ព័ត៌មានជាតិ
ធ្លាក់ខ្យល់ត្រជាក់ត្រូវប៉ាន់អ្នកលក់អាវរងា
អាជីវករលក់ដូរសំលៀកបំពាក់នៅផ្សារច្បារអំពៅ បានឲ្យដឹងថា ចាប់តាំងពីធ្លាក់ខ្យល់ត្រជាក់ នាប៉ុន្មានថ្ងៃមកនេះ ពួកគាត់លក់អាវរងាដាច់ជាងរាល់ថ្ងៃ ប៉ុន្តែភាគច្រើនជាអាវមនុស្សចាស់ និងក្មេងៗ។
ស្ត្រីជាអាជីវករឈ្មោះ ចាន់ វិន បានឲ្យដឹងកាលពីរសៀលថ្ងៃទី១៣ ខែមករា នេះថា ចាប់ពីធ្លាក់ខ្យល់ត្រជាក់មក រូបគាត់លក់ដាច់តែអាវមនុស្សចាស់ និងកូនក្មេង។ចំពោះតម្លៃវិញ គឺមិនយកថ្លៃច្រើននោះទេ ព្រោះជាម៉ូយ។
អាជីវកររូបនេះ បានបន្ថែមថា ក្នុងអាវរងាមនុស្សចាស់១ថ្លៃ១២ដុល្លារ លើសពីមុន១ដុល្លារ ប៉ុណ្ណោះ។
ដោយឡែកអាជីវករលក់នៅក្រៅផ្សារច្បារអំពៅ ម្នាក់ទៀតបានឲ្យដឹងថា ក្នុងប៉ុន្មានថ្ងៃនេះ សម្បូរអ្នកមកទិញអាវរងា ប៉ុន្តែក្នុងនោះអ្វីដែលលក់ដាច់ជាងគេ គឺស្រោមដៃ នឹងស្រោមជើង។ហើយប្រាក់ចំណេញបានក្រាស់គ្រែលជាងរាល់ដង។
អាជីវករឈ្មោះ វឿន វ៉ាន់នី ដែលលក់នៅក្រៅផ្សារបានឲ្យដឹងថា អ្នកលក់ក្រៅផ្សារសប្បាយ និងលក់ដាច់ជាងមុន ខណៈអ្នកទិញច្រើន ច្រើនមកថ្ងៃអាទិត្យ ដែលជាថ្ងៃឈប់សម្រាក។
អាជីវករ វ៉ាន់ នី បញ្ជាក់ថា កន្លែងតូបរបស់គាត់ច្រើនទិញខោអាវជជុះមកលក់ ដែលអាវរងាក្នុងផ្សារលក់ថ្លៃ១២ដុល្លារ ឯអ្នកក្រៅផ្សារលក់ត្រឹម៣០០០០រៀល។
ទាក់ទិនទៅនឹងការធ្លាក់ខ្យល់ត្រជាក់លោក ជា សារុន មុខរបររត់ម៉ូតូឌុប រស់នៅភូមិ មិត្តភាព សង្កាត់ព្រែកឯង ខណ្ឌច្បារអំពៅ បាននិយាយថា មេឃធ្លាក់ត្រជាក់ធ្វើឲ្យអ្នករត់ម៉ូតូឌុបភាគច្រើនជាមនុស្សចាស់ បាននាំគ្នាទៅទិញអាវរងានៅផ្សារច្បារអំពៅសឹងគ្រប់គ្នាព្រោះរងាខ្លាំងពេក ហើយបើមិនទិញមានតែសម្ងំនៅផ្ទះ ដូច្នេះមានតែទិញយកមកពាក់ដើម្បីរត់ម៉ូតូរកប្រាក់ចំណូល៕
អត្ថបទ ៖ នរា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង