ព័ត៌មានជាតិ
Update៖ ពិន័យហាងលក់ផលិតផល «ស្រីនាងសម្រស់ធម្មជាតិ» ៣ លានរៀល ពីបទបើកគ្មានច្បាប់ទម្លាប់
សមត្ថកិច្ចចម្រុះខេត្តសៀមរាប បានឲ្យដឹងថា ហាងលក់ផលិតផល «ស្រីនាងសម្រស់ធម្មជាតិ» ត្រូវបានសមត្ថកិច្ចជំនាញបិទបណ្តោះអាសន្នសិន និងផាកពិន័យចំនួន៣លានរៀល ករណីលួចបើកដោយគ្មានច្បាប់ទម្លាប់។
សូមរំលឹកថា ប្រតិបត្តិការចុះត្រួតពិនិត្យផលិតផលគ្មានច្បាប់នេះ ធ្វើឡើងនៅវេលាម៉ោងជាង៤រសៀល ថ្ងៃទី២៥ ខែធ្នូឆ្នាំ២០២០ ស្ថិតនៅតាមបណ្តោយផ្លូវលោកតាណឺយ ក្នុងភូមិដកពោធិ៍ សង្កាត់ស្លក្រាម ក្រុង ខេត្តសៀមរាប។
ក្នុងនោះដែរកម្លាំងចម្រុះរួមមានអាជ្ញាធរមូលដ្ឋាន នគរបាលប្រឆាំងបទល្មើសសេដ្ឋកិច្ច និងមន្ទីរសុខាភិបាលខេត្តសៀមរាប បានចុះទៅផ្អាកទីតាំង «ស្រីនាងសម្រស់ធម្មជាតិ» ប្រឹក្សានិងលក់ផលិតផលសម្រស់ធម្មជាតិ។ ការចុះបង្ក្រាបនេះ សមត្ថកិច្ចរកឃើញមានភាពមិនប្រក្រតីចំនួន៤ចំណុច ទី១ បើកអាជីវកម្ម អត់ច្បាប់។ ទី២ អាហារ បំប៉ន អត់មានចុះប្រវេតរបស់ក្រសួងសុខាភិបាល.។ ទី៣ផាកពិន័យអន្តរកាលតាមច្បាប់ ស្តីពីឱសថ។ ទី៤ ផ្អាកអាជីវកម្មបណ្តោះអាសន្ន រង់ចាំឲ្យគាត់សុំច្បាប់រួចរាល់ ទើបឲ្យបើកដំណើរការឡើងវិញ។
ពាក់ព័ន្ធករណីនេះដែរ លោកវរសេនីយ៍ឯក ជ្រិញ គឹមនី នាយការិយាល័យនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប បានឲ្យដឹងនៅថ្ងៃទី០៦ ខែមករា ឆ្នាំ២០២១នេះថា ករណីនោះខាងលោក បានធ្វើការងារជាមួយជំនាញសុខាភិបាលចប់អស់ហើយ។ លោកថា សមត្ថកិច្ចតម្រូវឲ្យម្ចាស់ហាងខាងលើរត់ច្បាប់ឲ្យបានរួចរាល់សិន ទើបឲ្យបើកឡើងវិញ។
ជុំវិញករណីនេះដែរ លោកស្រីវេជ្ជបណ្ឌិត លី វណ្ណៈ ប្រធានការិយាល័យនិយ័តកម្ម នៃមន្ទីរសុខាភិបាល ខេត្តសៀមរាប បានមានប្រសាសន៍ប្រាប់នៅថ្ងៃទី០៦ ខែមករា ឆ្នាំ២០២១ថា ករណីផលិតផលរបស់«ស្រីនាងសម្រស់ធម្មជាតិ» ប្រឹក្សានិងលក់ផលិតផលសម្រស់ធម្មជាតិនេះ មាន៤ប្រភេទ ដែលមិនទាន់បានចុះប្រវេទ គឺវាខុសច្បាប់គ្រប់គ្រងឱសថ និង គ្រប់គ្រង គ្រឿងសំអាង ខណៈការផ្សព្វផ្សាយផលិតផលថា ព្យាបាលជា តាមពិតផលិតនោះ គឺមិនមែនព្យាបាលជំងឺទេ វាគ្រាន់តែជាអាហារបំប៉នសុខភាព បែរជាមានការផ្សព្វផ្សាយថា ព្យាបាល គីស ជានោះ គឺវាខុសច្បាប់ ទាំងស្រុង។
ប្រធានការិយាល័យនិយ័តកម្ម បន្តថា ទីតាំងនេះ គ្មានច្បាប់បើកអាជីវកម្ម ពុំទាន់មានលិខិតអនុញ្ញាត និងផលិតផលភាគច្រើនចុះលេខបញ្ជការ មាន៤មុខ ដូចជា គ្រឿងសំអាងគាត់អត់លេខកាវេទ និង មួយទៀតផ្សព្វផ្សាយខុសការពិត ធ្វើឲ្យប្រជាជនមានការភាន់ច្រឡំថា ព្យាបាលជា ធ្វើឲ្យប៉ះពាល់ដល់សុខភាពរបស់ប្រជាជន ដែលខុសពីការណែនាំរបស់ក្រសួងសុខាភិបាល។
លោកស្រីបន្ថែមថា បើម្ចាស់ហាងនោះមានច្បាប់ ខាងជំនាញ នឹងអនុញ្ញាតិឲ្យបើកឡើងវិញ។
យ៉ាងណាក៏ដោយ សមត្ថកិច្ចអះអាងថា នឹងបន្តនិតិវិធីបន្ថែមទៀត ប្រសិនបើនៅបន្តបើកដោយមិនមានច្បាប់អនុញ្ញាត៕
អត្ថបទ ៖ កុសល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»