សេដ្ឋកិច្ច
អ្នកនាំពាក្យ៖ សាំងនៅកម្ពុជា អាចចុះថ្លៃនៅដើមឆ្នាំ ២០២២
តម្លៃសាំងនៅកម្ពុជា ឡើងថ្លៃជាបន្តបន្ទាប់ ក្លាយជាកង្វល់របស់ពលរដ្ឋ ជាពិសេសអ្នកដែលប្រកបរបរនៅក្នុងវិស័យដឹកជញ្ជូន។ នៅចុងឆ្នាំ ២០២១នេះ តម្លៃសាំងទំនងជាមិនទាន់ចុះថ្លៃនៅឡើយទេ ដោយសារប្រេងឥន្ធនៈនៅលើពិភពលោកខ្វះកម្លាំងផលិត និងមានតម្រូវការខ្ពស់ ដែលជាហេតុនាំឱ្យតម្លៃប្រេងបន្តឡើងថ្លៃ។
បើតាមការប៉ាន់ស្មានតម្លៃប្រេងសាំងនៅកម្ពុជា អាចនឹងចុះថ្លៃបន្តិចវិញ នៅដើមឆ្នាំ ២០២២ ខាងមុខ។ នេះបើតាមការបញ្ជាក់របស់លោក ប៉ែន សុវិជាតិ អ្នកនាំពាក្យក្រសួងពាណិជ្ជកម្ម។ លោក សុវិជាតិ សង្កត់ធ្ងន់ថា យើងត្រូវទ្រាំលំបាកប្រហែល២ខែទៀត ពោលគឺដើមឆ្នាំក្រោយអាចជាសញ្ញាល្អមួយ គឺសាំងនឹងធ្លាក់ចុះតម្លៃ នៅពេលដែលប្រទេសផលិតប្រេងប្រឹងប្រែងផលិត ផលិតកម្មរបស់ខ្លួន។ លោកថា « គេមិនអាចទុកឱ្យវិបត្តិប្រេងបន្តអូសបន្លាយយូរទេក្នុងរឿងនេះ»។
អ្នកនាំពាក្យរូបនេះ បានឱ្យដឹងទៀតថា វិបត្តិប្រេងឡើងថ្លៃនេះ មិនមែនកើតឡើងតែនៅកម្ពុជានោះទេ គឺកើតឡើងជាសកល សូម្បីប្រទេសជិតខាងយើងដូចជា ថៃ វៀតណាម ក៏ឡើងថ្លៃដូចគ្នា គ្រាន់តែមានការសម្របសម្រួលពីរាជរដ្ឋាភិបាលតាមវិធានការផ្សេងៗគ្នារបស់ប្រទេសនីមួយៗ។
លោក ប៉ែន សុវិជាតិ ពន្យល់អំពីមូលហេតុដែលតម្លៃប្រេងសាំងបន្តឡើងថ្លៃនៅចុងឆ្នាំនេះថា ប្រទេសយើងមិនមែនជាប្រទេសផលិតប្រេងទេ គឺយើងនាំចូលប្រេងពីទីផ្សារអន្តរជាតិ ដូចជានាំចូលពីប្រទេសសិង្ហបុរី ថៃ វៀតណាម ដូច្នេះប្រសិនបើតម្លៃប្រេងឥន្ធនៈឡើងជាទូទៅ នៅកម្ពុជា ក៏ឡើងដូចគ្នា។
អ្នកជំនាញលើកឡើងថា កាលពីប៉ុន្មានឆ្នាំមុន ប្រទេសផលិតធ្លាប់មានបទពិសោធន៍ផលិតប្រេងលើសចំនួន ដែលជាហេតុធ្វើឱ្យខ្វះកន្លែងស្តុកប្រេង ត្រូវបញ្ចេញក្នុងតម្លៃមួយដែលទាបបំផុត ទើបក្រោយៗមកប្រទេសផលិតប្រេងផលិតត្រឹមតែគ្រប់ចំនួនប្រើប្រាស់ប៉ុណ្ណោះ។ មូលហេតុមួយទៀត គឺក្នុងបរិបទវិបត្តិកូវីដ-១៩ មនុស្សមិនសូវចេញក្រៅ មធ្យោបាយធ្វើដំណើរក៏មិនប្រើប្រាស់ច្រើន ប៉ុន្តែក្រោយប្រជាពលរដ្ឋភាគច្រើនបានចាក់វ៉ាក់សាំងក្នុងកម្រិតមួយខ្ពស់ ការឆ្លងរាលដាលនៃជំងឺកូវីដ-១៩ ក៏មានការថមថយ មធ្យោបាយធ្វើដំណើរចាប់ផ្តើមកើនឡើងវិញ ជាហេតុធ្វើឱ្យការផ្គត់ផ្គង់ប្រេងមិនគ្រប់តម្រូវការ ទើបតម្លៃប្រេងឡើងថ្លៃជាលំដាប់។
គិតត្រឹមថ្ងៃទី ០៣ ខែ វិច្ឆិកានេះ តម្លៃប្រេងស៊ុបពែនៅកម្ពុជា មានតម្លៃ១លីត្រ ៥០៥០រៀល សាំងធម្មតា១លីត្រ តម្លៃ ៤៥៥០រៀល និងម៉ាស៊ូតតម្លៃ១លីត្រ ៤១០០រៀល៕
អត្ថបទ៖ ទួន សុផល
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ