ពេញមួយ​ឆ្នាំ ២០២០ វិស័យ​ទេសចរ​​ដួល តែ​អាជីវកម្ម ៣​ មិន​​ប៉ះពាល់ តែ​អាច​កើប​ចំណូល​បាន​ថែម​ទៀត
Connect with us
Helistar Cambodia - Helicopter Charter Services

ព័ត៌មានជាតិ

ពេញមួយ​ឆ្នាំ ២០២០ វិស័យ​ទេសចរ​​ដួល តែ​អាជីវកម្ម ៣​ មិន​​ប៉ះពាល់ តែ​អាច​កើប​ចំណូល​បាន​ថែម​ទៀត

Published

on

ឥទ្ធិពលនៃការឆ្លងរាតត្បាតជំងឺកូវីដ១៩ ពេញ​មួយ​ឆ្នាំ ២០២០ បាន​បង្កើត​វិបត្តិ​​ស្ទើរ​គ្រប់​វិស័យ​។ តែ​វិស័យចំនួន ០៣ នៅតែ​អាចរកប្រាក់ចំណេញ មិន​រង​ផល​ប៉ះពាល់​ដោយ​សារ​ជំងឺ​កូវីដ ១៩។

១.មីក្រូហិរញ្ញវត្ថុ និងធនាគារ

រូបតំណាងធនាគារ

មាន​ការភ័យ​ខ្លាច កូវីដ អូស​បន្លាយ អាច​ធ្វើ​ឲ្យ​វិស័យ​ធនាគារ​អាច​ជួប​វិបត្តិ ដោយសារ​លំហូរ​សាច់​ប្រាក់​នឹង​ត្រូវ​រាំង​ស្ទះ។ តែ​បើយោងតាមរបាយការណ៍ប្រចាំឆមាសទី ១ នៃធនាគារជាតិនៃកម្ពុជា ក្នុង ៦ខែ ដំបូងនៃ ឆ្នាំ ២០២០ ទ្រព្យសកម្មរបស់ប្រព័ន្ធធនាគារមានកំណើន ១៧,៤% ដល់ ៥៤,១ ប៊ីលានដុល្លារអាមេរិក។ ឥណទានអតិថិជនកើន ១៩,៦% ឬកើនដល់ ៣៤,៤ ប៊ីលានដុល្លារ ហើយប្រាក់បញ្ញើអតិថិជនមានកំណើន ១២,៣% ឬកើនដល់ ៣០,៥ ប៊ីលានដុល្លារ និងដើមទុនមានកំណើន ១០,៨% ដល់ ៦ ប៊ីលាន ដុល្លារអាមេរិក ដែល​នេះជាសញ្ញាបញ្ជាក់ថាវិស័យធនាគារនៅតែរឹងមាំ។

ធនាគារ ABA ជា​ធនាគារ​ដ៏​ធំ​មួយក្នុងត្រីមាសទី ១ នៃឆ្នាំ ២០២០ នៅ​បង្ហាញ​ភាព​រឹង​មាំមិន​ប៉ះពាល់ ថែម​ទាំង​ទទួល​បាន​ប្រាក់​ចំណេញ​​។ ទ្រព្យសកម្មនៃធនាគារ​បានកើន ៥,៧ ភាគរយ បើប្រៀបធៀបទៅនឹងត្រីមាសដូចគ្នានៃឆ្នាំ ២០១៩។ ចំនួនទឹកប្រាក់បញ្ញើរបស់ ABA បានកើនឡើងដល់ ៣,៥ ពាន់លានដុល្លារ ខណៈចំនួនទឹកប្រាក់កម្ចីសរុបគឺមានប្រមាណ ៣ ពាន់លានដុល្លារអាមេរិក។ លើសពីនេះ ធនាគារ ABA ទទួលបានប្រាក់ចំណេញសុទ្ធប្រមាណ ៣៣,៥ លានដុល្លារនៅក្នុងត្រីមាសទី ១។

ធនាគារកាណាឌីយ៉ា ក៏ជាឧទាហរណ៍មួយទៀតដែលបង្ហាញថាវិស័យធនាគារនៅកម្ពុជានៅតែរឹងមាំ។ យោងតាមនាយកប្រតិបត្តិធនាគារកាណាឌីយ៉ាគឺលោក Raymond Sia Say Guan បានប្រាប់​កាសែត​ក្នុង​ស្រុក​មួយ​ ធនាគារកាណាឌីយ៉ានៅ​តែ​ដំណើរការបានល្អ ទោះបីមានវិបត្តិកូវីដក៏ដោយ។

តារាងតុល្យការប្រចាំឆ្នាំចុងក្រោយបង្ហាញថា ទឹកប្រាក់កម្ចីសរុបមានចំនួន ៣,៩ ពាន់លានដុល្លារអាមេរិក ហើយប្រាក់បញ្ញើសរុបមានចំនួន ៥,៣ ពាន់លានដុល្លារ ដែលច្រើនជាងប្រាក់កម្ចីជិតទ្វេដង។ តួរលេខនេះធ្វើឱ្យធនាគារកាណាឌីយ៉ាក្លាយជាធនាគារធំបំផុតបើវាស់លើតារាងតុល្យការក្នុងឆ្នាំ ២០១៩ ។ ទន្ទឹមនឹងនេះ ប្រាក់ចំណេញសុទ្ធរបស់ធនាគារនេះក្នុងឆ្នាំ ២០១៩ គឺមានដល់ទៅ ១២២ លានដុល្លារអាមេរិក។ ដូចច្នេះឱកាសដែលនឹងដួលរលំគឺទាបណាស់។

១. អាជីវកម្ម​អនឡាញ

ខណៈការប្រើប្រាស់អុីនធឺណេតកាន់តែមានភាពទូលំទូលាយនៅក្នុងប្រទេសកម្ពុជា ហើយ​ក្នុង​ពេល​វិបត្តិកូវីដ មនុស្ស​មិន​អាច​ប្រាសស្រ័យទាក់ទងគ្នាដោយ​ផ្ទាល់​ដូច​មុន អាជីវកម្មតាមប្រព័ន្ធអនឡាញរីកដូច​ផ្សិត​។ អាជីវកម្មមួយចំនួនបានប្រែក្លាយ​ជាហាងលក់​ទំនិញអនឡាញ ដែល​មានការតាំងលក់ផលិតផល​គ្រប់ប្រភេទ។

កត្តាទាំងនេះ បានធ្វើឲ្យអាជីវកម្មលើ​អនឡាញ កាន់តែទទួលបានប្រាក់ចំណូលល្អប្រ​សើរនារដូវកូវីដ១៩ ដោយសារ​អតិថិជន​ងាក​មក​ប្រើប្រាស់​បច្ចេកវិទ្យា​ សម្រាប់​ប្រើប្រាស់​សេវាកម្ម​ឬ​ការ​ទិញ​ផលិតផល​លើ​អ៊ីនធឺណិត។

២. ក្រុមហ៊ុនដឹកជញ្ជូនទំនិញធុន​ស្រាល

ការប្រើប្រាស់​សេដ្ឋ​កិច្ច​ឌីជីថលបាន​កើន​ឡើង​យ៉ាង​គំហុកក្នុង​រយៈ​ពេលជិត​មួយ​ឆ្នាំ​ក្នុង​អំឡុង​កូវិដ​ ១៩។ ការប្រើប្រាស់អេប (App) នៅលើទូរស័ព្ទដៃ ​ដើម្បីបញ្ជា​ទិញ​ទំនិញ​ម្ហូប​អាហារ និង​គ្រឿ​ងប្រើប្រាស់​ផ្សេងៗ​ទៀត បានរុញឲ្យវិស័យដឹក​ជញ្ជូនឥវ៉ាន់​ធុនស្រាល មាន​ការ​កើនឡើង និងរកចំណូលបានច្រើនក្នុងរដូវកូវីដ១៩។

ការប្រើប្រាស់ (App) បានកើនឡើងប្រមាណ ២៥% ក្នុងឆ្នាំ ២០២០។ ប្រធានតំណាងអ្នកទីផ្សារ App ដឹកជញ្ជូន E-getS បានប្រាប់ថា ក្រុមហ៊ុនមានអតិថិជន​កើនឡើង​សរុប ២០០% ក្នុងឆ្នាំ ២០២០ ប្រៀបធៀបនឹងឆ្នាំ ២០១៩៕

អត្ថបទ៖ ឡេង ដេត

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services