសេដ្ឋកិច្ចឡើងវិញក្នុងពេលឆាប់ៗខាងមុខនេះ ក្រោយយុទ្ធនាការចាក់វ៉ាក់សាំងកូវីដ សម្រេចបានជោគជ័យមុនផែនការកំណត់។
ថ្លែងនៅក្នុងជំនួបពិភាក្សាការងារជាមួយលោក អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ តាមរយៈប្រព័ន្ធ Video Conference លោកស្រី Maryam Salim ប្រធានគ្រប់គ្រងថ្មី របស់ការិយាល័យធនាគារ ពិភពលោក (World Bank) ប្រចាំកម្ពុជា បានសម្ដែងការអបអរសាទរចំពោះ ភាពជោគជ័យរបស់រាជរដ្ឋាភិបាលកម្ពុជា ក្នុងការចាក់វ៉ាក់សាំងជូនប្រជាជនតាមគោលដៅក្នុងល្បឿនលឿន នឹងអាចធ្វើឱ្យកម្ពុជាចាប់ផ្ដើមបើកសកម្មភាពសេដ្ឋកិច្ចឡើងវិញក្នុងពេលដ៏ឆាប់ៗខាងមុខនេះ។
លោកស្រីបានវាយតម្លៃខ្ពស់ចំពោះចំណាត់ការដ៏រហ័ស និងទាន់ពេលវេលារបស់រាជរដ្ឋាភិបាលកម្ពុជា ក្នុងការដាក់ចេញនូវ យុទ្ធនាការចាក់វ៉ាក់សាំង សម្រាប់កុមារ និងយុវជនអាយុចាប់ពី១២ឆ្នាំ ដល់ក្រោម១៨ឆ្នាំ និងការចាក់វ៉ាក់សាំងដូសទី៣ ឬដូសជំរុញ ដែលនឹងធ្វើឱ្យកម្ពុជាស្ថិតក្នុងចំណោមប្រទេសដែលបានចាក់វ៉ាក់សាំង ជូនប្រជាជនបានច្រើន។
លោកស្រី Maryam Salim បានកោតសរសើរចំពោះកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាដែល សម្រេចបាននូវសមិទ្ធផលផ្លែផ្កាជាច្រើន ពិសេសការដាក់ចេញនូគោលនយោបាយដ៏មុតស្រួចសំដៅប្រយុទ្ធការពារសុខភាពអាយុជីវិតរបស់ប្រជាជនពីការយាយី ដោយជំងឺកូវីដ-១៩ និងខិតខំរក្សាលំនឹងសេដ្ឋកិច្ច និងជីវភាពរស់នៅរបស់ប្រជាជនពីផលប៉ះពាល់គួរឱ្យកត់សម្គាល់។
ប្រធានគ្រប់គ្រងថ្មី របស់ការិយាល័យធនាគារពិភពលោកប្រចាំកម្ពុជា ក៏បានបង្ហាញជំហរបន្តគាំទ្រដល់ រាជរដ្ឋាភិបាលកម្ពុជា ពិសេសក្នុងការផ្តល់ជាធាតុចូលបន្ថែមលើផែនការស្ដារសេដ្ឋកិច្ចឡើងវិញ ក្រោយវិបត្តិកូវីដ-១៩ ឆ្នាំ២០២១-២០២៣ និងកែសម្រួលឯកសារក្របខណ្ឌ នៃភាពជាដៃគូ រវាងរាជរដ្ឋាភិបាល ជាមួយធនាគារពិភពលោក ឱ្យឆ្លើយតបទៅនឹងបរិការបច្ចុប្បន្ន និងស្របតាមផែនការស្ដារសេដ្ឋកិច្ចឡើងវិញក្រោយវិបត្តិកូវីដ-១៩ ឆ្នាំ២០២១-២០២៣ របស់រាជរដ្ឋាភិបាលកម្ពុជា។
គួរបញ្ជាក់ថា គិតត្រឹមថ្ងៃទី២៣ ខែសីហា ឆ្នាំ២០២១ កម្ពុជាបានចាក់វ៉ាក់សាំងដល់ពលរដ្ឋដែលមានអាយុចាប់ពិ១៨ឆ្នាំឡើងមានចំនួន ៨,៧៦៧,៨២៧នាក់ ស្មើនឹង ៨៧.៦៨ភាគរយ ធៀបនឹងគោលដៅ១០លាននាក់ ចាក់លើកុមារ និងយុវជនអាយុពី ១២ឆ្នាំ ទៅក្រោម១៨ឆ្នាំ មានចំនួន១,០៨៤,០៦៩នាក់ ស្មើនឹង៥១.១១ភាគរយ ធៀបជានឹងគោលដៅជិត២លាននាក់ និងចាក់វ៉ាក់សាំងដូសទី៣ ឬដូសជំរុញបានចំនួន៥០៧,៩៤០នាក់៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង