សេដ្ឋកិច្ច
មនុស្សជាង ៤៦ម៉ឺននាក់ចេញដើរលេងនៅទូទាំងប្រទេសក្នុងពិធីបុណ្យអុំទូកពីរថ្ងៃ
២ថ្ងៃនៃពិធីបុណ្យអុំទូកទូទាំងប្រទេសទទួលបានភ្ញៀវទេសចរជាងសរុបជាង ៤៦ម៉ឺននាក់។ សម្រាប់ថ្ងៃទី២ មានចំនួនភ្ញៀវទេសចរជាង ៣៣ម៉ឺននាក់។ ក្នុងនោះភ្ញៀវជាតិមានចំនួន៣២៨,៤១២នាក់ និងភ្ញៀវបរទេសផ្ទៃក្នុង៤,៤៦៣នាក់។
លោក ថោង ខុន រដ្ឋមន្រ្តីក្រសួងទេសចរណ៍ បានលើកឡើងថា ការចល័តរបស់ភ្ញៀវទេសចរពីខេត្តមួយទៅខេត្តមួយនឹងនៅតែមានសន្ទុះខ្លាំងរហូតដល់ចុងសប្តាហ៍ ស្របពេលដែលការកក់សណ្ឋាគារនៅតាមគោលដៅសំខាន់ៗដូចជាខេត្តព្រះសីហនុ កែប កំពត សៀមរាប មណ្ឌលគិរី និងរតនគិរី គឺនៅតែមានកម្រិតខ្ពស់ គឺស្ថិតនៅចន្លោះពី ៨០-៩០%។
សកម្មភាពពេលរាត្រីនៅតាមបណ្តាទីរួមខេត្ត រាជធានី និងទីប្រជុំជននានាមានភាពអ៊ូអរ បន្ទាប់ពីរាជរដ្ឋាភិបាលបានអនុញ្ញាតឲ្យសកម្មភាពកម្សាន្តដូចជាបៀរហ្កាដិនជាដើម បានបើកដំណើរការឡើងវិញ ដែលគាំទ្រដល់ការដើរកម្សាន្តរបស់ភ្ញៀវទេសចរនៅតាមគោលដៅទេសចរណ៍ និងរមណីយដ្ឋាននានា បង្កើនការចំណាយរបស់ភ្ញៀវទេសចរ និងបង្កើនចំណូលរបស់វិស័យឯកជន និងប្រជាពលរដ្ឋ។
ទន្ទឹមនឹងនេះ លោក ថោង ខុន គូសបញ្ជាក់ថា ការគ្រប់គ្រងគុណភាពសេវាកម្ម ផលិតផលទេសចរណ៍ បរិស្ថាន អនាម័យ គឺពុំមានបញ្ហាកត់សម្គាល់ណាមួយកើតឡើងទេ ស្របពេលដែលមូលដ្ឋានអាជីវកម្មទេសចរណ៍ភាគច្រើនបានខិតខំផ្តល់សេវាជូនភ្ញៀវទេសចរប្រកបដោយស្តង់ដា ទោះបីប្រឈមនឹងបញ្ហាជំងឺកូវីដ-១៩នាពេលកន្លងមក។
ពាក់ព័ន្ធការងារទប់ស្កាត់ជំងឺកូវីដ-១៩ គ្រប់ភាគីពាក់ព័ន្ធ ទាំងផ្នែកសាធារណៈ រដ្ឋបាលរាជធានីខេត្ត មន្ទីរទេសចរណ៍ ផ្នែកឯកជន និងភ្ញៀវទេសចរ បានខិតខំពង្រឹងការអនុវត្ត និងចូលរួមអនុវត្តរាល់វិធានការទាំងឡាយរបស់រាជរដ្ឋាភិបាល វិធានសុវត្ថិភាពទេសចរណ៍ SOP ពិសេសវិធានការ ៣កុំ និង ៣ការពារ។ គណៈបញ្ជាការឯកភាពរាជធានី-ខេត្តបានបន្តខិតខំក្នុងការរក្សាសន្តិសុខ សុវត្ថិភាព សណ្តាប់ធ្នាប់ និងសម្រួលចរាចរណ៍ បើទោះបីតំបន់ខ្លះប្រឈមនឹងស្ថានភាពភ្លៀងធ្លាក់។
យោងតាមរបាយការណ៍របស់ក្រសួងទេសចរណ៍បានបង្ហាញថា គោលដៅទេសចរណ៍សំខាន់ៗសម្រាប់ថ្ងៃឈប់សម្រាកទី២ នៃបុណ្យអុំទូករួមមាន៖ រាជធានីភ្នំពេញទទួលបានភ្ញៀវទេចរ ៦៦,៧៥០នាក់ ខេត្តសៀមរាប ៤៧,៧០២នាក់ ខេត្តព្រះសីហនុ ៤៤,២៤២នាក់ ខេត្តកំពត ៣៣,២៥២នាក់ ខេត្តកែប ២៩,១១៧នាក់ ខេត្តពោធិ៍សាត់ ២១,៣១៣នាក់ ខេត្តបាត់ដំបង ១១,១៨៩នាក់ ខេត្តមណ្ឌលគិរី ១០,៦២០នាក់ ខេត្តរតនគិរី ១០,១៧៨នាក់។
លោករដ្ឋមន្ត្រី ថោង ខុន រំពឹងទុកថា ចរន្តភ្ញៀវទេសចរនាថ្ងៃឈប់សម្រាកទី២ មានការកើនឡើងខ្លាំង ពោលគឺកើនឡើង១៥២.១៥% បើធៀបនឹងថ្ងៃទី១៕
អត្ថបទ៖ ទួន សុផល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ