សេដ្ឋកិច្ច
អង្គការ ៣ រួមគ្នា គាំទ្រកម្មវិធីគាំទ្រសហគ្រាសធុនតូចនិងមធ្យមដែលមានឥទ្ធិពលវិជ្ជមាន
អង្គការ ៣ រួមមានសហគ្រិនខ្មែរ(Khmer Enterprise) អង្គការអុកស្វាម និង Platform Impact បានចុះកិច្ចព្រមព្រៀងសហការគ្នាជាដៃគូ ដើម្បីពន្លឿនជំរុញ និងពង្រីកសកម្មភាពសហគ្រិនភាពដែលមានឥទ្ធិពលវិជ្ជមាននិងសកម្មភាពហិរញ្ញប្បទានប្រកបដោយការទទួលខុសត្រូវនៅកម្ពុជាតាមរយៈការអនុវត្ត“កម្មវិធីគាំទ្រសហគ្រាសធុនតូច និង មធ្យមដែលមានឥទ្ធិពលវិជ្ជមាន(Program Impact-Driven SME or PRISME)” ។
សហគ្រិនខ្មែរ និងអង្គការអុកស្វាម នឹងសហការផ្តល់មូលនិធិនិងគាំទ្រដល់ការអនុវត្ត PRISME ក្នុងរយៈពេល ៣ ឆ្នាំ ចាប់ពីឆ្នាំ ២០២១ ដល់ ២០២៤ ។ ចំណែកឯ Platform Impact ធ្វើការជាដៃគូជាមួយ Cambodia Investor Club នឹងរៀបចំ និងអនុវត្តផែនការយុទ្ធសាស្រ្តបច្ចេកទេស និងភ័ស្តុភារដើម្បីផ្តល់ការគាំទ្រប្រកបដោយគុណភាពខ្ពស់ ដល់សហគ្រិនដើម្បីបង្កើត និងដាក់ឱ្យដំណើរការនូវសហគ្រាសដែលមានឥទ្ធិពលវិជ្ជមាននៅក្នុងប្រទេសកម្ពុជា។
PRISME គឺជាកម្មវិធីសហគ្រិនភាពមួយថ្មីនវានុវត្តន៍និងល្អបំផុតដែលមានគោលដៅកសាងអភិវឌ្ឍ និងផ្តល់ភាពអង់អាចដល់សហគ្រាសដែលមានឥទ្ធិពលវិជ្ជមាន សហគ្រាសកូនកាត់ដែលរួមបញ្ចូលបេសកកម្មទៅក្នុងអាជីវកម្ម និងផ្តោតការយកចិត្តទុកដាក់ទៅលើការបំពេញតាមតម្រូវការសង្គមដោយប្រើប្រាស់ថាមពលសហគ្រិន និងយុទ្ធសាស្រ្តទីផ្សារ ដើម្បីបង្ហាញថា ការរកប្រាក់ចំណេញ និងការមានឥទ្ធិពលវិជ្ជមានលើសង្គមគឺមិនមែនជាគំនិតដាច់ដោយឡែកពីគ្នានោះទេ។ គំនិតទាំងនេះ មានលក្ខណៈបរិយាប័ន្ន យកចិត្ត ទុកដាក់លើបរិស្ថាន និងប្រើប្រាស់គោលដៅអភិវឌ្ឍន៍ប្រកបដោយចីរភាព ជាក្របខ័ណ្ឌមួយសម្រាប់ធ្វើការសម្រេចចិត្ត និងធ្វើសកម្មភាព ។
លោកស្រី ភាណ សោភ័ណ នាយិកាអង្គការអុកស្វាម បានមានប្រសាសន៍ថា សហគ្រាសធុនតូច និងមធ្យម(SMEs)បានដើរតួនាទីយ៉ាងសំខាន់ក្នុងការជម្រុញកំណើនសេដ្ឋកិច្ចរបស់កម្ពុជាតាមរយៈការផ្តល់ការងារ និងបង្កើតប្រាក់ចំណូលសម្រាប់ប្រជាពលរដ្ឋដែលមានចំណូលទាប ក៏ដូចជា ក្នុងការបង្កផលប៉ះពាល់ដល់សង្គមនិងបរិស្ថាន។
លោកបណ្ឌិត ឈៀង វណ្ណមុនិណ្ឌ នាយកប្រតិបត្តិសហគ្រិនខ្មែរ បានលើឡើងថា កម្មវិធីនេះ នឹងមិនត្រឹមតែលើកកម្ពស់សហគ្រាសធុនតូច និងមធ្យមដែលចូលរួមតាម រយៈការបណ្តុះបណ្តាលជំនាញផ្សេងៗ និងការអភិវឌ្ឍប្រតិបត្តិការប៉ុណ្ណោះទេ ប៉ុន្តែ ថែមទាំងពង្រីកអាជីវកម្មរបស់ពួកគេទៅមួយកម្រិតទៀតតាមរយៈការវិនិយោគទុន និងទទួលបានអត្ថប្រយោជន៍ផ្សេងៗពីបណ្តាញថ្នាក់ជាតិ និងថ្នាក់តំបន់។
ចំណែក លោក វ៉ាន់ វិចិត្រ នាយកគ្រប់គ្រងភាពជាដៃគូរវាងវិស័យសាធារណៈនិងឯកជននៃ Platform Impact បានបញ្ជាក់ថា PRISMEមានគោលបំណងលើកកម្ពស់ការប្រកួតប្រជែងរបស់សហគ្រាសធុនតូច និងមធ្យមក្នុងស្រុកតាមរយៈការតភ្ជាប់ខ្សែសង្វាក់តម្លៃការបង្កើនលទ្ធភាពចូលទីផ្សារ និងទទួលបានហិរញ្ញប្បទានប្រសិទ្ធភាពពាណិជ្ជកម្ម ក៏ដូចជា ការរួមបញ្ចូលសមាសធាតុបរិស្ថានសង្គម និងអភិបាលកិច្ច។
PRISME នឹងចាប់ផ្តើមផ្តល់ការគាំទ្រដល់ក្រុមទីមួយនៃសហគ្រាសដែលមានឥទ្ធិពលវិជ្ជមាននៅខែមករា។ ខណៈពេលនេះ កម្មវិធីកំពុងរៀបចំបញ្ចប់បញ្ជីសហគ្រាសចំនួន១០ ដែលត្រូវចូលរួមក្នុងក្រុមដែលសហគ្រាសនីមួយៗនឹងទទួលបានការគាំទ្ររយៈពេលមួយឆ្នាំដោយធ្វើការយ៉ាងជិតស្និទ្ធជាមួយអ្នកបង្កើតអាជីវកម្មបណ្តាក់ទុនដែលចាប់ផ្តើមពីដំណាក់កាលបង្កើតផែនការអាជីវកម្ម រហូតដល់ការត្រៀមខ្លួន និងបិទការវិនិយោគ។ បេក្ខភាពសហគ្រាសដែលចូលរួម គឺមកពីផ្នែកផ្សេងៗ គ្នាចាប់តាំងពីផ្នែកសេវាសុខភាព រហូតដល់ធុរកិច្ចបៃតង និងផ្នែកគ្រប់គ្រងសម្រាម៕
អត្ថបទ ៖ ណារី
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល