ព័ត៌មានជាតិ

អាជ្ញាធររាជធានីបាននិងកំពុងជួសជុលនិងអ៊ុតកៅស៊ូផ្លូវចំនួន១៦ខ្សែក្រោយរងការខូចខាតដោយជំនន់ទឹកភ្លៀងកន្លងមក

បានផុស

៣ years មុន

នៅ

ថ្ងៃពុធ ៣០ ធ្នូ ២០២០

ដោយ

អាជ្ញាធររាជធានីភ្នំពេញ ដឹកនាំដោយលោក ឃួង ស្រេង ជាអភិបាល បាននិងកំពុងជួសជុលនិងអ៊ុតកៅស៊ូផ្លូវចំនួន១៦ខ្សែ នៅក្នុងមូលដ្ឋានខណ្ឌដូនពេញ ដែលទទួលរងការខូចខាតដោយជំនន់ទឹកភ្លៀងកន្លងមក ដើម្បីសំរួលការធ្វើដំណើររបស់ប្រជាពលរដ្ឋនិងដើម្បីជាការលើកសោភណ្ឌភាពរាជធានីភ្នំពេញអោយកាន់តែមានសម្រស់មួយកម្រិតថែមទៀតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីល្ងាចថ្ងៃទី២៩ធ្នូនេះ លោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ និងលោក សុខ ពេញវុធ អភិបាលខណ្ឌដូនពេញ បានចុះពិនិត្យដំណើរការ នៃការជួសជុលកែលំអរនៅផ្លូវលេខ៥១ ចាប់ពីផ្លូវលេខ១១៤ ដល់មហាវិថី ព្រះសីហនុ នៅក្នុងមូលដ្ឋានខណ្ឌដូនពេញ ខណៈដែលក្រុមការងារកំពុងតែអ៊ុតកៅស៊ូACលើបណ្តោយផ្លូវនេះ ។

លោកសុខ ពេញវុធ អភិបាលខណ្ឌដូនពេញ បានមានប្រសាសន៍លើកឡើងថា សកម្មភាពជួលជុលផ្លូវលេខ៥១ ដោយចាប់ពីផ្លូវលេខ១១៤ ដល់មហាវិថីព្រះសីហនុនេះ ជាផ្លូវមួយ ក្នុងចំណោមផ្លូវទាំង១៦ខ្សែក្នុងខណ្ឌ ដែលលោក ឃួង ស្រេង អភិបាលនៃគណៈអភិបាលរាជធានីភ្នំពេញ បានសំរេចឲ្យធ្វើ ការជួសជុលកែលំអរឡើងវិញ ជាបន្ទាន់ ក្រោយទទួលរងការខូចខាតដោយជំនន់ទឹកភ្លៀងដើម្បីសំរួលការធ្វើដំណើររបស់ប្រជាពលរដ្ឋ។

លោក សុខ ពេញវុធ ក្នុងនាមប្រជាពលរដ្ឋក្នុងខណ្ឌដូនពេញ បានថ្លែងអំណរគុណយ៉ាងជ្រាលជ្រៅដល់លោក ឃួង ស្រេង អភិបាលរាជធានី ដែលបានអនុវត្តតាមអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ណែនាំឲ្យមានការជួសជុល និងស្តារឡើងវិញ រាល់ហេដ្ឋារចនាសម្ពន្ធ័ដែលខូចខាតក្រោយជំនន់ទឹកភ្លៀងតាមបណ្តាខណ្ឌមួយចំនួននៅក្នុងរាជធានីភ្នំពេញ ហើយលោកក៏បានសំណូមពរដល់បងប្អូនប្រជាពលរដ្ឋដែលរស់នៅអមសងខាងផ្លូវដែលកំពុងតែដំណើរការ ជួសជុលនេះសូមចូលរួមសហការ ដើម្បីអោយការដ្ឋានប្រព្រឹត្តទៅដោយរលូន និងបានរួចរាល់តាមការគ្រោងទុក។

តាមការបញ្ជាក់ឱ្យដឹងពីមន្ត្រីរដ្ឋបាលរាជធានីភ្នំពេញ បានឲ្យដឹងថា គម្រោងជួសជុលផ្លូវខូចខាតឡើងវិញដោយសារជំនន់ទឹកភ្លៀងនៅក្នុងមូលដ្ឋានខណ្ឌដូនពេញ មានចំនួន១៦ខ្សែ នៅក្នុងនោះ រួមមាន៖ ទី១ ផ្លូវលេខ២១៤ ដោយចាប់ពី មហាវិថីព្រះមុនីវង្សរហូតដល់ផ្លូវលេខ១៩ ។

ទី២ មហាវិថីព្រះនរោត្តម ចាប់ពីរង្វង់មូលវត្តភ្នំរហូតដល់វិមានឯករាជ្យ ។

ទី៣ ផ្លូវលេខ ១៣០ ចាប់ពីផ្សារធំថ្មីរហូតដល់មហាវិថីព្រះនរោត្តម។

ទី៤ ផ្លូវលេខ៥៣ ចាប់ពីផ្លូវលេខ ១០៨ ដល់ផ្លូវលេខ១១០ ។

ទី៥ ផ្លូវលេខ១០៨ ចាប់ពីមហាវិថីព្រះមុនីវង្សរហូតដល់មហាវិថីព្រះស៊ីសុវត្ថិ។

ទី៦ ផ្លូវលេខ១១៨ ចាប់ពី មហាវិថីព្រះមុនីវង្ស ដល់មហាវិថីព្រះស៊ីសុវត្ថិ ។

ទី៧ ផ្លូវលេខ១២០ ចាប់ពីមហាវិថីព្រះមុនីវង្សដល់ផ្លូវលេខ ១១៨ ។

ទី៨ ផ្លូវលេខ១៣ ចាប់ពីមហាវិថីព្រះស៊ីសុវត្ថិ ដល់ផ្លូវលេខ ១៧៨ ។

ទី៩ ផ្លូវលេខ៩០ ចាប់ពីផ្លូវលេខ៤៧ រហូតដល់មហាវិថីព្រះស៊ីសុវត្ថិ ។

ទី១០ ផ្លូវលេខ១៨៤ ចាប់ពីមហាវិថីព្រះនរោត្តម ដល់ផ្លូវលេខ១៩ ។

ទី១១ រង្វង់មូលកួចកាណុង។

ទី១២ ផ្លូវលេខ៧២ ចាប់ពីរង្វង់មូលកួចកាណុង ដល់មហាវិថីព្រះស៊ីសុវត្ថិ។

ទី១៣ ផ្លូវលេខ៧៤ ចាប់ពីរង្វង់មូលកួចកាណុងដល់មហាវិថីព្រះស៊ីសុវត្ថិ។