ព័ត៌មានជាតិ
អ្នកខ្លះសល់ពងពេញរោង យុវជនម្នាក់ ៣ ថ្ងៃ លក់ពងទាបានជិត ១៥ ០០០ គ្រាប់ រកពងលក់មិនចង់បាន
យុវជនម្នាក់រស់នៅខេត្តកំពង់ឆ្នាំង ត្រឹមរយៈពេល ៣ ថ្ងៃ អាចលក់ពងទាបានជាង ១៥ ០០០ គ្រាប់ ខណៈមានអ្នកចិញ្ចឹមជាច្រើនរអ៊ូលក់មិនចេញ ឬលក់ខាតក៏មាន។
យុវជនរស់ កាណាល់ ប្រាប់តិកនិកដែលអាចលក់ពងទាបានរាប់ម៉ឺនគ្រាប់រយៈពេលខ្លីថា ការពិតទៅមុខរបរចិញ្ចឹមទាយកពងនេះ ជាមុខរបរឪពុកម្តាយនៅឯស្រុក តែដោយសារមួយរយៈនេះ ពងទាដែលធ្លាប់បោះអោយម៉ូយរាល់ដងលក់អត់ចេញ គេក៏ជួយលក់ដោយបង្ហោះនៅលើបណ្តាញសង្គម។
យុវជនវ័យក្មេងបន្តថា ត្រឹមមួយថ្ងៃក្រោយផុសលក់លើអនឡាញ មានអ្នក Share ជាង 1K មានអ្នកទិញជាហូហែរ។ ត្រឹម ៣ ថ្ងៃ តាមយុវជនរូបនេះ លក់បានជាង ១៥ ០០០ គ្រាប់ ហើយមកដល់ម៉ោងនេះ នៅតែមានអ្នកសួររកទិញ រកពងលក់មិនចង់បាន។
យុវជនដែលមានបទពិសោធន៍លើអនឡាញប្រាប់បន្តថា មូលហេតុដែលមានអ្នកគាំទ្រទិញពងទារបស់គេច្រើនគឺទីមួយទំនុកចិត្ត និងទីពីរគឺភាពអាណិតអាសូរ។
យុវជនដែលមានមិត្តភ័ក្រអ្នកធ្វើការច្រើន និងក៏កំពុងប្រកបរបរផ្នែកប្រព័ន្ធផ្សព្វផ្សាយដែរនោះលើកឡើងថា ដោយសារពងដែលគេលក់ជាពងទាក្នុងស្រុក ហើយជាពងដែលចិញ្ចឹមធម្មជាតិ មិនមែនជាពងនាំចូល។ យុវជនរូបនេះថា កន្លងទៅល្បីពងទាចាក់ថ្នាំ ទើបមានអ្នកទិញខ្លះអល់អែក ខ្លាចមិនចង់ទិញ។ តែពងដែលគេលក់ជាពងកសិដ្ឋានរបស់ឪពុកម្តាយរបស់គេផ្ទាល់ ទើបធ្វើឲ្យបងប្អូនមិត្តភ័ក្កទុកចិត្ត។ ម្យ៉ាងទៀតក៏អាចមកពីសណ្តានចិត្តអាណិតអាសូរ ដោយសារគេមានបណ្តាញមិត្តភ័ក្រច្រើននៅលើបណ្តាញសង្គម ហើយក្រោយការផុសលក់មានការ Share ច្រើនទៀត ក៏លក់បានច្រើនទៅ។
បើតាមយុវជនរូបនេះ បានបង្ហើបតម្លៃពងទាដែលគេលក់ គឺលក់រាយមួយគ្រាប់ ៣៥០ រៀល និងបោះដុំតម្លៃ ២៨០ រៀលក្នុងមួយគ្រាប់។
កសិដ្ឋានមួយនៅខេត្តកំពត បានប្រកាសប្រមូលទិញពងទាចំនួន ២០០ ០០០ ពង ពីខេត្តគោលដៅចំនួន ២ គឺខេត្តតាកែវ និងខេត្តព្រៃវែង។ កសិដ្ឋាននេះ ហ៊ានទិញក្នុងមួយគ្រាប់ ៤០០ រៀល និងពងទាខូចៗគឺ២០០រៀល តាមជាក់ស្តែង។
ម្ចាស់កសិដ្ឋានភូមិពងទាខ្មែរបានបើកយុទ្ធនាការ ជំរុញការលក់ពងទាក្នុងស្រុកតាមរយ:បណ្តាញទាំង១២ខេត្ត និង១៤ខណ្ឌក្នុងរាជធានីភ្នំពេញ ដើម្បីជួយសម្រួលវិបត្តិធ្លាក់ថ្លៃរបស់ពងទានាពេលបច្ចុប្បន្ននេះ។ ក្រុមការងារនឹងចុះទៅដល់ទីតាំងចិញ្ចឹមដោយផ្ទាល់ តែប្រកាសមិនប្រមូលទិញពីឈ្មួញកណ្តាលឡើយ។
ក្រោយវិបត្តិពងទាធ្លាក់ថ្លៃ អគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ បានចេញសេចក្ដីប្រកាសព័ត៌មាន ដោយច្រានចោលការលើកឡើងថា ការធ្លាក់ថ្លៃពងទាក្នុងស្រុក បណ្តាលមកពីការនាំចូលស៊ុតពីប្រទេសជិតខាង ជាហេតុធ្វើឲ្យផលិតផលស៊ុតមានតម្លៃថោក លក់មិនចេញ និងពិបាករកទីផ្សារជាខ្លាំង។
ពាក់ព័ន្ធនឹងការចុះថ្លៃស៊ុត នៅលើទីផ្សារនាប៉ុន្មានថ្ងៃចុងក្រោយនេះ គឺដោយសារស្ថានភាពជំងឺកូវីដ ១៩ គំរាមកំហែង ដែលធ្វើឲ្យតម្រូវការស៊ុតត្រូវបានកាត់បន្ថយជាអតិបរិមា។ ការចិញ្ចឹមបក្សីយកស៊ុត ក៏មានការកើនឡើងនៅគ្រប់តំបន់ទូទាំងប្រទេស ម្យ៉ាងទៀតនៅក្នុងរដូវត្រីត្រូវ ប្រពលរដ្ឋមួយចំនួនបែរមកបរិភោគត្រីជំនួសឲ្យស៊ុតបក្សីវិញ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង