ព័ត៌មានជាតិ
កសិករសប្បាយចិត្ត ត្បិតដំណាំខ្ទឹមឆ្នាំនេះ មានហាងឆេងល្អ
ប្រជាកសិកររស់នៅក្នុង ឃុំទឹកហូត នៃស្រុករលាប្អៀរ ខេត្តកំពង់ឆ្នាំ បានសំដែងការសប្បាយចិត្ត ដោយសារតែបន្លែដើមខ្ទឹមរបស់ពួកគាត់នៅមានតម្លៃថ្លៃល្អប្រសើរខុសពីឆ្នាំមុនៗ បើទោះបីពេលនេះតម្លៃទីផ្សារបានធ្លាក់ចុះបន្តិចមែន ប៉ុន្តែពួកគាត់នៅតែអាចទទួលយកបាន ។
ស្ត្រីអ្នកធ្វើចម្ការឈ្មោះ ចាន់ អូន បាននិយាយឱ្យដឹងថា គាត់មានដីត្រឹមតែ៣០អារ ប៉ុណ្ណោះ តែបានជួលដីគេដើម្បីធ្វើចម្ការ បានធំចាងមុន។ នៅក្នុងចំការ គាត់បានដាំបន្លែ ដូចជា ត្រសក់ ត្រឡាច សណ្ដែកកួរ ប៉ុន្តែ បន្លែដែលគាត់ចាប់អារម្មណ៍ជាងគេ ដែលកំពុងមានទីផ្សារល្អ គឺដំណាំខ្ទឹម ដែលបច្ចុប្បន្ន មានតម្លៃថ្លៃ៦ពាន់រៀល ក្នុង១គីឡូក្រាម ។
កសិករឈ្មោះ ប៉ាត សៅ មានទីលំនៅភូមិនាមទទឹង ឃុំទឹកហូត បានឲ្យដឹងដែរថា គាត់ជាអ្នកដាំខ្ទឹមនៅភូមិព្រែសាលា ជាយូរមកហើយ ថ្វីបើគាត់មិនបានចូលសហគមន៍បណ្ដុំបន្លែក៏ពិតមែន ប៉ុន្តែតម្លៃ បន្លែរបស់ពួកគាត់នៅតែមានហាងឆេងល្អដដែល ។
ជាក់ស្ដែងខ្ទឹមរបស់គាត់កាលពីទឹកឡើង ថ្មីៗកន្លងទៅនេះ អាចលក់បាន ១ម៉ឺនរៀល ក្នុងមួយគីឡូក្រាម ហើយក្រោយមកទើបតម្លៃធ្លាក់ចុះ ជាបន្តបន្ទាប់ រហូតបច្ចុប្បន្ននៅត្រឹម៦៥០០រៀល នៅតែសប្បាយចិត្ត ព្រោះតម្លៃនេះ គាត់អាចទទួលយកបានដែរ។
ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំង លោក ងិន ហ៊ុន បានឲ្យដឹងថា ជាការពិតណាស់ ដើមខ្ទឹមបានឡើងដល់ជាង ១ម៉ឺនរៀល កាលពីដើមខ្ទឹមអត់ និងគ្មានលក់ក្នុងទីផ្សារ។ ប៉ុន្តែលោកថា ពេលខ្លះ ខ្ទឹមបានចុះដល់ក្រោម ១ពាន់រៀល ក្នុងមួយគីឡូក្រាម នៅពេលដែលខ្ទឹមសំបូរច្រើន ហេតុដូចនេះ គឺអាចនិយាយបានថា តម្លៃទីផ្សារមិនថេរនោះទេ ពេលខ្លះឡើង និងពេលខ្លះចុះ ។
លោកបានលើកឡើងដែរថា ដើម្បីឲ្យស្ថានភាព នៃតម្លៃឱ្យបានស្ថិតស្ថេរ ខាងមន្ទីរកសិកម្មខេត្តបាន រៀបចំចងក្រងជាសហគមន៍បណ្ដុំ គឺប្រមូលផ្ដុំបន្លែគ្រប់ប្រភេទ យកទៅដាក់លក់តែមួយកន្លែង ដើម្បីរក្សាតម្លៃឱ្យមានលំនឹង និងជៀសវាងឈ្មួញ ចូលមកធ្វើឲ្យតម្លៃធ្លាក់ចុះថោក ។
លោកប្រធានមន្ទីកសិកម្មខេត្ត បានបញ្ជាក់ដែរថា ជាក់ស្តែងនៅក្នុងភូមិត្រពាំងក្រពើ ក៍បានបង្កើតសហគមន៍ ប្រមូលផ្តុំ ហើយដំណើរការបានជោគជ័យ រហូតដល់សព្វថ្ងៃនេះ។ ចំណែកអ្នកនៅភូមិនាមទទឹងដែលនៅជាប់មាត់ទន្លេ ពួកគាត់មិនបានចូលសហគមន៍ ក៍ពិតមែន តែពួកគាត់នៅឃុំជាមួយគ្នាដែលអាចទទួលចំហាយពីសហគមន៍នេះ ទើបបន្លែគាត់មានតម្លៃក្នុងទីផ្សារបានល្អដូចគ្នា ៕
អត្ថបទ ៖ ឈៀង ថារិទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត