ព័ត៌មានជាតិ

ក្រសួងបរិស្ថានអនុញ្ញាតឲ្យក្រុមហ៊ុនមួយប្រមូលថ្លៃលក់សំបុត្រចូលទស្សនាឧទ្យានជាតិ គីរីរម្យនិងតំបន់រ៉ាមសារព្រែកទាល់

បានផុស

៣ years មុន

នៅ

ថ្ងៃសៅរ៍ ៩ មករា ២០២១

ដោយ

ក្រសួងបរិស្ថានបានអនុញ្ញាតឲ្យក្រុមហ៊ុន លឹម សុខចេង ទទួលសិទ្ធក្នុងការប្រមូលថ្លៃលក់សំបុត្រចូលទស្សនាឧទ្យានជាតិព្រះសុរាម្រិត កុសមៈគីរីរម្យ នៅខេត្តកំពង់ស្ពឺ និងតំបន់រ៉ាមសារព្រែកទាល់ស្ថិតនៅខេត្តបាត់ដំបង បន្ទាប់ពីដាក់ដេញថ្លៃជាសាធារណៈរួចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីដេញថ្លៃនេះបានធ្វើឡើងនៅថ្ងៃទី០៨ ខែមករា ឆ្នាំ២០២១ នៅទីស្តីការក្រសួងបរិស្ថានដោយមានការចូលរួមពីលោក ខូវ សូវៀត អនុប្រធានគណៈកម្មការដេញថ្លៃតំណាងក្រសួងសេដ្ឋកិច្ចនិងហិរញ្ញវត្ថុ តំណាងអគ្គនាយកដ្ឋានរដ្ឋបាលការពារ និងអភិរក្ស តំណាងអគ្គនាយកដ្ឋានរដ្ឋបាល និងហិរញ្ញវត្ថុ ប្រធានមន្ទីរបរិស្ថាន ខេត្តកំពង់ស្ពឺ និងមន្ទីរបរិស្ថានខេត្តបាត់ដំបង ចំនួន០២សំណើរ។

១.បើកសំណើរដេញថ្លៃជាសាធារណៈអោយក្រុមហ៊ុនប្រមូលចំណូលថ្លៃលក់សំបុត្រចូលទស្សនាឧទ្យានជាតិព្រះសុរាម្រិត កុសមៈគីរីរម្យ ខេត្តកំពង់ស្ពឺនិង ២.បើកសំណើរដេញថ្លៃជាសាធារណៈអោយក្រុមហ៊ុនប្រមូលចំណូលថ្លៃលក់សំបុត្រចូលទស្សនាតំបន់ រ៉ាមសារព្រែកទាល់ខេត្តបាត់ដំបង។

ចំពោះឧទ្យានជាតិព្រះសុរាម្រិត កុសមៈគីរីរម្យខេត្តកំពង់ស្ពឺ មានក្រុមហ៊ុនចំនួន០៣ចូលរួមនិងដាក់តម្លៃដេញជាមូលដ្ឋានចាប់ពី៣៥០.០០០.០០០រៀល ក្នុងនោះក្រុមហ៊ុនដាក់តម្លៃដេញថ្លៃខ្ពស់បំផុតគឺ១.លោក ជុំ ដារា ៤២១.០០០.០០០រៀល ២.លោក ប៉ោ សេង ៥០០.៥០០.០០០រៀល ៣.លោក លឹម សុងចេង ៨២ ៦.០០០.០០០ រៀល។

ជាលទ្ធផលក្រុមហ៊ុន លឹម សុខចេង ទទួលបានសិទ្ធក្នុងការប្រមូលចំណូលថ្លៃលក់សំបុត្រចូលទស្សនាឧទ្យានជាតិព្រះសុរាម្រិតកុសមៈគីរីរម្យឆ្នាំ២០២១ក្នុងតម្លៃ (៨២៦.០០០.០០០រៀល)។ ចំណែកតំបន់ រ៉ាមសារព្រែកទាល់ខេត្តបាត់ដំបង មានក្រុមហ៊ុនចំនួន០២ចូលរួម និងដាក់តម្លៃដេញថ្លៃជាមូលដ្ឋានចាប់ពី ៦០.០០០.០០០រៀល ក្នុងនោះក្រុមហ៊ុនដាក់តម្លៃដេញខ្ពស់បំផុតគឺ៖ ១.កញ្ញា សៀងមុយ តំណាងអោយក្រុមហ៊ុន សុខ ហុង៧៥.៨០ ០.០០០រៀល ២.លោក លឹម សុខចេង ៧៦.០៥៥.០០០រៀល។