សេដ្ឋកិច្ច
តម្រូវការសាច់ជ្រូក និងសាច់មាន់ ចាប់ផ្ដើមកំរើកឡើងវិញ
ទីផ្សារលក់សត្វជ្រូករស់ និងមាន់រស់របស់ប្រជាកសិករ ចាប់ផ្ដើមកំរើកឡើងវិញហើយ បន្ទាប់ពីរាជរដ្ឋាភិបាល បានប្រកាសបើកដំណើរការសង្គម-សេដ្ឋកិច្ច និងបើកឲ្យមានការរៀបចំពិធីមង្គលការ ពិធីបុណ្យទាន និងជប់លៀងនានាមក។ នេះបើតាមការឲ្យដឹងពីលោក ស្រ៊ុន ពៅ ប្រធានសមាគមអ្នកចិញ្ចឹមសត្វនៅកម្ពុជា។
លោក ស្រ៊ុន ពៅ មានប្រសាសន៍ប្រាប់កម្ពុជាថ្មី នៅព្រឹកថ្ងៃទី១៦ ខែវិច្ឆិកានេះថា លោកសូមចូលរួមអបអរសាទរ ជាមួយប្រជាកសិករអ្នកចិញ្ចឹមសត្វទាំងអស់ ក្រោយពីរាជរដ្ឋាភិបាល ប្រកាសបើកដំណើរការប្រទេសលើគ្រប់វិស័យឡើងវិញ។ លោកថា កាលពីពេលកន្លងមក ជ្រូករស់របស់ប្រជាកសិករ មានការកកស្ទះនៅកន្លែងចិញ្ចឹម ដោយសារលក់មិនចេញ និងមានអ្នកចិញ្ចឹមច្រើន តែនៅពេលដែលរាជរដ្ឋាភិបាល បានបើកសង្គម-សេដ្ឋកិច្ចឡើងវិញ ធ្វើឲ្យពួកគាត់ អាចបញ្ចេញជ្រូកលក់បានវិញបណ្ដើរៗ ហើយ។
ប្រធានសមាគមអ្នកចិញ្ចឹមសត្វនៅកម្ពុជា មានប្រសាសន៍បន្តថា «យើងឃើញថា ការបើកប្រទេសវិញនេះ ក៏សូមត្រេរអរ និងសូមចូលរួមក្នុងការបើកប្រទេសនេះ ដោយសារប្រជាកសិករយើង កំពុងតែកកស្ទះជ្រូក ដល់តែបើកឡើងវិញទៅ យើងឃើញថា ទីផ្សារគឺឃើញថា កើនឡើង ក៏ប៉ុន្តែវាអត់ទាន់កើនខ្លាំងទេ ដោយសារអី ដោយសារ ការ បុណ្យ យើងទើបតែរៀបចំ អញ្ចឹងវាទម្រាំតែដើរមែនទែន ទាល់តែពីកន្លះខែឡើងលើ»។
បច្ចុប្បន្ននេះសម្រាប់សត្វមាន់រស់ ក្នុង ១គីឡូក្រាមតម្លៃ ៦,៥០០រៀល សម្រាប់មាន់សាច់។ រីឯមាន់ ៣សាសន៍ ក្នុង ១គីឡូតម្លៃចន្លោះពី ១០,០២០០រៀល ទៅ១០,០៣០០រៀលហើយ ដែលជាល្អមួយក្រោយពីការបើកប្រទេសឡើងវិញ។ ចំណែកឯជ្រូករស់វិញ ក្នុង ១គីឡូក្រាមតម្លៃចន្លោះពី ៩០០០រៀល ទៅ១០០០០រៀលដដែល ហើយតម្លៃនេះនៅតែទាបនៅឡើយទេ។
តែអ្វីជាដំណឹងល្អនោះ គឺកាលពីពេលថ្មីៗនេះ អគ្គនាយកសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ បានបិទការនាំចូលសត្វជ្រូករស់ពីក្រៅប្រទេស ១០០ភាគរយហើយ ដើម្បីឲ្យប្រជាកសិករក្នុងស្រុក បញ្ចេញលក់ជ្រូករស់ដែលពួកគាត់កកស្ទះ កាលពីពេលកន្លងមក។
លោក ស្រ៊ុន ពៅ ប្រធានសមាគមអ្នកចិញ្ចឹមសត្វនៅកម្ពុជា បានបញ្ជាក់បន្ថែមថា «បាទបិទ ១០០ភាគរយៗ អត់មាននាំចូល បាទហ្នឹងល្អមែនទែន ដើម្បីកសិករយើងនៅក្នុងប្រទេស ដើម្បីគាត់ធ្វើការគេហៅថា ពង្រីក និងពង្រឹងខ្លួន ដើម្បី ឈានទៅរកបង្គ្រប់ទីផ្សារ ដោយមិនបាច់នាំចូលនោះ….បិទតែពេលឥឡូវនេះ ដោយសារអី ដោយសារយើងវាគ្រប់គ្រាន់ ពេលណាដែលយើងខ្វះខាត យើងត្រូវតែឲ្យចូល បើមិនឲ្យចូលវាធ្វើឲ្យប៉ះពាល់ដល់អ្នកហូប»។
សូមជម្រាបថា កាលពីថ្ងៃទី ១ ខែវិច្ឆិកា ឆ្នាំ ២០២១ រាជរដ្ឋាភិបាល បានប្រកាសបើកដំណើរការ ប្រទេសឡើងវិញលើគ្រប់វិស័យ។ ក្នុងនោះ ក៏បានអនុញ្ញាតឲ្យការជួបជុំ រៀបចំពិធីមង្គលការ ពិធីជប់លៀង និងពិធីបណ្យទានផ្សេងៗ ទៀតផងដែរ៕
អត្ថបទ៖ ឃួន សុភ័ក្រ
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore