ព័ត៌មានជាតិ
ហេតុផលមួយចំនួន ដែលវិស័យឯកជនមិនទាន់នាំចូលវ៉ាក់សាំងកូវីដ១៩
រហូតមកដល់ពេលនេះ មិនទាន់មានក្រុមហ៊ុនឯកជនណាមួយ នាំចូលវ៉ាក់សាំងបង្ការជំងឺកូវីដ១៩ នៅ ឡើយទេ ដោយសារហេតុផលមួយចំនួន។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា ប្រាប់កម្ពុជាថ្មីថា រហូតមកដល់ពេលនេះ មិនទាន់មានវិស័យឯកជន នាំចូលវ៉ាក់សាំងបង្ការជំងឺកូវីដ១៩ នោះទេ ដោយសារតែវ៉ាក់សាំងរបស់រាជរដ្ឋាភិបាលមានគ្រប់គ្រាន់ហើយ ម្យ៉ាងទៀត ក្រុមហ៊ុនឯកជន មើលទៅ លើទីផ្សារ ដោយសារបច្ចុប្បន្នវ៉ាក់សាំងរបស់រដ្ឋមានហើយ និងចាក់មិនគិតប្រាក់ទៀត ដូច្នេះ ក្រុមហ៊ុនឯកជនមិនយកមកនោះទេ។
កាលពីអំឡុងពាក់កណ្ដាលឆ្នាំនេះ ក្រសួងសុខាភិបាលបានអនុញ្ញាតឱ្យវិស័យឯកជនអាចនាំចូលវ៉ាក់សាំងបង្ការជំងឺកូវីដ១៩ ដើម្បីចាក់ជូនប្រជាពលរដ្ឋដែលមានលទ្ធភាពចំណាយប្រាក់ និងផ្ដល់សេវាសុខាភិបាលឱ្យកាន់តែទូលំទូលាយ ទប់ស្កាត់ការឆ្លងរាលដាលជំងឺកូវីដ-១៩។
កន្លងទៅ មន្ត្រីជាន់ខ្ពស់ក្រសួងសុខាភិបាល ធ្លាប់បញ្ជាក់ថា ក្រុមហ៊ុនឯកជនមិនទាន់អាចនាំចូលវ៉ាក់សាំងដោយសារតែការកម្មង់ និងបញ្ជាទិញតិចតួចដែលមានការលំបាកក្នុងការដឹកជញ្ជូន និងរក្សាទុក។
កន្លងមក មន្ទីរពេទ្យរ៉ូយ៉ាល់ភ្នំពេញ នៅ ថ្ងៃទី ១៧ ខែសីហា ឆ្នាំ ២០២១ បានបញ្ជាក់ប្រាប់ថា ខ្លួនមិនទាន់មាន វ៉ាក់សាំងកូវីដ១៩ Pfizer & Moderna សម្រាប់លក់ និងចាក់ជូនប្រជាពលរដ្ឋនៅឡើយទេ។
មន្ទីរពេទ្យរ៉ូយ៉ាល់ភ្នំពេញបញ្ជាក់ថា មន្ទីរពេទ្យក៏ពុំទាន់មានព័ត៌មានជាក់លាក់ណាមួយដែលថា មន្ទីរពេទ្យ និងអាចបញ្ជាទិញវ៉ាក់សាំងបាននៅ ពេលណានោះដែរ៕
អត្ថបទ៖ ឡេង ដេត
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១៣ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ១០ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ