ព័ត៌មានជាតិ
មកពីសល់គ្រឿងក្នុងច្រើន សាច់ជ្រូកចាប់ផ្តើមឡើងថ្លៃតាមផ្សារតូចធំ
ភ្នំពេញ៖ តម្លៃសាច់ជ្រូកនៅតាមទីផ្សារតូចធំនៅក្នុងរាជធានីភ្នំពេញ បានចាប់ផ្តើមឡើងថ្លៃជាង៣៥ភាគរយ សម្រាប់សាច់ជ្រូកសុទ្ធ និងជិត៥០ភាគរយ សម្រាប់សាច់ជ្រូកបីជាន់ដោយសារជំងឺកូវីដ១៩។
លោកស្រ៊ុន ពៅ ប្រធានសមាគមចិញ្ចឹមសត្វកម្ពុជាបានមានប្រសាសន៍នៅព្រឹកថ្ងៃទី១៤ធ្នូនេះថា ការដែលតម្លៃសាច់ជ្រូកមានការឡើងថ្លៃនៅតាមទីផ្សារនោះ គឺដោយសារតែអ្នកកាប់សាច់ជ្រូកលក់បានថយចុះ និងអាជីវករយកលក់ក៏ថយចុះដែលពីមុនធ្លាប់លក់១០០គីឡូ ធ្លាក់មកនៅ៥០គីឡូវិញតែតម្លៃពលកម្មនៅរក្សាដដែល ដែលទាមទារឲ្យពួកគាត់ត្រូវតម្លើងថ្លៃ។
លោកបានបន្តថា ដោយសារវិបត្តិកូវីដ១៩ប ហាងលក់គុយទាវក៏ដូចជាភោជនីដ្ឋានមួយចំនួន បានបិទទ្វារដែលធ្វើឲ្យអ្នកលក់សល់គ្រឿងក្នុង ក្បាលជ្រូក ជើងជាដើមត្រូវនៅសល់។ ដូច្នេះពួកគាត់ត្រូវតម្លើងថ្លៃដើម្បីឲ្យបានចំណេញ។
«ប្រជាពលរដ្ឋទៅទិញភាគច្រើនទិញតែសាច់សុទ្ធនិងសាច់បីជាន់ទេអីចឹងត្រូវសល់ឆ្អឹងតើគាត់លក់ឲ្យអ្នកណា។ អាអីចឹងគាត់ត្រូវបូកតម្លៃដែលលក់នៅសល់បន្ថែមហើយ»។
យ៉ាងណាក៏ដោយ លោកបានបញ្ជាក់ថាតម្លៃលក់នៅតាមទីផ្សារមានការខុសគ្នាពី១ពាន់ទៅ២ពាន់រៀលដូចជាផ្សារធំថ្មី ផ្សារអូរស្សីនិងផ្សារដើមគជាដើម ពោលគឺអាស្រ័យទៅលើអាជីវករម្នាក់ៗអ្នកខ្លះលក់ថោកដោយសារមានម៉ូយច្រើន។
យោងតាមសន្ទស្សន៍ប្រចាំថ្ងៃទំនិញចាំបាច់នៅលើទីផ្សារនៅក្នុងរាជធានីភ្នំពេញរបស់ក្រសួងពាណិជ្ជកម្មនៅថ្ងៃទី១៤ធ្នូនេះ តម្លៃសាច់ជ្រូកសុទ្ធនិងសាច់ជ្រូកបីជាន់លក់នៅផ្សារធំថ្មីក្នុង១គីឡូតម្លៃ២៥០០០រៀលដូចគ្នា។ ផ្សារច្បារអំពៅសាច់សុទ្ធតម្លៃ២៨០០០រៀល និងសាច់ជ្រូកបីជាន់២៥០០០រៀលក្នុង១គីឡូ។ ផ្សារដើមគសាច់សុទ្ធតម្លៃ២០០០០រៀលនិងសាច់បីជាន់តម្លៃ២៥០០០រៀល។ ផ្សារអូរឬស្សីសាច់សុទ្ធតម្លៃ៣០០០០រៀល និងសាច់បីជាន់តម្លៃ២៣០០០រៀលនិងផ្សារកណ្តាលសាច់សុទ្ធនិងសាច់បីជាន់មានតម្លៃ២៤០០០រៀលដូចគ្នាក្នុង១គីឡូ។
លោក ស៊្រុន ពៅ បានរំពឹងថា តម្លៃសាច់ជ្រូកនឹងធ្លាក់ចុះវិញបន្ទាប់ពីស្ថានភាពជំងឺកូវីដ១៩មានភាពធូរស្រាលឡើងវិញ៕
អត្ថបទ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង